Dagblaðið Vísir - DV - 09.09.2000, Blaðsíða 29

LAUGARDAGUR 9. SEPTEMBER 2000
29
DV
Helgarblað
Þorgeir Ibsen netsérfræðingur verslar helst eingöngu á Netinu:
Þoíir ekki
matvörubúðir
Hafnfirðingurinn Þorgeir Ibsen Þorgeirsson heldur því
fram að það sé hægt að selja fólki svo til hvað sem er í
gegnum Netið. Sjálfur hefur hann síðastliðin fjögur ár selt
fólki bíla í gegnum Netið sem aðstoðarforstjóri hjá Ford
Motor Company í Bandaríkjunum.
DV hitti Þorgeir þegar hann var staddur á klakanum
ásamt fjölda manns frá Ford til að kynna hópi erlendra
blaðamanna framtíðaráform fyrirtækisins.
„Eitt það leiðinlegasta sem ég geri
er að fara í matvörubúðir og konan
mín er mér alveg hjartanlega sam-
mála. Þess vegna pöntum við hjónin
allan okkar mat í gegnum Netið og
fáum vörurnar sendar heim. Það er
svo miklu þægilegra," segir hinn 34
ára gamli Þorgeir Ibsen Þorgeirsson
sem kaupir ekki einungis matinn sinn
í gegnum Netið heldur einnig flest
annað sem hann þarfnast.
Þorgeir er fyrir löngu fallinn fyrir
Netinu og notkunarmöguleikum þess.
Hann hefur verið kallaður Faðir
Ford.com meðal samstarfsfélaga sinna
en hann hefur verið yfir deild innan
Ford Motor Company í Bandaríkjun-
um sem sér um að koma þjónustu fyr-
irtækisins og vörum til skila í gegn-
um Netið og aðra rafræna miðla. Þar
hefur hann unnið mikið brautryðj-
endastarf og hefur svo að segja séð um
að byggja netviðskipti Ford upp frá
grunni. Nú er Þorgeir hins vegar ný-
íluttur til London þar sem áformað er
að hann vinni álíka starf fyrir Evr-
ópumarkað.
Engin prufukeyrsla
Það hljómar kannski undarlega í
eyrum sumra að einhverjir vilji
kaupa bíla í gegnum Netið án þess
að prufukeyra þá og skoða en í aug-
um Þorgeirs er það auðskiljanlegt.
„Hugsaðu þér allan tímasparnað-
inn sem næst með því að kaupa vör-
ur í gegnum Netið. Ég segi reyndar
ekki að það gangi jafnvel að selja
öllum þjóðum bíla í gegnum Netið.
Þjóðverjar munu líklega aldrei
flnna sig almennilega í því á meðan
það þykir sjálfsagt mál í Japan. Þeir
þurfa ekkert að prufukeyra bílana
áður en þeir kaupa enda eru við-
skipti þar í landi byggð á trausti,"
segir Þorgeir sem sjálfur keyrir um
á Jagúar sem er eitt af þeim mörgu
merkjum sem Ford selur.
En er virkilega hœgt að selja hvað
sem er á Netinu?
„Já,“ segir Þorgeir án þess að
hika en bætir þó við að það sé mis-
munandi eftir löndum hvað gangi
vel að selja og hvað ekki og fari það
mikið eftir menningu landsins.
Hann tekur sem dæmi að í Detroit
séu menn ekki hrifnir af því að
kaupa matvöru í gegnum Netið og
fá þær svo sendar heim því þeim
flnnist það hreint og beint truflun
að fá ókunnuga manneskju inn á
heimili sitt. t Bretlandi er aftur á
móti annað uppi á teningnum. Þar
er fólk vant því að mjólkurpóstur-
inn komi heim að dyrum og finnst
það bara heimilislegt þannig að
þeim flnnst ekkert sjálfsagðara en
að fá sin daglegu innkaup send
heim að dyrum.
Gerir lífiö þægilegra
Það stendur því ekki á tækninni
heldur á hugarfari almennings
hvort netviðskipti munu slá i gegn
að sögn Þorgeirs. Tæknin er fyrir
hendi, nú þarf bara að koma mönn-
um upp á lagið með að nýta sér
hana og sú hugarfarsbreyting getur
tekið tíma. „Ég býst þó við að sú
vara sem hvað erfiðast verður að
selja á Netinu, ef það verður þá ein-
hvern tímann hægt, sé húsnæði. Ég
held það séu fáir sem vilji kaupa sér
heimili án þess að skoða það,“ segir
Þorgeir sem bendir á að Netið geti
þó komið að góðum notum í hvaða
viðskiptum sem er. Þó menn kaupi
ekki endilega vöruna í gegnum Net-
ið þá geti menn aflað sér upplýsinga
um hana þar og athugað málið þó
þeir fari svo að lokum í venjulega
verslun til þess að kaupa hana.
Nú notar fólk tölvur og síma svo
mikið í vinnunni, verður það ekki
fljótlega leitt á því að nota Netið
utan vinnunnar? Vill fólk ekki bara
fá frí frá tölvunni og farsímanum?
, gr jjQL. F' 1
’ X I
Faðir Ford.com
Þorgeir hefur unniö hjá Ford í fjögur ár og m.a séð algjörlega um netsöluna hjá þeim. Þó þaö hljómi líklega
furðulega í eyrum sumra þá eru margir sem versla allt sem þeir þurfa í gegnum Netiö, þar á meðal mótorhjól
án þess að prufukeyra þau.
liötipp
Éf* ¥ SSMPIAJþfc
„Ég held að fólk verði ekki leitt á
öllu því sem gerir líflð þægilegra,"
segir Þorgeir en sjálfur er hann
hæstánægður með það að sleppa við
það að ráfa um í matvöruverslun-
um, bíða í biðröðum og geta frekar
notað tímann sem í matarinnkaup-
in færi til þess að fara út á fótbolta-
völl með elsta syni sínum en hann
er giftur þýsk-bandarískri konu og á
þrjá syni.
„Ég hef fulla trú á því að íslend-
ingar muni nýta sér Netið meira í
viðskiptum í framtíðinni. Við erum
svo nýjungagjöm. Þú sérð bara með
farsímana. Það eru allir komnir
með stálþumla af þvi að senda SMS.
Við hreinlega elskum tækninýjung-
ar,“ fullyrðir Þorgeir.
Tækjaóður flugmaður
Að Þorgeir ætti eftir að helga sig
netviðskiptum var eitthvað sem
hann sá ekki fyrir sér sem bam.
Hann þjáðist reyndar strax af bull-
andi tækjadellu sem ekki alltaf var
vel liðin, sérstaklega ekki af ömmu
hans. „Ég var alltaf að rífa útvarps-
tækið í sundur hjá ömmu minni í
Stykkishólmi og setja auka- magn-
ara eða gera álíka breytingar á því
við misgóðar undirtektir ömmu,“
segir Þorgeir og viðurkennir að
hann sé tækjasjúklingur. Hann
ákvað snemma að verða flugmaður
sem hann og varð. Hann fór til
Bandaríkjanna í frekara nám en
fljótlega fór hugur hans að beinast
inn á markaðsmál og þegar Netið
kom til sögunnar heillaðist hann
upp úr skónum. Eftir að hafa tekið
að sér sumarverkefni hjá Ford-fyrir-
tækinu hafði hann heldur betur
sannað sig og honum hefur ekki
verið sleppt þaðan út síðan. Nú hef-
ur Þorgeir verið 11 ár í Bandaríkj-
unum og þar af fjögur hjá Ford.
Spennandi ferðavefur
Þó Þorgeir sé alveg hættur að
fljúga nú er flugið ekki alveg farið
úr lífi hans því nýjasta verkefni
hans tengist einmitt flugi. Undan-
farin tvö ár hefur verið unnið að því
innan Flugleiða að þróa veflausnina
Destal og hefur Þorgeir verið feng-
inn í stjórn fyrirtækisins Destal hf.
Fyrirtækið mun byggja upp heild-
stæðan vef fyrir alla ferðaþjónustu
á einu markaðssvæði þar sem verð-
ur ekki bara hægt að fá upplýsingar
heldur einnig bóka ferðir, gistingu,
afþreyingu, bílaleigubíla og þar
fram eftir götunum - og borga fyrir
allt ferðalagið á einum stað. Destal
mun gera svokallaða staðsetningar-
bundna þjónustu mögulega, en þá
fær ferðamaðurinn ferðatengdar
upplýsingar í gegnum farsímann
sinn. Ætlunin er að selja Destal-vef-
lausnina til notkunar fyrir ferða-
þjónustu um allan heim og er hún
væntanleg á markaðinn fljótlega.
-snæ