Morgunblaðið - 16.05.2000, Blaðsíða 60
60 ÞRIÐJUDAGUR 16. MAÍ 2000
UMRÆÐAN
MORGTJNBLAÐIÐ
Um vísindalegar rann-
* sóknir og samkynhneigð
HINN 4. maí síðastliðinn ritar
Katrín H. Stefánsdóttir, meðlimur í
áhugahópi um velferð bama, grein í
Morgunblaðið, þar sem hún heldur
því fram að samkynhneigðir séu
óhæfir foreldrar og nefnir nokkrar
rannsóknir máli sínu til stuðnings. í
greininni sakar Katrín mig um rang-
færslur og sé ég mig því knúinn til að
svara grein hennar.
■ Til þess að rannsóknir teljist vís-
indalegar verður að fylgja mörgum
reglum um hlutleysi rannsakenda til
að skekkja ekki niðurstöður. Ætli
menn því að vitna í rannsóknir er
nauðsynlegt að þeir vegi og meti
framkvæmd þeirra og túlkanir á
gagnrýninn hátt. Hvað ætli gildi um
heimildir Katrínar? Skoðum málin.
Katrín heldur því fram að rann-
sóknir hafi sýnt, að samkynhneigðir
séu vondir, ef ekki hættulegir, for-
eldrar. Hún segir að rannsóknir hafi
sýnt að böm samkynhneigðra séu í
meiri hættu á að verða samkyn-
hneigð en böm alin upp hjá giftum
foreldmm. Til að styðja þetta vitnar
hún í rannsóknir Family Research
jínstitute og Family Research
Council. Hvaða stofnanir em þetta?
Fjölskyldurannsóknarstofnunin
Family Research Institute er í
Colorado. Forstöðumaður stofnunar-
innar er dr. Paul Cameron. Saga dr.
Camerons sem fræðimanns hefur
ekki verið glæsileg. Árið 1983 var
hann rekinn úr bandarísku sálfræð-
ingasamtökunum eftir ítarlegar
rannsóknir á störfum hans þar sem
hann hafði mistúlkað niðurstöður vís-
indamanna og hans eig-
in rannsóknir vora ekki
hlutlausar. Dr. Camer-
on heldur því reyndar
fram sjálfur að hann
hafi sagt sig úr samtök-
unum en það getur ekki
staðist þar eð lög þeirra
banna úrsögn á meðan
rannsókn stendur yfir.
Tilraunir Katrínar til
að gera bandarísku sál-
fræðingasamtökin ótrú-
verðug falla um sjálfar
sig enda era þessi sam-
tök með virtustu sam-
tökum sálfræðinga í
heiminum. Flestir
virtustu sálfræðingar
Bandaríkjanna era meðlimir í þeim
en eini sálfræðingurinn sem Katrín
vill trúa var rekinn úr þeim.
Ófögur saga dr. Camerons sem
hlutlauss vísindamanns hefur haldið
áfram frá áðurnefndum brottrekstri
hans. Áður en rannsóknum hans lýk-
ur tilkynnir hann iðulega hvaða nið-
urstöður hann ætli og muni fá fram.
Fjöldi virtra fræðimanna hefur sak-
að hann um að rangtúlka og snúa út
úr niðurstöðum rannsókna þeirra og
þar með um áframhaldandi fals á nið-
urstöðum.
Árið 1995 hélt dr. Cameron því
fram að alnæmi væri blessun Guðs
og leið hans til að losna við ósóma
sem hrjáir vestræn þjóðfélög. Að
sama skapi ætti að húðflúra HlV-já-
kvæða einstaklinga í framan og að-
skilja þá frá samfélaginu eins og gert
er við plágusjúklinga í siðmenntuð-
um þjóðfélögum! Til að
kóróna meistaraverkið
birti stofnun hans
sama ár niðurstöður
sem sýndu að alnæmis-
fræðsla hvetti til
óábyrgrar hegðunar í
kynlífi.
Rannsóknir dr.
Camerons eiga því
ekkert skylt við vísindi.
Rannsóknir hans era
ekkert annað en áróð-
ur í baráttu öfgasinn-
aðra hægrimanna í
Bandaríkjunum gegn
réttinduny samkyn-
hneigðra. í stað þess að
nota Biblíuna sem
mótrök hefur dr. Cameron komist að
þeirri niðurstöðu að með því að
kenna skoðanir sínar við vísindi verði
þær trúverðugri. Hefur einhver
heyrt um úlf í sauðargæra?
Fj ölsky ldu r annsóknarráðið
Önnur vísindaleg samtök sem
meðlimir áhugahóps um velferð
barna hafa bent á er Family Re-
search Council, FRC, í Washington.
Á heimasíðu samtakannna (www,-
frc.org) má lesa að FRC telur að
samkynhneigð sé óheilbrigð, siðlaus
og niðurrífandi fyrir einstaklinga,
fjölskylduna og samfélagið. Getur
þessi stofnun framkvæmt hlutlausar
rannsóknir?
Til að styðja fullyrðingar sínar
vitnar FRC í grein sem heitir Homo-
sexuality and Parenting; Bad for
Children - Bad for Society. í grein-
Kynhneigð
Árið 1995 hélt
dr. Paul Cameron
því fram, segir Guðni
Kristinsson, að alnæmi
væri blessun Guðs.
inni segir: „Við þurfum ekki rann-
sóknir til að segja okkur að það sé
óráðlegt að börn leiki sér nálægt
hraðbrautum án eftirlits. Að sama
skapi þurfum við ekki rannsóknir til
að segja okkur að það sé óheilbrigt
fyrir börn að vera alin upp af fólki
með kynferðis-, kynhneigðar- og
kynhegðunartraflanir." Getur þessi
stofnun framkvæmt hlutlausar rann-
sóknir?
Niðurstöður
fræðilegra rannsókna
Hvorug þessara stofnana nýtur
vísindalegs trúverðugleika og eiga
þær meira skylt við þrýstihópa en
vísindastofnanir. Ég hvet meðlimi
áhugahóps um velferð barna til að
kynna sér betur (ó)trúverðugleika og
hlutlægni (-drægni) rannsókna áður
en þeir vitna í niðurstöður þeirra á
opinberam vettvangi.
Niðurstöður vísindalegra rann-
sókna undanfarinna ára sýna að sam-
kynhneigðir foreldrar era ekki verri
uppalendur en gagnkynhneigðir og
að börn þeirra era yfirleitt fordóma-
Guðni
Kristinsson
lausari en börn sem alast upp hjá
gagnkynhneigðum.
Rannveig Traustadóttir, dósent í
uppeldis- og menntunarfræðum við
Háskóla Islands, virtasti fræðimaður
Islendinga á þessu sviði, hefur marg-
oft kynnt niðurstöður þessara rann-
sókna opinberlega. Hún hefur tekið
saman lista með yfir tuttugu bókum
og ritum sem styðja niðurstöður
hennar. Þann lista má nálgast á
www.hi.is/pub/gay, heimasíðu Félags
samkynhneigðra og tvíkynhneigðra
stúdenta. Allar era þessar rannsókn-
ir unnar af færastu sérfræðingum í
fjölskyldurannsóknum og gefnar út
af virtum háskólum, jafnt austanhafs
sem vestan. Þar má nefna Columbia í
New York og Smith College í Massa-
chusetts. Það er veikur málstaður
sem áhugahópur um velferð barna
hefur að verja. í einu orðinu vill hóp-
urinn verja réttindi allra barna, en í
hinu orðinu mega börn samkyn-
hneigðra ekki öðlast þau réttindi sem
börn gagnkynhneigðra hafa. Með því
að berjast gegn stjúpættleiðingum
fólks í staðfestri samvist er hópurinn
að vinna gegn hagsmunum fjölda
barna sem alast upp innan slíkra
sambanda. Getur verið að fordómar,
og jafnvel hatur, í garð samkyn-
hneigðra sé hvöt þessa fólks? Hvað
varð þá um velferð bamsins? Era
það ekki réttindi sérhvers bams að fá
að alast upp hjá foreldram sem elska
það og virða, hvort heldur foreldr-
amir era samkynhneigðir eða gagn-
kynhneigðir?
Að lokum vil ég óska öllum lands-
mönnum til hamingju með endur-
bætt lög um staðfesta samvist. Með
lögunum era fjölda barna og foreldr-
um þeirra tryggð réttindi sem Is-
lendingar geta verið stoltir af. Með
þeim orðum lýkur mínu innleggi í
þessa umræðu.
Höfundur er formuður Félags
snmkynhneigðra og tvfkynhneigðra
stúdenta.
A
MITSUBISHI
MITSUBISHI
- demantar í umferð