Skírnir - 01.01.1889, Qupperneq 38

40
FRAKKLAND.
úr þingsalnum, en sneri sér við í dyrunum og sagði: næstu
kosningar munu sópa ykkur burt, herrar mínir! Jules Ferry hélt
ræðu nokkrum dögum seinna. Hann er foringi þess íiokks sem
Opportunistar (opportunistes) kallast; hafa þeir aðrar skoðanir
en hinir radikölu (radicaux). Ferry taldi upp hvað þjóðveldið
hefði gert fyrir landið síðan 1870. Hann kvað frumvarp Floquets
um endurskoðun á stjórnarskipuninni vera ónýtt og hættulegt.
Hann sagði að fjandmenn þjóðveldisins hefðu tekið höndum
saman við óánægða menn og fallið til fóta einum manni «og
þvilíkum manni líka!»
Einn af þingmönnum Seinefylkisins dó í desembermánuði
og ætlaði Boulanger að bjóða sig þar fram. J>að var áhætta
mikil, því af hinum 564,000 kjósendum í Seinefxlkinu eru ekki
nema 80,000 konungs- og keisarasinnar, og í París var meiri
hluti blaðanna andstæður honum. |>au sögðu, að árið 1888
hefði hann eytt hérumbil 3 miliónum fránka í kosningar.
Næsti Skírnir verður að segja frá kosningunni í París 27. jan.
1889, sem varð hinn mesti sigur, sem hann hefur unnið enn
sem komið er.
Carnot forseti hefur 136,000 krónum minna i árslaun en
Danakonungur; hann er prúðmenni, en ekki hefur hann enn
þá sýnt í neinu, að hann væri jafnoki afa sins.
Endurskoðunarfrumvarp Floquets rýrir vald efri deildar
og forseta. það eru litlar líkur til, að það verði samþykkt.
Floquet lagði líka fyrir þing frumvarp um tekjuskatt og var
það óvinsælt.
Greifinn af Paris sendi sumarið 1888 öllum hreppstjórum
á Frakklandi bréf og bað þá um liðveizlu til þess að bjarga
landinu frá þjóðveldinu. Mestur hluti þessara bréfa var gjörður
upptækur af stjórninni.
Hátíðarhöld í hundrað ára minning stjórnarbyltingarinnar
miklu byrjuðu 1888 i Dauphiné, suðaustan til á Frakklandi.
þar var haldinn merkisfundur árið 1788. Hátíðin 14. júlí
i París fór fram með mikilli viðhöfn. Carnot hélt ræðu fyrir
bæjarstjórum og fám dögum síðar afhjúpaði hann standmynd
af Mirabeau og hélt ræðu. Lockroy kennslumálaráðgjafi hélt
ræðu við verðlaunaútbýting í Paris, og sagði meðal annars að