Skírnir - 01.01.1889, Page 67

EÝZKALAND.
69
Noregur og Svíþjóð.
Ekki er sopið kálið þó í ausuna sé komið.
Vinstri menn sitja að völdum í Noregi, og þeir geta tekið
sér i munn þetta máltæki. Hægri menn sitja að völdum í Sviþjóð
og þeir geta líka tekið sér það í rnunn. Einkum á það þó við
Jóhann Sverdrup, sem hefur setið á veldisstóli ráðaneytis í Noregi
síðan 1884. Sá stóll er nú orðinn svo valtur, að það er varla
sitjandi á honum. Allt árið 1888 hafa ráðgjafarnir verið að
smátínast úr ráðaneytinu. Aður en þingi var slitið sumarið
1888, höfðu fjórir farið úr því. Helztur þeirra, sem voru teknir
upp í ráðaneytið í staðinn, var W. S. Dahl sýslumaður. Áður
en þinginu var slitið, kom Steen forseti með þá uppástungu,
að þingið skyldi lýsa yfir vantrausti sínu á stjórn Jóhanns
Sverdrups. Stóðu umræður um það í marga daga og var það
loksins fellt með 14 atkvæða mun. þvi næst fóru fram kosn-
ingar til þings um sumarið og öndvert haustið. Björnstjerne
Björnsson ferðaðist og hélt ræður á fundum, en það dugði
ekki. Vinstri flokkarnir gerðu hvor öðrum allt til meins og
hægri menn unnu því mikinn sigur. A þinginu höfðu setið 84
vinstri menn og 30 hægri menn. |>egar kosningunum var lokið
sátu á þinginu 54 hægri menn, 33 vinstrimenn og 27 Sverdrups-
menn eða Oftedælir, sem þeir kallast er fylgja Oftedal eða
Sverdrúpunum (Jóhanni og Jakob). Hefðu hægri menn fengið
58 þingmenn, þá hefðu þeir ráðið lögum og lofum á þinginu.
Eins og nú var komið, mátti segja að Sverdrups ráða-
neyti lifði af náð hægri manna. Vonir vinstri manna um að
gullöld mundi renna upp í Noregi, þegar Sverdrup komst til
valda, hafa þannig brugðizt. Margir vinstri menn hallmæla
honum ótæpt, og sumir þeirra segjast heldur vilja láta hægri
menn skipa ráðaneyti, en að Jóhann sitji kyrr í sínum sessi.
Henrik Ibsen varð sextugur 20. marz 1888, og gaf Henrik
Jæger í Kristianíu út æfisögu hans «Henrik Ibsen 1828—88»
nokkrum dögum siðar. Ibsen er fæddur í Skien suðvestan til
i Noregi og var lyfjabúðarsveinn í æsku. Hann hafði ort mörg
kvæði áður en hann fór að rita leikrit, en hætti þá að mestu leyti