Eimreiðin - 01.01.1916, Page 60

6o
ísjötna harðneskju-hót
sefast, þá svipinn þinn líta.
Sæguð með brimlokka hvíta
krjúpandi kyssir þinn fót.
fín fegurð er frumlista-verk.
Skógur þó skýli’ eigi fagur,
skínandi miðnætur-dagur
vefur þér sólroðinn serk.
Og ekki vantar heldur mælskuna
um ísland (bls. 12):
Margt er þér hollvætta hjá:
Alfar ( fjöllum og fellum,
framsýnu tröllin í hellum,
disir við dalvötnin blá.
Bergrisar hjarta með heitt,
búnir í blámóðu-serki,
bera þitt eldlega merki
blikandi bálörum skreytt.
t. d. í þessu erindi, úr öðru kvæði
Kættumst, þá úr kví af skjöldum
kappinn gat sér lyft;
reiddumst, þegar þræls af völdum
þú varst rétti svift;
grættumst, þegar börn þín bana
þiðu’ á sultartíð;
hétumst, þegar hundar Dana
hýddu frjálsan lýð.
f>á er og kvæði hans um Borgarfjörðinn svo stórfallegt, að vér get-
um ekki stilt oss um að sýna úr því þessi erindi (bls. 15—16):
Horfum á þess helgibrag
himinmildan sumardag.
Hvað það brosir blítt og sætt,
blámóðunnar guðvef klætt.
Enginn betri blikmynd sá,
betur liti skiftast á.
Vatnið silfrað, landið lágt
litað grænt, en fjallið blátt.
Skörð og tinda, skriðugil,
skarpar eggjar, klakaþil,
nípur, dranga, nátttröll stök,
náttúrunnar Grettistök,
dísatorg og tívastól,
tröllakirkjur, gýgjaból,
afdalsvætta óðul hrein,
álfaborgir, dvergastein.
Efst við heiðan himininn
herðabreiði jökullinn
. gnæfir hátt með höfuð fritt,
hárið grátt og skeggið sítt;
hjálminn bratta breðastáls
ber sem hatt, en sér um háls
hélugráan knýtir knút
kiakabláum rembihnút.
Héraðsbygðar hjartastað
hugarsjónin færist að,
hvar í fjalla frjórri sveit
fomhelgastan eigum reit.
Þar í hlöðnum þróarbaug
þjóðarfræg er Snorralaug.
I’ökkum öll, að erum kunn
ættarlands vors Mímisbrunn.
Ljósið það, sem bjartan baug
breiddi kringum Snorralaug,
lýsti upp sveitir lands og strönd,
lýsti um gjörvöll Norðtjrlönd;
lýð í gegnum lífskjör dimm
lýsti meira en aldir fimm;
lýsti bezt, er list fékk völd,
lýsir enn oss hér í kvöld.
Gott er og kvæðið um Gimli, einu íslenzku borgina í Ameríku,
sem situr eins og kóngsdóttir í skógarrjóðri og er að spegla sig í
Winnipegvatninu, og sem á að koma sér vel við dollaradrotninguna
(Ameríku), án þess þó að svíkja eldfjalladrotninguna goðbornu (Is-
land). Vér tilfærum tvö erindi: