Dagblaðið Vísir - DV - 04.05.2002, Blaðsíða 24

Dagblaðið Vísir - DV - 04.05.2002, Blaðsíða 24
24 M&lQCtfblClÖ' XXV" LAUCARDAGUR4.MAÍ2002 urstu byggingar borgarinnar Hverjum þykirsinn fugl fagursegir gamalt máltæki og er áreiðanlega rétt. Flestir eru sennilega nokkuð ánægðir með sitt eigið hús en svo eru önnur hús sem við eigum öll saman og höfum mismunandiskoðanir á fegurðþeirra. DVgerðiskoðanakónnun á þvíhver væri fegursta bijgging íReukjavík. DV HEFUR KANNAÐ ÁLIT FÓLKS á því hver sé fegursta bygging Reykjavíkur. í skoðanakönnun var fólk spurt eftirfarandi spurningar: Hver finnst þér vera fallegasta bygging Reykjavíkur? Góð svörun var í könnuninni því flestir virðast hafa á þessu ein- hverja skoðun. Könnunin leiðir í ljós að Hallgrímskirkja þykir mönnum og konum vera fallegasta bygging Reykja- víkur. Þetta var skoðun rúmlega 21 prósents þeirra sem spurðir voru. Þetta hefði einhvern tímann þótt saga til næsta bæjar því kirkjan var um miðja síðustu öld frekar umdeilt framtak og sýndist sitt hverjum um fegurð hennar og tíguleik. Andúð sumra náði slíku flugi að eitt af stóru skáldunum í bænum, Steinn Steinarr, orti heilt kvæði sérstaklega um þessa hálfköruðu byggingu og þar er að finna þessar frægu hendingar. Ef turninn er lóðréttur hallast kórinn til hœgri. Mín hugmynd er sú að ein trappa sé annarri lœgri. Húsameistari ríkisins ekki meir ekki meir. Hallgrímskirkja er fallegasta bygging Reykjavíkur að mati íbúanna. Safnahúsið við Hverfisgötu eða Þjóðmenningarhús komst í þriðja sæti sem verður að teljast góður árangur. Ráðhúsið er fjórða fegursta bygging borgarinnar. Af þessu má ráða að byggingar sem eru umdeildar í fyrstu verða síðan íbúunum hjartfólgnar. Húsameistarinn sem Steinn ávarpar 1 kvæði sínu er Guðjón Samúélsson sem var jafnframt fyrsti húsameist- ari þessarar fátæku þjóðar sem fram á tuttugustu öld lét sér nægja moldarkofa og stöku bárujárnshús án leiðsagnar arkitekta eða húsameistara. Á listanum yflr fjórtán fallegustu byggingar borgar- innar eru fjögur hús sem eru höfundarverk Guðjóns. Auk HaUgrímskirkju eru það Landspítalinn við Hring- braut, Þjóðleikhúsið og Háskóli Islands. Þetta er arf- leifð sveitadrengs frá Hunkubökkum á Síðu sem tókst að nýta form íslenskrar náttúru úr æsku sinni og gera að byggingarlist heillar þjóðar. Eins og sumar af helstu kirkjum heimsins var Hall- grímskirkja lengi í byggingu þótt byggingartíminn sé ekki mældur í öldum heldur áratugum. Skömmu áður en kirkjan var fullbúin lét af störfum smiður nokkur sem varð frægur stutta stund vegna þess að hann hafði alla sína starfsævi unnið við byggingu kirkjunnar. Nokkrar stærstu dómkirkjur Evrópu eins og Kölnar- dómkirkja, Sacre-Coeur og Notre-Dame i París og fieiri voru fast að 300 ár í byggingu. Húsið sem kemst næst Hallgrímskirkju var líka um- deilt þegar það var í byggingu en hefur greinilega náöst sátt um það í þjóðarsálinni því það kemur fast á hæla kirkjunni í skoðanakönnuninni. Þetta er Perlan sem reist var ofan á hitaveitutönkunum í Öskjuhlíð í upp- hafi tíunda áratugarins. í ljós kemur aö Perlan fær aðeins þremur atkvæðum minna er Hallgrímskirkja og hlýtur það að tákna að um þetta hús ríki orðið nokkur sátt. Það var Ingimundur Sveinsson sem teiknaði þetta sérstæða hús sem var töluvert umdeilt á sínum tíma en reyndar voru mótbár- ur manna gegn umræddri byggingu fremur af pólitísk- um toga en fagurfræðilegum. Hugmyndin um hús ofan á hitaveitutönkunum mun vera talsvert gömul og upp- haflega ættuð frá Jóhannesi Kjarval listmálara og ein- um ástsælasta listamanni þjóðarinnar. Svörin eru aðgreind eftir kyni og það kemur í ljós að skoðanir karla og kvenna á Hallgrímskirkju eru i miklu jafnvægi en talsvert fleiri karlar en konur nefndu Perluna og er ekki gott að átta sig á því hvað veldur þeim mun. Sumir hafa haft á orði að form Perlunnar minni á fagurskapað konubrjóst og ef til vill er skýringin fólgin í því að karlar hrífist meira af henni en konur. Það var síðan Safnahúsið við Hverfisgötu eða Þjóð- menningarhús sem lenti í þriðja sæti. Þetta er merki- legt hús og fagurt sem var tekið í notkun á þriðja ára- tug aldarinnar og er teiknað af dönskum arkitekt. Það er greinilegt að Reykvíkingar hafa ekki látið nýleg hneykslismál tengd umræddu Þjóðmenningarhúsi breyta neitt áliti sínu á þessu fagra húsi en endurbæt- ur sem gerðar voru af mikilli vandvirkni fyrir opnun hússins árið 2000 þóttu takast sérlega vel. Það voru 12,1 % aðspuröra sem nefndu Þjóðmenningarhúsið og þessi þrjú hús sem skipuðu þrjú efstu sætin á fegurðarlista húsa í Reykjavík skáru sig nokkuð ur hvað fjölda at- kvæða varðar. I fjórða sæti með 6,2% atkvæða lenti síðan hús sem var afskaplega umdeilt á sinum tíma líkt og önnur sem hér hafa verið nefnd. Þetta er Ráðhús Reykjavíkur sem stendur við eða I Tjörninni. Þetta hús varð tilefni harð- vítugra deilna meðan það var í byggingu. Það var reist undir dyggri forystu meirihluta sjálfstæðismanna i borginni og þótti sjálfgefið að andstæðingar flokksins væru andstæðingar hússins. Allhörð andstaða innan Sjálfstæðisflokksins vakti hins vegar meiri athygli og er fullyrt að einhverjir gamalgrónir íhaldsmenn hafi átt afar erfiða daga um þessar mundir. En allt er þetta gleymt og þótt mönnum sýnist ef til vill sitt hverjum um staðsetningu hússins þá er greinilegt að mörgum finnst húsið sjálft fallegt. í fimmta sæti er siðan Alþingishúsið við Austurvöll sem fær þá aðeins stuðning 5,3% aðspurðra. Þetta gamla og fallega steinhús sem danskir steinsmiðir reistu hér á seinni hluta nítjándu aldar hefur kannski frekar pólitíska merkingu í hugum fólks en fagurfræði- lega. Landspítalinn við Hringbraut er síðan í sjötta sæti en þetta mikla hús Guðjóns Samúelsson- ar er bæði fallegt og stendur vel þótt það sé í þann veginn að hverfa bak við trjágróður og fjölskrúðugar viðbyggingar. Hið fræga glæsihús Höfði við Borgartún kemst í sjö- unda sæti en það eru ekki mörg atkvæði þar að baki. I kjölfar leiðtogafundar Reagans og Gorbatsjovs 1985 héldu margir að Höfði yrði eitt af frægustu húsum heimsins. Ef svo væri heföu sennilega fleiri nefnt það. Neðar.á listanum er að fmna ýmsar merkar bygg- ingar í Reykjavík eins og Dómkirkjuna, Háskólann, Þjóðleikhúsið, Borgarbókasafnið gamla við Þingholts- stræti og Norræna húsið. Það vekur athygli í þessu sambandi að undarlega mikill munur sést stundum á afstöðu karla og kvenna. Þannig nefndu 10 konur Há- teigskirkju sem fegursta hús bæjarins en aðeins tveir karlar voru á sömu skoðun. Hvað liggur að baki þess- ari skiptingu en sennilega engin leið að vita. -PÁÁ jfl 1^1 Hp'- Perlan var umdeild þegar hún var byggð en nú telja menn hana næstfegurstu byggingu borgarinnar.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.