Árbók Hins íslenzka fornleifafélags - 01.01.1907, Síða 55

Þá muni, sem á þessa skrá eru settir, skal auðkenna með sér-
stöku skrásetningarmerki, ef því veröur við komið, án þess að grip-
urinn skemmist við.
20. gr.
Þeir forngripir, sem á skrá standa, eru friðaðir á sama hátt og
friðaðar fornleifar (sjá 8. grein), Þó er eiganda heimilt, að flytja
þá úr stað, en ekki af landi burt.
Ef eigandi gefur öðrum skrásettan forngrip, skal hann láta
fornmenjavörð vita um eigandaskiftin.
Forngripasafnið á forkaupsrétt að skrásettum forngrip, og skal
eigandi því ávalt bjóða fornmenjaverði hlutinn, áður en hann selji
öðrum hann, ella er sala ógild og fellur þá hluturinn ókeypis til
Forngripasafnsins. Nú notar Forngripasafnið eigi forkaupsrétt sinn,
þá má eigandi selja hlutinn, en þó skal hann láta fornmenjavörð
vita, hverjum hann selur.
Ef skrásettur forngripur gengur að erfðum, skal skiftaráðandi
eða, ef erflngjaskifti eru, þá erfingi sá, er eignast gripinn, láta forn-
menjavörð vita um eigandaskiftin.
í hvert skifti, sem eigandaskifti verða að skrásettum forngrip,
skal ávalt láta fornmenjavörð vita um eigandaskiftin, ella er eign-
arheimildin ógild, og fellur þá hluturinn endurgjaldslaust til Forn-
gripasafnsins.
Fornmenjavörður skal ávalt geta þess í forngripaskrá, ef eig-
andaskifti verða að skrásettum forngrip.
4. kafli.
Um útflutning fornmenja og geymslu.
21. gr,
Engar fornmenjar, eldri en 150 ára, má flytja úr landi, nema
með leyfi stjórnarráðsins. Sé vafi á um aldur slíkra hluta, sker
fornmenjavörður úr.
22. gr.
Allir forngripir, sem landssjóður eignast eftlr lögum þessum eða
á annan hátt, skulu geymdir i Forngripasafni íslands. Þó skal
Landsbókasafnið eða Landsskjalasafnið taka við fornum handritum,
skjölum og bréfum.
8