Dagblaðið - 30.11.1979, Blaðsíða 24

32
DAGBLAÐIÐ. FÖSTUDAGUR 30. NÓVEMBER 1979.
........... ^
>
ÚDÝR
SKÍÐASETT
80 cm, kr.10.570.-
fyrir 3-4 ára
OPIÐÁ
LAUGARDÚGUM
PÓSTSENDUM
Sími 13508.
Úrvals
folaldakjöt
KJÖTBÚÐ
SUÐURVERS
STIGAHLÍÐ - SÍMI35645
VEGIRUGGIA
TIL ALLRA ÁTTA
Landsmenn eru að líkum orðnir
þreyttir á ýmsu pólitísku skrafi sem
mikið hefur verið haldið á lofti und-
anfarið og hefir aðallega byggst upp
á skömmum og hártogunum en
minna farið fyrir haldbærum rökum,
gögnum og áætlunum. Til að breyta
út af þeirri venju ætla ég að taka fyrir
nokkra punkta úr áædunum Sjálf-
stæðisflokksins sem ég tel að sem
flestir ættu að kynna sér. Ég met þá
stefnuyfirlýsingu er þeir tóku upp í
þessum kosningum á þann veg að
hún sé bæði óraunsæ og óþjóðholl og
hættuleg íslenskri menningu og þjóð-
lífi.
1. „Verðmætasköpun aukin með
skynsamlegri nýtingu náttúruauð-
linda.” Engar raunhæfar áæd-
anir hafa ennþá sést á prcnti.
2. „Ákvarðanir um vexti verði
færðar frá ríkisvaldinu til mark-
aðarins, einstakra banka, spari-
sjóða, fyrirtækja og einstakl-
inga.” „Þessi stefna leiðir til
vaxtalækkunar, en tryggir um leið
hag sparifjáreigenda og eykur
innlendan sparnað.”
Færsla á ákvarðanatöku um vexti I
því formi sem þarna er boðað mun
örugglega valda algerum glundroða i
vaxtamálum. Óhæft þess vegna. Full-
yrðing um að þetta lækki vexti er
staðlaus firra, mun að líkum hækka
þá.
3. „Til að vega á móti tekjutapi
ríkissjóðs vegna lækkunar skatta
verði dregið úr niðurgreiðslum,
rekstrarkostnaði og framkvæmd-
um ríkisins.”
í sjónvarpsumræðum um þjóð-
málaviðhorf gaf fulltrúi Sjálfstæðis-
flokksins það upp að niðurgreiðslur
ættu að lækka um 7 milljarða,
óbætt, og síðan ætti hluti af 16 millj-
arða niðurgreiðslum að fara í tekju-
tryggingu fyrir láglaunafólk en engin
upphæð hefir verið ætluð i þá tekju-
tryggingu neins staðar í þeim áætlun-
um er flokkurinn hefir gert. Brottfall
niðurgreiðslna hækkar verð og mun
það valda auknum kaupkröfum og
aukinni verðbólgu. Ekki er nægjan-
lega farið í saumana á því hvar eigi að
lækka reksturskostnað. Ekki er til-
greint hvaða framkvæmdum eigi að
fresta, þannig að kjósendur geti
myndað sér rökrænt mat um niður-
stöður og afleiðingar.
4. „Áætlanir verði gerðar um
þjóðarhag til nokkurra ára er sýni
svigrúm til neyslu og fjármuna-
myndunar einstaklinga, fyrir-
tækja og opinberra aðila og verði
notaðar til viðmiðunar við stefnu-
mörkun og ákvarðanir. Jafnframt
verði gerðar raunsæjar áætlanir
um þróun atvinnuvega og byggða
til lengri tímalitið.”
Þetta er sett fram 21/2 1979 og
síðan eru liðnir átta mánuðir og eng-
ar áætlanir liggja fyrir unnar á þenn-
an hátt.
Lögmál
frumskógarins
5. „Samningar um kaup og kjör
verði geröir á ábyrgð launþega og
vinnuveitenda.” Afleiðing stétta-
stríð.
6. „Frelsi einstaklinga og fyrirtækja
til sjálfstæðra ákvarðana á eigin
ábyrgð verði stóraukið á öllum
sviðum efnahagslifsins og al-
mennar reglur komi i stað ein-
stakra ákvarðana stjórnvalda.
Verðlag verði gefið frjálst undir
eftirliti og samkeppni og framboð
vöru aukið jafnframt því sem
frjáls samtök neytenda verði
studd. Losað verði um þau inn-
flutnings- og gjaldeyrishöft sem
enn gilda. svo sem á ferðamanna-
gjaldeyri, og allir bankar fái rétt
til þess að versla með erlendan
gjaldeyri. Almennt verði tekin
upp sú meginregla að fella úr gildi
hvers konar boð og bönn á
sviðum efnahagslífsins sem ekki
verður ótvírætt sýnt fram á að séu
nauðsynleg. Sjálfstæðisflokkur-
inn vill þannig nýta kosti frjálsra
viðskipta og markaðskerfis og fá
heilbrigðu framtaki og þekkingu
einkaaðila nýtt svigrúm.”
Þessar áætlanir eru forsenda þess
að „lögmál frjáls markaðar” verði
allsráðandi í þjóðfélaginu og menn
munu vita það að í slíku ástandi ríkir
„lögmál frumskógarins”. Hinir ríku
verða ríkari en hinir fátæku fátæk-
ari. Hverjir óska eftir slíku ástandi
aðrir en stórauðvaldssinnar?
7. „Atvinnufyrirtækjum í eigu ríkis-
ins verði breytt í hlutafélög og
hlutaféð selt starfsmönnum, al-
menningi eða sveitarfélögum að
hluta eða í heild. Söluandvirði
þeirra verði varið til aðstoðar við
að koma á fót nýjum atvinnu-
fyrirtækjum með hlutafjárfram-
' Iögum og til framkvæmda.”
Útskýra ætti þetta atriði betur af
hálfu flokksins en það hefir ekki
verið gert. Það er næsta furðulegt
ábyrgðarleysi þar sem um qr að ræð^
að líkum tugmilljarða þjóUáíeignir.
Ekki er getið um hvaða fyrirtæki á að
selja, nema lauslega, né hvernig sala
yrði fjármögnuð. Einnig er á engan
hátt rökstutt hvers vegna á að selja.
Spyrja mætti hvernig flokkurinn
hugsar sér að t.d. starfsmenn Áburð-
arverksmiðjunnar og Sementsverk-
smiðjunnar eigi að geta keypt þessar
eignir eða hvort þeir vilji það. Einnig
mætti óska eftir skýringum á því
hvort þess yrði gætt að hlutabréf
lentu ekki í fárra manna höndum,
ennfremur í hvaða fjárfestingu sölu-
andvirði færi. Þannig mætti lengi,
lengi spyrja en illa líst mér á svona
vanbúnar og vanhugsaðar áætlanir í
jafnmikilsverðum málum.
Skrautyrðasúpa
8. „Dregið verði úr opinberri íhlut-
un í starfsemi fjármagnsmark-
aðarins, hann verði efldur og að-
stæður á hverjum tíma fái að hafa
Kjallarinn
Bjarni Hannesson
eðlileg áhríf til jafnvægis milli
framboös og eftirspurnar. Unnið
verði að því að koma á skipuleg-
um verðbréfa- og peningamark-
aði hér á landi.”
Þannig hljóðar fyrri hluti klausu í
4. lið þessa dæmalausa plaggs, um
aukinn sparnað og hagkvæmari fjár-
festingu.
En i beinu framhaldi af þessu
kemur þversögn á fyrri hlutann. Orð-
rétt: „Starfsemi ríkisbankanna og
opinberra fjárfestingarlánasjóða
verði endurskoðuð með það fyrir
augum að styrkja stjórnun þeirra,
auka aðhald, koma á eðlilegri verka-
skiptingu og tryggja að fé sé ráðstaf-
að til þjóðhagslega arðvænlegrar
fjárfestingar og rekstrar.”
Hvernig ætla þeir að framkvæma
þetta eftir svona prógrammi er fyrst
dregur úr heildarstjórnun en síðan á
að auka hana? Þetta er að mínu mati
dæmalaus þversögn, sannkölluð
skrautyrðasúpa. Svona má segja að
báðar stefnubreytingaráædanir sjálf-
stæðismanná séu: Yfirborðskenndar
áædanir og óraunsæ hughyggja,
unnar án þekkingar og ábyrgðar
gagnvart þjóðmálum. Að mínu mati
má segja að i þeim „liggi vegir til
allra átta og allir ofan í fen”, þetta
getur hver og einn kynnt sér ef þeir
hinir sömu vilja. En skammsýnir og
vitlitlir eru landsmenn, aðmínumati,
ef þeir greiða slíkum áætlunum at-
kvæði í kosningunum um næstu
helgi. Læt ég hér með lokið athugun-
um á þessum áætlunum.
Bjarni Hannesson
Undirfelli.
RÆÐUR ÆVIKVÖLDI
ÞEIRRA
Tryggjum tekjur þeirra öldruðu.
Látum ekki verðbólguna bitna á
þeim lægst launuðu.
Leiftursókn gegn verðbólgu er
forsenda bættra lífskjara.
Samstaða okkar um stefnu Sjálf-
stæðisflokksins getur ráðið úrslitum
um lífskjör okkar allra.
Þú hefur áhrif—Taktu afstöðu!
SJÁLFSTÆÐISFLOKKURINN
Frelsi til framfara—Nýtt tímabil
■