Eimreiðin - 01.05.1897, Blaðsíða 80

i6o
prentaður, af því að tímaritið hætti allt í einu að koma út í desember síðast-
liðnum. —- Á Þýzkalandi er og byrjað að gefa út afarmikið verk (um 30 arkir)
um nýíslenzkan skáldskap (»Islándische Dichter der Neuzeit«) eptir bókavörð í
innanríkisráðaneytinu í Vínarborg J. C. Poestion. Á það að innihalda lýsing á
íslenzkum skáldskap frá því um miðju 16. aldar og eiga lýsingunni að fylgja rúm
100 sýnishorn af íslenzkum kvæðum í þýzkri þýðingu eptir höfundinn. Vjer
höfurn sjeð fvrsta heptið af þessu verki og virðist það byrja vel, en annars bú-
umst vjer við að geta seinna minnzt betur á það, er vjer höfum fengið það frá
höf., sem hefur ráðgert að senda riti voru það til umtals. V. G.
ÞÝÐINGAR ÚR ÍSLENZKUM RITUM. í hinu alkunna ritsafni »Reclam’s
Universal-Bibliothek« hefur komið út þýðing af þrern sögum Gests Pálssonar
(»Drei Novellen vom Polarkreis*) eptir M. phil. C. Kúchler. Það eru sögurnar
»Vordraumur«, »Tilhugalífið« og »Grímur kaupmaður deyr« og eru þær nr. 3607
í safninu. Þýðingin er góð og frágangurinn snotur. Nokkrar af sögum Gests
hafa og verið þýddar á norsku og kornið út neðanmáls í »Verdens Gang«. — í
þýzka tímaritinu »Zeitschrift des Vereins fúr Volkskunde« (1896, 3.-4. h.) hefur
komið út þýðing á ritgerð stra Þorkels Bjarnasonar »Fyrir 40 árum« (í Tímar.
Bókmfjel. 1892) eptir froken M. Lehmann-Filhés. Þó er þetta ekki nema að
nokkru leyti þýðing, því bæði hefur hún lagað efnið í hendi sjer og fellt sumt
úr og eins bætt við fjölda fróðlegra athugagreina neðanmáls og í þeim meðal
annars tilfært rnjög margt úr ritgerð Olafs Sigurðssonar í Ási (í Tímar. Bókmfjel.
1894) um sama efni, og enn fremur skotið inn nokkrum myndurn, er sýna port-
bygging, spjaldavefnað og gamlan ísl. kvennsöðul. Er allt þetta prýðilega af
hendi leyst eins og jafnan hefur verið með allt, sem birzt hefur frá hennar hendi.
í »Verhandlungen der Berliner anthropologischen Gesellschaft« (1896) hefur hún
og birt útdrætti úr ritgerðum í Árbók Fornleifafjelagsins 1895 (með myndum),
— Hún hefur og þýtt nokkur íslenzk kvæði, þar á meðal kvæðið »Ásareiðin«
eptir Grím Thomsen, og er að vanda vel gert. Þar hefur hún þó loksins flaskað
á einu orði, sem hún virðist ekki hafa skilið, enda er það ekki að furða, því
hvernig á maður að vara sig á því, að »vetrarbraut« þýði Milchstrasse á þýzku.
V. G.
NOllRÆNAR ÞjÓÐSÖGUR (»Scandinavian Folk-Lore, Illustrations of the
Traditional Beliefs of the Northem Peoples«, London 1896) heitir bók, sem IV.
A. Craigie, M. A„ kennari við háskólann í St. Andrews á Skotlandi, hefur gefið
út. Er það allmikið verk: XX + 554 bls. Efnið er tekið frá öllum Norðurlönd-
um, íslandi, Færeyjum, Danmörku og Svíþjóð, og hver saga jafnan þýdd úr frum-
máli hvers lands. Langmest er af íslenzku sögunum og eru þær sumpart teknar
úr íslenzkum þjóðsögum (söfnum Jóns Árnasonar og Ólafs Davíðssonar) og
sumpart tíndar sarnan hingað og þangað úr fornsögum vorum. Eru þar bæði
goðasögur og sagnir um tröll og jötna, bergbúa og dverga, álfa eða huldufólk,
húsvættir, vatnabúa, skrímsli, vofur og apturgöngur, galdrafólk og margt fleira.
Er snilldarlega frá öllu gengið, smekklega valið, vel þýtt og niðurröðun ágæt,
svo að bókin er jafnskemmtileg eins og hún er fróðleg. Aptan til í bókinni eru
stuttar athugagreinir urn hitt og þetta og þar meðal annars getið, hvaðan hvað
eina sje tekið, og að síðustu er gott registur, sem er mikils virði fyrir þá, er vilja
nota bókina við vísindalegar rannsóknir. V. G.