Dagblaðið Vísir - DV - 29.11.1999, Blaðsíða 8

8
MÁNUDAGUR 29. NÓVEMBER 1999
Utlönd
Þrýst á Kohl að
upplýsa um fjár-
málahneykslið
Helmut Kohl, fyrrum Þýska-
landskanslari, var undir miklum
þrýstingi samflokksmanna sinna
í gær um aö skýra frá vitneskju
sinni um hneykslismál sem snýst
um fjármögnun kosningabaráttu
Kristilega demókrataflokksins.
Kohl neitaði hins vegar enn
einu sinni að hann hefði haft
nokkra vitneskju um 37 milljón
króna peningagjöf til flokksins frá
vopnasala einum árið 1991. Stað-
hæft er að peningamir hafi verið
í málmtösku og verið afhentir á
bílastæöi. Yfirvöld rannsaka nú
málið sem skattsvikamál.
„Ég vissi ekkert um þetta fyrr
en fyrir þremur vikum,“ sagði
Kohl við þýska blaöið Bild am
Sonntag. Samkvæmt könnun í
blaðinu telja 55 prósent kjósenda
að Kohl hafi vitað um peninga-
gjöfina.
Skipað í nýja
stjórn á Norður-
Irlandi í dag
Mótmælendur og kaþólikkar á
Norður-írlandi tilnefna í dag ráð-
herra sína í nýja samsteypustjóm
sem tekur formlega til starfa á
fimmtudag. Þá fá Norður-írar í
fyrsta sinn í 25 ár stjóm á eigin
málum.
Vonir um aö takast mætti að
koma á varanlegum friði á Norð-
ur-írlandi jukust til muna á laug-
ardag þegar flokkur sambands-
sinna féllst á að mynda sam-
steypustjórn með kaþólskum.
Hvöss orðaskipti sýndu þó svo
ekki verður um villst að enn hef-
ur ekki tekist að eyða tortryggni í
garð Irska lýöveldishersins sem á
að leggja niður vopn.
Peter Mandelson, ráðherra
Norður-írlandsmála í bresku
stjórninni, sagðist í gær vera
sannfærður um að afvopnunar-
ferlið myndi hefjast í vikunni.
Nakinn maður
með sverð særir
tíu kirkjugesti
Nakinn maður með sverð réðst
inn í troöfulla kirkju í Thomton
Heath í suðurhluta London í gær
og hjó tvo fingur af hendi eins
kirkjugesta og særði níu til við-
bótar.
Ofsahræðsla greip um sig með-
al kirkjugesta en þeim tókst engu
að síður að yfirbuga manninn og
halda honum þar til lögreglan
kom á vettvang.
„Á meðan á messu stóð kom
maður inn um aðaldyrnar með að
því er virtist stórt sverð í hendi
og stökk upp á bekkina," sagði
kirkjugesturinn Fred Rebello við
fréttamann Reuters.
Sá sem hlaut alvarlegustu
meiðslin var 55 ára gamall maöur
sem missti bæði vísifingur og
þumal. Hann hlaut einnig djúp
sár eftir sverðið í andlit og háls.
Lögregla sagði að maðurinn hefði
fundist tveimur húsalengjum frá
kirkjunni.
Fingur mannsins fundust í
blóðpolli á kirkjugólfinu.
„Þetta var hræöilegt," sagði
læknir sem tók við hinum særðu
á nærliggjandi sjúkrahúsi.
Þrettán lík fundin eftir strand norskrar ferju:
Sex farþeganna
er ennþá saknað
Björgunarsveitir fundu í gær flak
norsku ferjunnar Sleipnis sem
strandaði og sökk einn kflómetra
undan Haugasundi á föstudags-
kvöld. Allt að nítján manns týndu
lífi í óhappinu þegar ferjan sigldi á
sker. Áhöfn ferjunnar hefur sætt
mikilli gagnrýni fyrir að vera sein
að koma farþegunum frá borði.
örsmár ómannaður kafbátur
fann tvö lík nærri flaki ferjunnar á
90 metra dýpi í gær. Sleipnir var
tvíbytna og hafði verið í áætlunar-
feröum frá því í ágúst síðastliðnum.
í nokkrum bæjum Noregs
kveiktu syrgjendur á kertum til
minningar um hina látnu og einnig
í táknrænni kröfu um fleiri vita
meðfram hrjóstrugri ströndinni.
„Við teljum að sextán til nítján
manns hafi látið lifiö í slysinu,“
sagði Ola Ame Linga, talsmaður
lögreglunnar, við fréttamann
Reuters. Svo virðist sem allir hinir
látnu sem kennsl hafa verið borin á
hafi verið norskir, utan einn sem
var Kúrdi.
Linga sagði að sjötíu af 86 til 89
farþegum hefðu komist lífs af.
Björgunarsveitarmenn höfðu
undir kvöld í gær fundið þrettán
lík. Þrír til viðbótar, sem vitað er að
vom um borð í ferjunni, eru taldir
af. Óstaðfestar fréttir voru um að
tveggja til þriggja til viðbótar væri
saknað.
Eigendur ferjunnar viðurkenndu
í gær að skipstjórinn og áhöfnin
hefðu hugsanlega beðið of lengi áð-
ur en farþegunum var komið frá
borði.
„Svo virðist sem áhöfnin hafi
ekki talið ástandið eins alvarlegt og
það var,“ sagði Arne Dvergsdal,
framkvæmdastjóri útgerðarfélags-
ins. „Af fyrstu fréttum sem okkur
bárust má ætla að skipið hafi sokk-
ið óvenjuhratt," sagði hann í sam-
tali við norsku fréttastofuna NTB.
Áhöfnin viröist hafa talið aö far-
þegunum væri betur borgið um
borð í ferjunni en í björgunarbátum
í úfnum sjónum. Tiltölulega fáir far-
þegar voru í ferjunni í þessari ferð
frá Stavangri til Björgvinjar. Ferjan
getur borið 358 farþega. Skipið
brotnaði hins vegar skyndflega í
sundur og sökk 45 mínútum eftir að
það strandaði. Margir farþeganna
urðu því að kasta sér í hafið. Drjúg-
ur hluti þeirra sem voru um borð
var ungir olíuverkamenn á leið
heim í helgarfrí.
Um tvö hundruð sjálfboðaliðar
gengu íjörur við strandstaðinn í
gær í leit að fleiri líkum.
Slysiö á fóstudag er mannskæð-
asta sjóslys undan Noregsströndum
frá því árið 1990 þegar 158 manns
létu lífið í eldsvoöa í farþegaferj-
unni Scandinavian Star.
Sölvi Litleskare, til hægri á myndinni, var meðal þeirra sem komust Iffs af þegar norska ferjan Sleipnir strandaði og
sökk undan Haugasundi í Vestur-Noregi á föstudagskvöld. Sölvi, sem hér sést faðma systur sína, var eina klukku-
stund í köldum sjónum áður en henni var bjargað.
Jeltsín Rússlandsforseti á batavegi:
Fylgist vel með stríðs-
átökunum í Tsjetsjeníu
Boris Jeltsín Rússlandsforseti er
óöum að ná sér eftir lungnakvef og
veirusýkingu sem hann náöi sér í á
dögunum. Forsetinn er í stöðugu
sambandi við Vladimír Pútín for-
sætisráðherra og Igor Sergeijev
landvarnaráðherra og fylgist vel
með gangi mála í átökunum í
Tsjetsjeníu, að því er talsmaður
hans sagði.
Rússneski herinn greindi frá því í
gær að hann hefði hert mjög sókn-
ina gegn uppreisnarmönnum
múslíma í Tsjetsjeníu. Harðar árás-
ir hafa verið gerðar á höfuðborgina
Grozní, bæði úr lofti og stórskota-
liðsbyssum.
Fulltrúi Rússlandsstjómar í
Tsjetsjeníu sagði við sjónvarpsstöð-
ina NTV að flóttaleið fyrir óbreytta
Boris Jeltsín er að ná sér eftir
lungnakvef og ætlar að sitja út kjör-
tímabilið, fram á mitt næsta ár.
borgara frá Grozníu hefði verið
haldið opinni.
„Ég held að enn sé fólk þar en
ekki mjög margt," sagöi fulltrúinn.
Jevgení Prímakov, fyrrum for-
sætisráðherra Rússlands, sagði í
gær að Rússar gætu ekki enn hafið
samningaviðræður til að binda
enda á hemaðaraögerðir sínar þar
sem enginn stjómaði Tsjetsjeníu.
„Allir spyrja hvers vegna við
semjum ekki. En ég spyr við hverja
við eigum að tala. Tilgreinið þá,
hjálpið okkur,“ sagði Prímakov við
fréttamenn eftir fund með Jacques
Chirac Frakklandsforseta.
Chirac sagði Prímakov að hann
hefði þungar áhyggjur af hernaðar-
aðgerðum Rússa og miklu mannfalli
meðal óbreyttra borgara.
Stuttar fréttir i>v
Ongþveiti á brúnni
Búist er við miklu umferðar-
öngþveiti á nýju brúnni yfir Eyr-
arsund þegar hún verður opnuð á
næsta ári, rétt eins og varð á
Stórabeltisbrúnni. Fyrirtækið
sem rekur brúna er þegar farið að
búa sig undir ófremdarástand við
gjaldskýlin.
Wahid boðar nýja stefnu
Abdurrahman Wahid, forseti
Indónesíu, sagði í gær að stjórn
hans myndi
leggja fram nýja
stefnu í málefn-
um Aceh-hér-
aðs, þar sem að-
skflnaðarsinnar
hafa látið að sér
kveða að und-
anfömu, fyrir
desemberlok. Hann sagðist ekki
myndu heimsækja héraðið fyrr
en eftir það.
Þúsundir undir Köben
Um sjö þúsund manns þekktust
í gær boð fyrirtækisins sem er að
grafa fyrir jarölestarkerfinu í
Kaupmannahöfn, um tveggja kfló-
metra langa gönguferð í jarðgöng-
unum.
Vopnahié ETA á enda
Basknesku skæruliðasamtökin
ETA tilkynntu í gær að 14 mán-
aða langt vopnahlé væri á enda og
hvöttu stuðningsmenn sína til að
bjóða óvininum byrginn. Fyrir-
mæli um baráttuaðferðirnar
verða gefin út næstkomandi
fostudag.
Á móti sukki og svínaríi
Leyniþjónusta Palestínumanna
handtók í gær sjö menn sem
höfðu undirritað bækling þar sem
almenningur var hvattur til að
berjast gegn „harðstjóm, spill-
ingu og pólitískum svikum" í
heimastjórn Yassers Arafats.
Nyrup í góðu skapi
Poul Nyrup Rasmussen, forsæt-
isráðherra Danmerkur, var í
Ijómandi skapi
eftir fund meö
þingmönnum
og yfirstjórn
jafnaöarmanna-
flokksins um
helgina. Fund-
armenn tóku af-
ar vel I tiflögur
forsætisráðherrans um að Danir
taki upp evruna, sameiginlega
mynt Evrópusambandsins.
Danskir kratar eru hins vegar
ekki jafnvissir um ágæti þess að
samstarfið innan ESB nái einnig
til varnarmála.
Vilja brúa bilið
Viðskiptaráðherrar 135 landa
sem funda í Seattle í Washington-
ríki í þessari viku gera sér vonir
um að geta minnkað ágreining
sinn um styrki til landbúnaðar og
fleiri erfiðra mála og að auki
hrinda af staö nýjum samninga-
viðræðum um heimsviðskipti.
Rofar til í kjötdeílu
Jean Glavany, landbúnaðaráð-
herra Frakklands, sagði í gær að
svo kynni að fara að Frakkar
leyfðu sölu á bresku nautakjöti á
ný í næstu viku ef matvælaeftir-
litið gæfi grænt ljós.
Milljarðar í baráttuna
Fasteignajöfurinn Donald
Trump sagði í gær að hann ætlaði
aö eyða um sjö
milljöröum ís-
lenskra króna
af eigin fé í bar-
áttuna um til-
nefningu Um-
bótaflokksins
fyrir forseta-
kosningamar í
Bandaríkjunum á næsta ári. Auð-
ævi Trumps eru metin á rúma 350
milljarða króna.
150 bjargað
Björgunarsveitir í Sviss náðu
150 manns úr bilaðri skíðalyftu í
gær. Björgunarmenn notuðu þyrl-
ur og reipi í aðgerðunum.