Dagblaðið Vísir - DV - 27.02.1988, Qupperneq 16

16
LAUGARDAGUR 27. FEBRÚAR 1988.
Michael Douglas - tvær stómiyndir á einu ári
„Ég held aö langur timi liði áöur
en ég verð frægari en faðir minn,“
segir Michael Douglas, sonur Kirks
Douglas og einn umtaiaðasti kvik-
myndaleikarinn um þessar mundir.
„Við erum reyndar að huga að mynd
til að leika saman í,“ bætir Michael
við.“
Þetta er leikaraijölskylda og þessa
stundina er það sonurinn sem er í
sviðsljósinu. Einhver bið verður þó
á að mynd þeirra feðga birtist því
„við erum ekki sammála um hvor á
að leika illmennið", segir Michael.
Michael lék á seinasta ári í tveim
umtöluöum myndum sem nú eru
báðar sýndar í kvikmyndahúsum
Reykjavíkur. Þessar tvær eru Hættu-
leg kynni sem sýnd er í Háskólabíói
og Wall Street sem sýnd er í Bíóborg-
inni.
Gaukshreiðrið
Ferill Michaels er mjög óvenju-
legur. Hann varð ekki fyrst þekktur
sem leikari heldur framleiðandi og
byrjaði þar hreint ekki illa því fyrsta
myndin, sem hann framleiddi, var
Gaukshreiðrið. Það var árið 1975 og
þá þegar fékk Michael að kynnast
frægðinni af eigin raun. Myndin fékk
slatta af óskarsverðlaunum og var
valin besta mynd ársins.
Næstu myndir voru The China
Syndrom, háalvarleg mynd um
kjarnorkuslys, og ævintýramyndirn-
ar Romancing the Stone og The
Jewvel of the Nile. Hann var fram-
leiðandi þessara mynda og lék að
auki í þeim. Orðstir hans sem leikara
óx þó ekki tiitakanlega með þessum
myndum en hann komst með þeim í
röð efnilegustu framleiðenda í
HoUywood.
Það kom því á óvart þegar Oliver
Stone valdi Michael í annaö aðal-
hlutverk Wall Street. Warren Beatty
og Richard Gere komu einnig til álita
en fengu ekki. Stone gaf þá skýringu
á að hafa valið Michael að hann
þekkti heim braskaranna á Wall
Street. Því fékk Michael hiutverk
Gordons Gekko, mannsins sem hefur
auðgast óheyrilega á kauphalla-
braski og á sér ekki annan draum
en að græða meira.
Þeir sem hafa unnið með Douglas
bera honum vel söguna. Hann er
ákveðinn og hefur skoðanir á því sem
hann er að gera. Þetta er ekki ná-
ungi sem leikstjórar hafa fengið
áhuga á vegna þess að hann lítur vel
út og ekki heldur vegna þess að faðir
hans er frægur leikari. Hann er fyrst
og fremst framleiðandi kvikmynda
sem hefur tekið að sér hlutverk í eig-
in myndum og annarra.
Gekko verður
þá svona
„Hann hugsar alltaf eins og fram-
leiðandi," segir einn af samstarfs-
mönnum hans. „Þess vegna þarf
aldrei standa í stríði við að fá hann
til að gera hlutina rétt. Hann þekkir
kvikmyndirnar og veit hvað til þarf.“
Samt eru sögur um að samstarf
hans og Olivers Stone hafi ekki geng-
ið of vel þegar þeir unnu saman við
tökur á Wall Street. Michael var
spurður um þetta atriði í viðtahð við
Rolling Stone og þar skýrði hann
máhð.
„Ég hafði mikið að gera þegar tök-
ur á myndinni hófust," segir Micha-
el. „Við það bættist heilmikil
heimavinna vegna myndarinnar.
Fyrsta daginn var tekin upp heilmik-
il ræða og mér fannst það ganga illa.
Ég var óánægður með árangurinn
og vildi taka allt aftur. Stone svaraði
einfaldlega: „John Ford gerði það
aldrei."
Ég renndi einu sinni yfir upptök-
umar og sá að þetta var ekki svo
Michael Dougals. „Faðir minn sagöi að ég yrði ágætis illmenni.
slæmt og sagði við Stone: „Gekko
verður þá svona, hálfvitinn þinn.“
Sennilega var Stone að herða mig
upp fyrir næstu upptökur. Hann vildi
hafa mig æstan og er bæði nógu
ruddalegur og hreinskilinn til að geta
æst hvem mann upp.
Ég ber mikla viröingu fyrir Stone
og er honum þakklátur fyrir að hafa
valið mig í hlutverk Gekkos. Ég skil
menn eins og Gekko því ég hef sjálf-
ur orðið að berjast fyrir að fá að
vinna við kvikmyndir. Ég hef lagt
plön sem hafa hrunið og líka náð
árangri.“
*
Agætis illmenni
Til þessa hefur Michael yfirleitt
verið í hlutverki hetjunnar, góða
gæjans sem á í höggi við illmenni. í
Wah Street er hann búinn að skipta
um hlutverk. Honum líkar þetta vel
og vísar til þess sem faðir hans sagði
eitt sinn. „Þú átt eftir að verða góður
í hlutverki morðingjans. Þú lítur út
fyrir að vera góður í þér en þeir eiga
eftir aö komast að þvi aö þú ert ágæt-
is illmenni."
Gekko á hluthafafundi. ,,Ég var ekki ánægður meö þessa senu,“ segir Michael.