Tímarit Hins íslenzka bókmentafélags - 01.01.1883, Qupperneq 11

tt
rúmum r 3,000 fiskitegunda, er menn þekkja, er engin,
sem hefir haft eins mikla þýðingu f búnaði þjóðanna
og sögu þeirra, eins og hún. Sem mannfæða mun
sildin vera sá fiskur, sem mest er af neytt, jafnvel
meira en af þorski. Hún er jafnt á borði hins rika
sem hins fátæka, og hefir verið það um margar aldir.
Hollendingar, Englendingar og Skotar hafa veitt hana,
að menn til vita, frá alda öðli, fyrir eða skömmu eptir
Krists fæðingu, og á 5. öld var þegar alment að veiða
hana i Norðursjónum. Um öndverða 17. öld var veiði
Hollendinga i sölum 20—30 millíónir gyllina, og um miðja
öldina voru um 200,000 manns við veiðina sjálfa. Milne
Edwards telur, að um miðja 17. öldina hafi um 2,000
skipa sótt sildarveiðar frá þeim á ári hverju, og um
800,000 manns lifað á þeim sem atvinnuvegi.
Nú á dögum er veitt ógrynni síldar, og skul-
um vér gefa lesendum vorum nokkra hugmynd um
það, með því að færa saman ýmsar skýrslur um veiði
hin siðari árin. Hinn nafnfrægi visindamaður, Huxley,
telur, að í Norðursjónum sé á hverju ári veiddar 3
billiónir eða 3,000 millíónir síldar. Á fundi um sýn-
inguna í London vorið 1882 var veiðin talin 2,633 milli-
ónir eða 90 millíónir króna i peningum; aptur telja
aðrir hana af hendi Breta, Frakka, Hollendinga og
Norðmanna 2400 millíónir, og að netin á Skotlandi
einu mundu verða i einni lengju 12,000 mílur enskar,
eða nærri 3,000 milur danskar. Á Skotlandi sjálfu að
austanverðu voru við fiskiveiðar árið 1880 4,448 bátar,
en 1881 4,579. Fyrra árið veiddust 835,000 Crans, en
hið siðara 634,000. Að meðaltali veiddust á bát fyrra
árið 183 Crans, hið siðara 135 Crans, og yfir 28,000
manns voru við sjálfar veiðarnar. Hjaltlandseyjar hafa
eigi þótt merkar að sildarveiðum, en þó voru þar
veiddar árið 1882 yfir 100,000 Crans. f>að má telja
hvern Cran á r68 potta danska.