Dagblaðið Vísir - DV - 01.06.1996, Blaðsíða 10

Dagblaðið Vísir - DV - 01.06.1996, Blaðsíða 10
10 LAUGARDAGUR 1. JÚNÍ 1996 Tamara Mola Fonseca, konan á bak við handboltahetjuna Julian Duranona: Stundar eróbikk og vill kenna börnum Tamara Mola Fonseca, eiginkona Julians Duranona Larduets, eins fræknasta leikmanns KA á síðasta keppnistímabili, hefur engan áhuga á íþróttum og hefur aldrei haft. Tamara stundaði aldrei neinar íþróttir sem krakki heima á Kúbu og hún fylgdist aldrei með neinum íþróttum. En tímarnir breytast og mennirnir með. Þegar Tamara kynntist Julian Duranona áttu þau stefnumót á handboltaleikjum og hvergi annars staðar. Nú stundar Tamara eróbikk, heldur með KA og sækir alla leiki KA á íslandi. Duranona hefur unnið hug og hjörtu allra handboltaáhugamanna á Akureyri og þótt víðar væri leitað með framkomu sinni á vellinum. Á nokkrum mánuðum er hann orðinn eitt helsta átrúnaðargoð handboltaá- hugamanna og verðandi þjóðhetja því að hann hefur fengið íslenskan ríkisborgararétt og leikur hugsan- lega með landsliði íslands á næsta keppnistímabili. Það er þó ekki fer- ill Duranona sem er til umræðu að þessu sinni heldur konan á bak við manninn. Það er að sjálfsögðu Tam- ara sem verður fyrir svörum. í dag er í dag „Ég er fædd og uppalin í stórri fjölskyldu," byrjar Tamara að segja frá sjálfri sér þar sem við sitjum þrjú, Tamara, Duranona og blaða- maður DV, við borð á Greifanum á Akureyri í síðustu viku, og bætir við: „mamma er kennari og pabbi leigubílstjóri. Ég á tvo bræður. Stóri bróðir minn er flugumferðarstjóri. Hann er giftur rússneskri konu og býr í Rússlandi. Hinn bróðir minn er að læra tölvunarfræði. Ég var í fjögur ár að læra að verða barna- kennari en ég kláraði það ekki," segir Tamara og játar að hana langi til að kenna börnum á íslandi spænsku. „Fjölskyldan á Kúbu heldur mik- ið saman. Ég er eina stelpan og nú þegar stóri bróðir minn býr í Rúss- landi og ég er farin burt eru foreldr- ar mínir leiðir. Þetta er í fyrsta skipti sem fjölskyldan er svona mik- ið tvístruð," segir hún, „en í dag er í dag og á morgun er á morgun. Mér líkar vel að búa á fslandi en ég veit ekki hvernig framtíðin verður, kannski fær Julian nýjan samning, hver veit," segir hún. Leita sér aðíbúð Tamara og Julian hafa ákveðið að búsetja sig á íslandi og eru farin að leita sér að nýrri íbúð en gefa ekk- ert upp um fyrirhugaðar barneignir og ekki er vitað til þess að barn sé á leiðinni. Þau hafa fram að þessu búið í þriggja herbergja íbúð, sem KA hafði milligöngu um að leigja fyrir þau, og KA-konur settu íbúð- ina í stand áður en Tamara kom í haust, hengdu upp gluggatjöld og gerðu íbúðina heimilislega. En hvernig skyldu þau Duranona hafa kynnst? Var það ást við fyrstu sýn? „Nei," segir Tamara og brosir breitt. „Ég þekkti Julian ekki neitt og vissi ekkert um hann þegar vinur minn bað mig einu sinni um að koma með sér í heimsókn til hans. Ég fór með honum í heimsókn árið 1990 en það var ekki fyrr en 1991 sem við byrjuðum saman. Við giftum okkur 5. ágúst 1993 á afmælisdegi móður minnar," segir hún og kveðst ekki eiga í neinum vandræðum í heima- landi sínu. Hún segist geta farið þangað þegar hún vill. „Núna er ég gift íslendingi," bætir hún og skírskotar þar til þess að Duranona er búinn að fá nýjan ríkisborgararétt. Hefur lært að prjóna Duranona og Tamara hafa bæði verið fljót að aðlagast íslensku þjóð- Á nokkrum mánuöum er Duranona orðinn eitt helsta átrúnaðargoð hand- boitaáhugamanna fyrir norðan og verðandi þjóðhetja því að hann er nýbú- inn að fá íslenskan ríkisborgararétt. Tamara tekur umstanginu kringum Duranona meö jafnaðargeði og tekur þátt í starfinu kringum KA-liðið. DV-mynd GHS félagi og kynnast fólki. Tamara kom til eiginmanns síns á íslandi síðasta haust og hefur verið að stússa ýmis- legt síðan, meðal annars sest á skólabekk til að læra íslensku, þar sem hún kynntist fullt af erlendum I konum sem búa á Akureyri, og farið á námskeið í matreiðslu, svo %- eitthvað sé nefnt. Hún hefur líka I lært prjónaskap því að nágranna- kona vildi endilega sýna henni hvernig hún ætti að bera sig að. Ekki fer neinum sögum af af- rekum við prjónana og Tamara segist ekki vera Tamara hefur tekið þátt í vinnu kvennanna í KA en þær hafa séð um kaffisölu fyrir leiki og í hléi í vetur og fallið vel inn í hópinn. Auðvitað hafa mætt Tamöru Gjörbreyting frá Kúbu Tamara segir að Island hafi kom- ið sér verulega á óvart enda þjóðfé- lagið allt öðruvísi, venjurnar og loftslagið gjörólíkt því sem hún hef- ur átt að venjast á Kúbu. Hér hafa allir allt til alls, búa í góðu húsnæði og líða engan skort og auðvitað voru það viðbrigði fyrir hana að sjá það. Og loftslagið er auðvitað sér á parti. Hér segist hún verða að klæð- ast ekyrtu og úlpu en heima á Kúbu hafi hún gengið um á skyrtu og stuttbuxum eða pOsi. Tamara læt- ur vel af lífinu á Islandi og seg- ir að sér hafi þótt vænt um það hvað sér hafi verið tek- ið hlýlega og elskulega af öllum á Akureyri strax við komuna. s Tamara heldur að sjálfsögðu sambandi við fjölskyldu sína á Kúbu og hefur reglu- lega samband, ýmist bréflega eða simleið- is. Hún les mikið og mamma hennar sendir henni stundum bækur ^ á spænsku g^^ því að bæk- Tamara og Duranona hafa aölagast lífinu á Akureyri mjög vel, eru á kafi í félagsstarfinu innan KA og bera áhangendur liðsins þeim vel söguna. Tamara þykir jákvæð og glaðlynd og ákveðin í að spjara sig vel á ís- landi þó að lífið hér sé allt öðruvísi en á Kúbu. Þau hafa ákveðið að setjast hér að. DV-mynd GHS að prjóna neitt sérstakt í augnablik- inu. Erfitt um tíma Tamara og Duranona hafa aðlag- ast fólkinu kringum KA-liðið mjög vel og eyða talsverðum tlma í KA- heimilinu þar sem allir eru eins og ein stór fjölskylda. Þauþykja já- kvæð og glaðlynd og mjög skemmti- leg og þeim líður, að sögn, vel á ís- landi. Áhangendur KA, sem til þekkja, segja að Tamara hafi strax frá upphafi gert sér grein fyrir að hún yrði líka að sækja í félagsskap- inn, ekki væri nóg að sitja heima. Duranona margir erfiðleikar því að það er ekkert auðvelt að vera frá jafnfjarlægu landi og Kúbu. Það var vitanlega erfitt fyrir Tamöru eftir að Duranona flúði frá Kúbu en hann yfirgaf landslið Kúbumanna á keppnisferðalagi í Argentínu fyrir rúmu ári. Hún fékk þó að yfirgefa landið á löglegan hátt. Um tíma í vetur áttu þau hjónin erfitt því að Duranona missti föður sinn. Svo var hann lagður inn á sjúkrahús fyrir sunnan vegna höfuðkvala án þess að nokkuð fyndist. Þessa erfið- leika, eins og aíla aðra, hafa þau komist yfir. ur eru svo til ófáanlegar á íslandi. Svo fær hún stundum lánaðar bæk- ur hjá vinafólki, íslenskri konu og spænskúmælandi manni á Akur- eyri, sem hefur stutt vel við bakið á þeim. . , Duranona og Tamara hafa reynt að ferðast um ísland, farið aðeins um Norðurland, og í sumar er mein- ingin að fara í stærri reisu, keyra suður og fara að Gullfossi og Geysi, eins og sannir ísiendingar gera á sumrin. -GHS 1
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.