Dagblaðið Vísir - DV - 02.06.1986, Síða 16

16
, DV. MÁNUDAGUR 2. JÚNÍ 1986.
Spurningin
Hverjir verða heims-
meistarar í knattspyrnu?
Már Vilhjálmsson jarðfræðingur: Ég
vona að Danirnir verði heimsmeist-
arar. Þeir hafa góða einstaklinga og
spila skemmtilega knattspymu.
íris Arthúrsdóttir húsmóðir: Það
veit ég ekkert um. Ég hef engan
áhuga á þessari keppni.
Brynjar Michaelsson verslunarmað-
ur: Ég þori engu að spá um það. Ég
er ekki nógu mikið inn í hvaða lið
eru að spila.
Haukur Hannesson nemi: Vestur-
Þjóðverjar, það er mitt lið. Ég hef
alltaf haldið með þeim og geri það
einnig i þessari keppni.
Jón Björgvinsson nemi: Sovétmenn?
Þeir geta unnið þessa keppni eins
og öll hin liðin.
Sigurgeir Hafsteinsson nemi: Ég veit
það ekki. Ég spái bara að Vestur-
Þjóðverjar vinni þetta.
Lesendur Lesendur Lesendur Lesendur
Áfram
ísland!
Vallargestur skrifar:
Mikið afskaplega fannst mér leiðin-
leg stemmning á landsleikjunum við
Ira og Tékka á dögunum. Fyrir utan
hvað var fámennt þá fannst með vall-
argestir yfir höíúð mjög neikvæðir út
í landsliðið. Lítið sem ekkert var hróp-
að og þeim mun meira bölsótast yfir
mistökunum sem leikmenn gerðu sig
seka um.
Menn verða að taka með í reikning-
inn að nýr landsliðsþjálfari hefur tekið
við liðinu. Hann á eftir að kynnast
leikmönnum betur og sjá út snjallari
leikaðferðir. Ég er viss um að Held á
eftir að ná miklu út úr þessu lands-
liði. Ungir og efhilegir menn eru að
koma inn og eiga örgglega eftir að
gera stóra hluti fyrir liðið. Þetta eru
framtíðarmenn.
Mér finnst að við sem fyrir utan sitj-
um ættum að gera okkur ljóst að við
kunnum ekki ráð við öllu. „Af hverju
Ragnar Margeirsson berst við Tékkana. Vallargesti finnst ekki ríkja góður andi utan vallar.
gerði hann ekki svona eða hinsegin,"
heyrist oft kallað. Þetta er ekki nógu
gott. Við eigum að treysta okkar
mönnum. Stöndum þétt saman sem
sannir Stuðmenn og látum hljóma:
ÁFRAM ÍSLAND!
Inger Aikman - „Heimspekilegar vangaveltur um lifið, ástina og nánast hvað
sem er.“
og
veður
vind
Rásaraðdáandi skrifar:
Já, flestu hefúr fólk gaman af. Ég las
í einu dagblaðanna um daginn yfirlýs-
ingu frá útvarpshlustanda sem átti
ekki orð til að lýsa hrifningu sinni á
þættinum Út um hvippinn og hvapp-
inn sem Inger Aikman stjómar.
Ég persónulega hef gaman af ýmsum
þáttum á rásinni, sérstaklega djúpt
þenkjandi tónbstarþáttum. En þáttur-
inn hennar Inger er gersamlega
óþolandi. Við vinnufélagamir hér á
verkstæðinu bókstaflega tryllumst
þegar allir spádómamir úr kellinga-
bókunum em þuldir upp. Ef við
slökkvum ekki þá biður einhver kúnni
okkur yfirleitt um að slökka. Ég veit
ekki og get með engu móti skilið að
nokkur einasti kjaftur skuli hafa gam-
an af svona væli. Þetta minnir helst á
ástarsögumar hennar Barböm Cart-
land, verra ef eitthvað er.
Inger er svo sem ágætur útvarps-
maður. Hún hefur góða rödd og lögin
sem hún spilar em mörg hver ágæt.
En heimspekilegar vangaveltur henn-
ar um lífið, ástina og nánast hvað sem
er, em best geymdar einhverstaðar
annarstaðar en í útvarpinu. Svona
lagað á ekki að senda út í veður og
vind. Þetta er best gleymt.
Vandamála-
myndir til
vandræða
Krislján hringdi:
Mörgum hefur orðið tíðrætt um bíó-
myndirnar í sjónvarpinu og hér með
bætist ég í hóp þeirra sem vilja tjá sig
um það mál. Ég vil einfaldlega mót-
mæla sýningu mynda á borð við hina
sænsku Persónu Ingimars Bergman.
Myndin var vægast sagt ömurleg og
ljótleiki mannskepnunnar hafður að
leiðarljósi. Mér finnst algjör lágkúra
hjá sjónvarpinu að sýna myndir á borð
við þessa. Þetta er ekki í fyrsta skipti
sem sænskar vandamálamyndir em
sýndar í sjónvarpinu og hér með geri
ég það að tillögu minni að þetta verði
sú síðasta. Það er komið nóg af svo
góðu.
HRINGIÐ í SÍIVLA
27022
JVŒLLIKL 13 0G15
Liv Ullman lék annað aðalhlutverkið í Persónu.