Skírnir - 01.01.1889, Síða 51

ÞÝZKALAND.
53
þá upp til glæpa og kæmu svo upp um þá. Nefndi hann sem
dæmi þess menn nokkra í Sviss. Afleiðingin af þessu varð,
að þingið gekk ekki að frumvarpi stjórnarinnar, en framlengdi
sósíalistalögin um tvö ár, til 1. október 1890, eins og þau voru
óbreytt, og gerði þau ekki strangari.
I nóvemberlok var lagt fyrir þingið merkilegt frumvarp til
laga um sjúkra og örvasa sjóð fyrir vinnumenn. Vilhjálmur
annar hafði sagt, að hann mundi feta í spor afa síns að því
er bót á kjörum fátækra snerti, í þá stefnu, sem hann skýrði
frá 1881. þessi lög ná yfir hérumbil 12 miliónir vinnumanna
(kvennmenn og karlmenn). Hver vinnumaður er skyldur að
leggja hérumbil fimmtugasta hluta af vikulaunum sínum i sjóð;
verður það misjafnt eptir því hvað há vikulaunin eru. Ríkið
og húsbóndinn leggur hvort um sig jafnmikið í sjóðinn og
vinnumaðurinn. þannig leggur hver þeirra þriðjung í sjóðinn
Sjóðunum stýrir stjórnin. Hver vinnumaður á bók með hvítum
blöðum, og sýna þau merki sem eru Iímd í hana, hvað hann
hefur borgað.
Framfaraflokknum (Fortschrittler) á þingi Prússa fækkaði
töluvert við þingkosningar i október. Yfirhöfuð er hann fá-
mennasti flokkurinn á þingi þjóðverja að Dönum, sósíalistum,
Frökkum og Pólverjum undanþegnum.
Á Norður-þýzkalandi flóðu mörg fljót yfir bakka sína vorið
1888. Landið var víða eins og sjór, sem kirkjuturnar og há
hús stóðu upp úr. Skaðinn var talinn 70—80 miliónir marka
og var þegar safnað samskotum. Herlið var sent til að hjálpa
til að stemma stigu fyrir flóðinu og drottning Friðriks keisara
ferðaðist um þau héruð, sem verst voru stödd, til að bæta úr
neyðinni sem mest mátti.
Henrik Ibsen í Munchen er orðinn átrúnaðargoð þjóð-
verja; enginn Norðurlandabúi og ekki Oehlenschláger sjálfur
hefur verið hafður í slíkum hávegum um allt þýzkaland, og jafnvel
í Austurrílci líka, eins og Ibsen nú. Enginn af þýzkum höf-
undnm, sem nú eru uppi, stendur honum jafnfætis. Yfirhöfuð
hættir þjóðverjum við að láta Bismarck hugsa fyrir sig eða
«hugsa með heila Bismarcks», eins og maður hefur að orði