Dagblaðið Vísir - DV - 09.09.2000, Blaðsíða 2

2
LAUGARDAGUR 9. SEPTEMBER 2000
Fréttir
Ráðstefna um vímuefni og glæpi haldin í Reykjavík:
Löglegt vímuefni veld-
ur mesta vandanum
„Mikil umræöa hefur verið um
vímuefnamisnotkun og þá hefur
fólk aðallega einbeitt sér að ólögleg-
um eiturlyfjum, svo sem heróíni og
kannabis. En vímuefnið sem veldur
mestum vandamálum þegar kemur
að glæpum í öOum löndum Norður-
Evrópu er áfengi. Við verðum að
hafa það í huga þegar þessi mál eru
rædd,“ sagði dr. Bruce Ritson, geð-
læknir við Royal Hospital of Edin-
burgh og ráðgjafi Alþjóðaheilbrig-
iðsstofnunarinnar (WHO) á sviði
vímuefna- og afbrotamála.
Ritson ræddi við DV á ráðstefnu
sem haldin var í Hátiðarsal Háskóla
íslands í gær um vímuefhaneytend-
ur og afbrot en hann var þangað
kominn til þess að fjalla um hjálp við
einstaklinga sem eiga við áfengis-
vandamál að stríða, sem og úrræði
skoskra sveitarfélaga í þessum mál-
um. Hann útskýrði að eitt það mikil-
vægasta í þessum úrræðum væri að
kenna fólki, bæði heUbrigðisstétt-
inni sem og almenningi, að áfengi er
vímuefhi líkt og ólögleg eiturlyf.
„Fólk á það til að setja áfengis-
vandamál og alkóhólisma i sama
bát en áfengisvandamál kosta þjóð-
félagið í raun mun meira en alkó-
hólismi. Það er algengt aö fólk sem
drekkur öðru hvoru lendi i slysum
undir áhrifum áfengis eða drykkjan
valdi því að sambönd fólks fari út
um þúfur. Þetta fólk verður líka
veikt og þarf frí úr vinnu vegna
drykkjunnar. Þetta eru aUt saman
vandamál, tengd áfengi, en fólkið er
þó ekki skilgreint sem alkóhólist-
ar,“ sagði Ritson.
Hann bætti því við að ísland
stæði mjög vel varðandi hjálp sem
vímuefnaneytendum er boðið upp á.
„Það er athyglisvert hve neysla
áfengis miðað við höfðatölu er lítil á
íslandi. Ég tel að sú staðreynd að
áfengi er mjög dýrt sé hluti af skýr-
ingunni," sagði Ritson.
Dr. Harvey MUkman, prófessor í
sálarfræði við Denver-háskóla og
höfundur fjölmargra bóka um vímu-
efnaneyslu og afbrot, hélt fyrirlest-
ur um glæpsamlega hegðun og með-
ferð vímuefnaneytenda.
Auk erlendu fræðimannanna
tóku Bragi Guðbrandsson, forstjóri
Barnaverndarstofu, Helgi Gunn-
laugsson, dósent við Félagsvísinda-
deUd Háskóla íslands og afbrota-
fræðingur, og Erlendur Baldursson,
deildarstjóri hjá Fangelsismála-
stofnun, þátt í paUborðsumræðum
eftir fyrirlestrana.
HeUbrigðis- og tryggingamála-
ráðuneytið og Háskóli íslands stóðu
sameiginlega að ráðstefnunni.
-SMK
DV-MYND SIGURÐUR K. HJALMARSSON
Voldug samtök funda
Frá Leikskálum í Vík í gær þegar
ársþing NSU var undirbúiö.
íslendingur formaður:
Vilja fá ung-
lingana út úr
tölvunum
DV, VÍK:
„Eitt stóra málið hjá okkur er að
halda áfram með þessa skemmtilegu
vinnu sem fór af stað i sumar hjá
okkur og á næsta ári verður ung-
mennavika í Danmörku. Stórt mál
er einnig að skoða hvert við stefn-
um. Erum við að stefna inn í tölvu-
heim þar sem unglingar sitja og
flakka um i tölvunni í stað þess að
hittast í eigin persónu? Líka er mik-
ið rætt um tungumál: Ætlum við að
ræða saman á Norðurlandamálum
eða sveigjum við yfir í ensku? Við
viljum ekki viðurkenna ensku sem
aðalmál í norrænu samstarfi," sagði
Bjöm S. Jónsson, formaður NSU, en
hann mun um helgina vinna að end-
urkjöri í embættið.
Norrænu ungmennasamtökin
NSU hefja ársþing sitt á Leikskálum
í Vík i Mýrdal í dag, laugardag. Þar
sitja um 40 norrænir fulltrúar, þar af
tíu íslendingar. Samtökin efndu til
ungmennaviku á Islandi í sumar og
þar voru 5 þúsund ungmenni þátt-
takendur. Grænland, Færeyjar og
Álandseyjar sækja um að fá aðild á
þinginu í Vík. Ungmennafélagshreyf-
ingin stendur að samtökunum sem
er með á þriðju milljón unglinga inn-
an vébanda sinna. -SKH/JBP
Málþing helgað framtíð öryggismála á Norður-Atlantshafi:
Island hefur sitt
fram að færa
- segir aðalframkvæmdastjóri Atlantshafsbandalagsins
Halldór Ásgrímsson utanríkisráð-
herra átti samráðsfund með George
Robertson, aðalframkvæmdastjóra
Atlantshafsbandalagsins, í utanrík-
isráðuneytinu í gærmorgun. í fram-
haldi af því héldu þeir blaðamanna-
fund þar sem Robertson lýsti því
yfir að landfræðileg staða íslands á
milli heimsálfanna Evrópu og Am-
eríku væri enn afskaplega mikilvæg
í starfsemi Atlantshafsbandalags-
ins.
„Þrátt fyrir að ísland haFi ekki
her er ekki þar með sagt að það hafi
ekkert fram að færa.... ísland hefur
áður lagt fram sinn skerf og ég held
það muni halda áfram að gera svo,“
sagði aðalframkvæmdastjórinn.
George Robertson er staddur hér
á landi í tengslum við alþjóðlegt
málþing ríkisstjómar íslands og
Atlantshafsherstjómar Atlantshafs-
bandalagsins sem haldið er í Borg-
arleikhúsinu þessa dagana. Mál-
þingið er helgað framtíð öryggis-
mála á Norður-Atlantshafshaflnu og
er þar fjallað um Atlantshafstengsl-
in, Atlantshafsbandalagið á tímum
aukinnar hnattvæðingar og framtiö
öryggismála á norðurvæng banda-
lagsins.
I opnunarræðu sinni sagði Hall-
dór Ásgrimsson mikilvægi íslands í
bandalaginu tengjast því að tryggja
öragga verslunarleið milli Norður-
Ameríku og Evrópu.
Nítján þjóðir eru í Atlantshafs-
bandalaginu og er fjöldi gesta stadd-
ur hér á landi vegna málþingsins.
-SMK
DV-MYND HILMAR ÞÓR
Frá blaöamannafundi í utanríkisráðuneytinu í gær
Halldór Ásgrímsson utanríkisráöherra og George Robertson, aðalfram-
kvæmdastjóri Atlantshafsbandalagsins, á blaðamannafundi í gær. Alþjóölegt
málþing ríkisstjórnar íslands og Atlantshafsherstjórnar bandalagsins er
haldiö þessa dagana á íslandi þar sem framtíð öryggismála á
Noröur-Atlantshafinu er rædd.
Slysavaldur í
Skeiðarvogi
- tímabundin tilraun, segir gatnamálastjóri
Töluvert tjón hlaust af á þriðju-
dagskvöld þegar ökumaður keyrði á
steypuhindmn í Skeiðarvogi, en öku-
menn, ókunnugir aðstæðum, eiga oft
erfitt með að átta sig á þessari tilhög-
un mála, sérstaklega eftir að skyggja
tekur. Ökumenn hafa kvartað yfir
þessum hindrunum og telja þær
valda stórhættu í umferðinni öfugt
við upphaflegan tilgang.
Um tveggja ára skeið hefur
annarri akreininni verið lokað með
þessum hætti en að sögn Sigurðar
Skarphéðinssonar gatnamálastjóra
er þetta tímabundin tilraun til að
minnka gegnumakstur nálægt skól-
um hverflsins. Ekki hefur verið tek-
in ákvörðun um hvenær tilraunin
verður tekin til endurskoðunar. -MT
DV-MYND S
Uggði ekki að sér
Ökumaöur þessa bíls uggði ekki aö
sér í myrkrinu og lenti beint
á hindruninni.
SSOSK..
Langdregin og leiðinleg
Danskir kvik-
myndagagrýnendur
eru lítt hrifnir af
nýjustu mynd leik-
stjórans Lars von
Triers, Dancer in
the Dark, en frum-
sýningar myndar-
innar hefur verið
beðið með eftirvæntingu þar í landi.
Gagnrýnendur telja myndina al-
mennt vera langdregna og illskiljan-
lega og ekki hafa átt skilið
gullpálmann í Cannes.
Sýningum á Baldri lokið
Nú er lokið sýningarferð með
Baldur eftir Jón Leifs í dansút-
færslu Jorma Uotinen. Viðtökur á
alþjóðlegum vettvangi hafa verið
afar góðar og fékk verkið t.d. mjög
lofsamlega dóma í þýska stórblað-
inu Frankfurter Allgemeine Zeitung
1. september.
Metið á fjóra milljarða
Á seinni hluta næsta árs má búast
við því að hugbúnaðarfyrirtækið
Netverk Plc. sæki um skráningu í
kauphöll erlendis. Nýverið keyptu
erlendir stofnanafjárfestar nýtt
hlutafé í Netverki fyrir 770 milljónir
króna á genginu 10,2. Miðað við það
er Netverk metið á fjóra milljarða
króna. Viðskiptablaðið greindi frá.
Fangaverðir njósna um íbúa
Hjón á Eyrarbakka hafa ritað
Tölvunefnd bréf þar sem þau telja að
fangaverðir á Litla-Hrauni misnoti
eflirlitsvélar Litla-Hrauns til að
njósna um íbúa í bænum með því að
beina þeim inn í bæinn og jafnvel inn
í hús 1 bænum. Bylgjan greindi frá.
Varðhald framlengt
Héraðsdómur hefur framlengt
gæsluvarðhald rúmenska skart-
gripaþjófsins um 4 vikur, eða til 6.
október. Hann hefur setið i gæslu-
varðhaldi í um það bil þrjár vikur.
Verjandi Rúmenans tók sér frest til
að kæra úrskurðinn til Hæstaréttar.
RÚV greindi frá.
Karlmenn með hálsríg?
Homfirskir karlmenn horfa þessa
dagana stíft eftir dökkhærðu kven-
fólki í von um að berja augum kyn-
bombuna og óskarsverðlauna-
hafann Angelinu Jolie en hún er,
ásamt stómm hópi kvikmyndatöku-
fólks á vegum Saga Film, við tökur
á kvikmyndinni Tomb Raider í ná-
grenni Homafjarðar. Fréttavefur-
inn greindi frá.
„Furðulegar bréfaskrlftir"
Fjármálaráð-
herra segir að líkja
megi viðbrögðum
borgarstjóra og
bréfaskriftum hans
til ráðuneytisins
við viöbrögð manns
sem hefur verið
fundinn sekur um
fjársvik og fer i kjölfarið að hnýsast
í fjármál dómarans. Honum finnst
bréfaskriftir borgarstjóra vegna
dóms fjármálaráðuneytisins vegna
kæru Landssímans um viðskipti
Linu.Nets og borgarinnar furðuleg-
ar. Bylgjan greindi frá.
Fíkniefnainnflutningur
í vikunni handtók lögreglan í
Reykjavík, í samvinnu við tollgæsl-
una, þrjá menn á fertugsaldri vegna
rannsóknar á umfangsmiklu fikni-
efnamáli. Þeir hafa allir verið úr-
skurðaðir í gæsluvarðhald í 3-4 vik-
ur. Málið varðar innflutning á veru-
legu magni af fíkniefnum. Alls hef-
ur verið lagt hald á um 10 kg af
hassi. Visir.is greindi frá. -KEE