Dagblaðið Vísir - DV - 19.10.1985, Page 2

2
DV. LAUGARDAGUR19. OKTOBER1985.
ísfilm vonast til
að hefja sjónvarps-
útsendingar í mars
„Við vildum hefja sjónvarpsút-
sendingar strax í janúar ef þess væri
kostur en vonandi getum viö byrjað í
mars. Aö vísu erum við ekki farnir
að ráða til okkar dagskrárgerðarfólk
en það er í undirbúningi,” sagði
Hjörleifur Kvaran, framkvæmda-
stjóri Isfilm h/f, er DV spurði hann
hvað væri helst að gerast hjá fyrir-
tækinu.
Isfilm er í eigu sex aðila, Almenna
bókafélagsins, Árvakurs h/f,
Frjálsrar fjölmiölunar hf., Reykja-
víkurborgar, Sambands ísl. sam-
vinnufélaga og Hausts h/f, og eiga
þessir aðilar allir jafnan hlut í fyrir-
tækinu.
Fjárhagsdæmið
í athugun
„Við erum alltaf að reikna, skoða
fjármálin og gera okkur grein fyrir
hvað við þurfum af tækjum til að
setja upp sjónvarpsstöð. Það tekur
misjafnlega langan tíma að panta
þessi tæki en vonandi berast þau á
tilskildum tíma. Viö gerum okkur
góðar vonir um að fá leyfi fyrir
rekstrinum, en leyfisveitingar verða
í höndum sérstakrar útvarpsréttar-
nefndar sem sett verður á laggimar
eftir að nýju útvarpslögin ganga í
gildi. Hún getur þó ekki hafið störf
fyrr en í febrúar í fyrsta lagi vegna ^
jólaleyfis þingmanna. Við vonum
einnig að þær reglugerðir, sem gert
er ráð fyrir að settar verði í tengsl-
um viö ákveðnar greinar laganna,
þrengi ekki rétt okkar þannig aö
fjárhagsdæmið verði erfiðara,”
sagði H jörleifur.
Sýna annars
konar efni
— Hvaöa áherslupunktar verða
hjá ykkur varðandi efnisval?
„Við leggjum áherslu á að sýna
annars konar efni en boðið er upp á í
ríkisfjölmiðlum. Við viljum skapa
okkur sérstöðu varöandi innlenda
dagskrárgerö, öðruvísi fréttir,
fréttaskýringar og viðtöl. Einnig
leggjum við áherslu á einfalda
skemmtiþætti. Að vísu munum við
reyna að fara varlega í sakirnar til
að byrja með því innlend dagskrár-
gerð er dýr og höfum við enga burði
til að keppa við ríkisfjölmiðla í því
sambandi. Meginuppistaðan verður
því erlent efni, af nógu er að taka,
bæði í Evrópu og Bandaríkjunum.
Einhvers konar sambland af létt-
leika og alvöru er markmiðið.
— Hvaðfelstíöðruvísiefni?
„Þaö er að vísu óljóst ennþá en það
skýrist þegar þar að kemur. ”
Verðum líklega að hafa
auglýsingaverð lægra
— Verður auglýsingaverö lægra
hjá ykkur en ríkisf jölmiðlum?
„Við munum aðeins ná 60%
þjóðarinnar, því það efni sem sent
verður nær aðeins til augna
Reykjavíkurbúa og meðan svo er
verðum við líklega að hafa lægra
verð á auglýsingum.
K.B.
Kjararannsóknamefnd:
Tímakaup hef ur hækkað
um 5% umf ram kauptaxta
Helstu niðurstöður í nýútkomnu
fréttabréfi kjararannsóknarnefndar
eru að hreint tímakaup hækkaði að
meðaltali um5% umfram kauptaxta.
Tímabilið sem þessi rannsókn nær til
er frá 2. ársfjórðungi 1984 til 2. árs-
fjórðungs þessa árs. Tímakaup þeirra
stétta sem úrtaksathugunin náði til er
þó mismunandi eftir stéttum.
Hjá verkamönnum hafði hækkun
umfram taxta verið 3,8%. Hækkun
taxta á þessu tímabili er 26,1%.
Samkvæmt upplýsingum sem DV
hefur aflað sér er þessi hækkun komin í
38,1% þegar komið er fram á 3. árs-
f jórðung í ár.
Laun verkamanna voru 1984 kr.
17.249,- en á 2. ársfjórðungi í ár 21.836,-
krónur. Mánaöarlaun verkakvenna
voru þá 21.146,- krónur.
Hjá sumum hópum hafa tekjurnar
hækkað meira en segir til um í niður-
stöðunum m.a. vegna tímaskrifta án
vinnuframlags. Það var t.d. hluti af
samningum við verslunarmenn á
tímabilinu. Hækkun taxta afgreiðslu-
fólks var tæp 30% sem á 3. ársfjórö-
ungi, eða í sumar, er komin í 40,1%.
Iönaðarmenn höfðu 22.563 kr. á 2.
ársf jórðungi í fyrra en á sama tíma að
ári 29.274 krónur.
Vinnustundum iönaðarmanna
fjölgaði um rúmar tvær klukkustundir
á tímabilinu. Meöaltímakaup þeirra
hækkaði um 36,8% þennan tíma.
Kaupmáttur lífeyrisgreiöslna á 2.
ársf jórðungi, t.d. mæðralauna, komst í
134,63 en var í ársbyrjun 1983 85,80 og í
fyrra í byr jun árs 98,01. Elli- og örorku-
lífeyrir, að viðbættri tekjutryggingu,
var kominn í 90,09 í lok könnunartíma-
bilsins en var í upphafi 85,99.
Meðaltímakaup kvenna við af-
greiðslustörf hækkaði úr 93,81 kr. í
125,20 kr. eöa um 33,5%. Karlar við
sömu störf fengu 36,8% launahækkun
samkvæmt niðurstööum þessum.
-ÞG
Vanskiiakröfur á hendur ríkissjóði:
354 milljónir í árslok 1984
I árslok 1984 námu kröfur vegna
vanskila aðila, sem ríkissjóður haföi
gengið í ábyrgð fyrir, um 354
milljónum. Á þessu sama ári greiddi
ríkissjóöur 248 milljónir vegna van-
skila annarra en fékk til baka frá
þeim 121,5 milljónir. Þannig urðu
nettógreiöslur vegna vanskila tæpar
127 milljónir.
Því er nefnilega þannig farið að
skuldbindingar ríkissjóös ná ekki
aðeins til bókfærðra skulda ríkis-
sjóös heldur einnig til ábyrgðaskuld-
bindinga sem ríkissjóður tekur á sig.
Af þeim kröfum vegna vanskila í
árslok 1984 námu vanskil vegna
togaralána 90,5 milljónum. Aðrir
stórir liðir voru t.d. lán vegna
samgangna, alls 77,4 milljónir, og
lán vegna landbúnaðar 63 milljónir,
svo eitthvað sé nefnt.
Ríkisábyrgðir næsta árs munu
minnka nokkuð. Gert er ráð fyrir að
ríkisábyrgðir vegna erlendrar lán-
töku verði um 1 milljarður á næsta
ári. Af þessari upphæð verða 910
milljónir vegna fyrirtækja meö
eignaraðild ríkissjóös.
-APH.
r++■*■*■**-*■■*-* ■*■■*
1 L A S rQ

o
%
*<- ÞRDSTIIR

rv'*
<í>'
^ -----
68 5060

smaum
Flytjum allt frá
pökkum upp í heilar bú
slóðir innanbæjar eða hvert $
á land sem er.
68 50 60
Hótel Stykkishólmur. Þessu glæsilega hóteli var synjað um vínveitinga-
leyfi.
Hótel Stykkishólmur
reynir aftur að
fá vínveitingaleyfi
„Við erum að reyna að fá málið tekið
upp aftur. Þaö er kannski á viðkvæmu
stigi eins og er,” sagði Ellert Kristins-
son, oddviti Stykkishólmshrepps, er
DV ræddi viö hann um vínveitingaleyfi
fyrir Hótel Stykkishólm.
Eins og áður hefur komið fram i DV
var hótelinu synjað um vínveitinga-
leyfi í haust. Jón Helgason dómsmála-
ráöherra synjaði hótelinu um þetta
leyfi á grundvelli afstöðu áfengis-
varnarnefndar hreppsins. Hrepps-
nefnd og sýslunefnd höfðu báöar lýst
sig fylgjandi leyfinu.
Hóteliö hefur haft leyfi til að selja
vín yfir sumarmánuöi til 1. október. I
vor var sótt um leyfi til að selja vín allt
árið en því var hafnað. Sjálfstæðis-
menn á hinum sögulega Stykkishólms-
fundi á dögunum voru með þeim
síöustu sem keypt gátu áfengi á
hótelinu.
Hótel Stykkishólmur er með
reisulegri hótelum á landsbyggöinni.
Að undanförnu hefur verið unnið að
kostnaðarsömum endurbótum í kjölfar
þess að gagnfræðaskólinn hætti aö nota
hluta húsnæðisins til kennslu.
„Við höfum innréttaö nýjan
veitingasal á fyrstu hæð, gjörbreytt
lýsingu, teppalagt, keypt ný húsgögn
og bætt við fimm herbergjum þannig
að hótelið hefur stækkað um 20 prósent
að gistirými. Sú álma hefur öll verið
teppalögð. Við erum að byrja á því að
símvæða herbergin. Öll 30 herbergin
eru meö baði,” sagði Sigurður Skúli
Bárðarson hótelstjóri. -KMU.
Landsvirkjun fær
2,5 milljarða að
láni í 20 bönkum
I dag var undirritaöur í London
lánssamningur milli Landsvirkjunar
og Manufacturers Hanover Limited,
Daiwa Bank (Capital Management)
Ltd. og nítján annarra erlendra
banka og lánastofnana um lán til
Landsvirkjunar að fjárhæð sextíu
milljónir Bandaríkjadollara að jafn-
virði um 2491 milljónir íslenskra
króna á núverandi gengi.
Af hálfu Landsvirkjunar var láns-
samningurinn undirritaður af dr. Jó-
hannesi Nordal, stjórnarformanni
Landsvirkjunar og Halldóri Jóna-
tanssyni, forstjóra fyrirtækisins.
Lán þetta er tekið með opinberri
skuldabréfaútgáfu í London og er
lánstími 15 ár. Landsvirkjun er þó
heimilt aö greiða lánið upp hvenær
sem er að þrem árum liðnum frá
undirritun lánssamningsins án auka-
kostnaðar fyrir Landsvirkjun, auk
þess sem skuldabréfaeigendur eiga
hver fyrir sig rétt á að krefjast
endurgreiðslu þegar tólf ár eru liðin
af lánstímanum. Aö öðru leyti falla
skuldabréfin ekki í gjalddaga fyrr en
að 15 ára lánstímanum liðnum.
Vextir af láninu eru sex mánaða
millibankavextir í London eins og
þeir eru á hverjum tíma að viðbættu
vaxtaálagi sem er 1/8% p.a. I dag
eru vextir þessir þannig reiknaðir
umð,4%p.a.
Af lánsfjárhæðinni verður um 21
milljón Bandaríkjadollara (872
milljónum króna) varið til
fjármögnunar virkjanafram-
kvæmda Landsvirkjunar í ár og um
39 milljónum Bandaríkjadollara
(1619 milljónum króna) til að greiða
upp eldri og óhagstæðari lán.
Samtök tungumálakennara:
„Brýnt að eignast
eigið málgagn”
Samtök tungumálakennara, sem
hlotiö hafa nafnið STlL, voru stofnuð í
fyrrakvöld. Aðild að samtökunum eiga
félög ensku-, þýsku-, dönsku- og
frönskukennara en fleiri tungumála-
félögum verður boðin þátttaka að
samtökunum. Undirbúningur aö
stofnun þessara samtaka hefur staðiö
lengi yfir, en að sögn Auðar Torfadótt-
ur, formanns Félags enskukennara,
eru tildrög þau helst að efla þarf
samstöðu og faglega samvinnu félaga
tungumálakennara
Félagar í dreifbýli hafa ekki átt
nægilega greiðan aðgang að starfsemi
félaganna, og því brýnt aö tungumála-
kennarar eignist eigiö málgagn. Munu
samtökin standa að útgáfu veglegs
tímarits tvisvar á ári þar sem ásamt
öðru efni verður kynnt starfsemi félag-
anna. Þá munu samtökin, sem ein-
göngu eru fagleg, standa fyrir
ráðstefnum, námskeiðum og umræðu-
fundum af ýmsu tagi fyrir tungumála-
kennara.
KB