Dagblaðið - 30.11.1979, Blaðsíða 34

42
DAGBLAÐIÐ. FÖSTUDAGUR 30. NOVEMBER 1979.
NORÐURLAND VESTRA
halda sínum feng
Norðurland vestra er talið til róleg-
heitakjördæma í pólitík. Þar blása
pólitiskir staðvindar árum saman, en
þó hefur gengið á með byljum einstaka
sinnum.
Framsóknarflokkurinn hefur lengi
verið sterkasta stjórnmálaaflið í kjör-
dæminu. Fylgi flokksins . hefur þó
rýrnað talsVert í gegnum tíðina. í
júnikosningunum 1959 fékk Framsókn
43.7% atkvæða og 3 menn kjörna.
1973 var fylgið 39% og Alþýðubanda-
lagið hirti mann af flokknum. Fylgis-
hlutfallið i kosningunum 1978 fór
niður í 32.4% og hefur ekki verið lægra
síðan 1956.
Sjálfstæðisflokkurinn hefur haldið
inni tveimur þingmönnum í gegnum
súrt og sætt og hlutfallsfylgið ekki
breytzt mikið allt frá því 1956. Þó
tapaði flokkurinn umtalsvert 1978 og
annar maður á D-listanum stóð tæpt.
Finn Torfa Stefánsson af A-listanum
vantaði aðeins 8 atkvæði til að fella
Eyjólf Konráð Jónsson.
Alþýðubandalagið bætti verulega
við sig í síðustu kosningum, fékk
21,4% atkvæða í stað 15,7% áður.
Hannes Baldvinsson skorti um 100 at-
kvæði til að hljóta kosningu sem
landskjörinn þingmaður.
Alþýðuflokkurinn bætti lika við sig,
fékk 13,6% í stað 8,2% áður. Finnur
Torfi, efsti maður á lista flokksins,
hlaut kosningu sem 2. landskjörinn
þingmaður.
Atli Runar
Halldórsson
Finnur Torfi
heldur sætinu
Búizt er við að Alþýðuflokkurinn
haldi að mestu fyrra fylgi i kjör-
dæminu og að Finnur Torfi komi til
með að sitja í þingsölum á ný innan
skamms. Hann þykir hafa haldið dável
á sínum spilum og höfðar meira til
vinstri manna í málflutningi sínum cn
margir aðrir frambjóðendur krata eru
þekktir fyrir að gera. Þá er til þess
tekið að Finnur Torfi á nokkur at-
kvæði í sveitum kjördæmisins og er
ekki að vita nema hann haldi þeim
áfram. Er óspart rifjað upp af hans
mönnum að drengur hafi haldið uppi
andófi innan þingflokks krata gegn
landbúnaðarstefnu þeirra. Meðal
bænda var þingflokkurinn þekktur
fyrir flest annað en vinskap við
framleiðendur mjólkur og smjörs.
Ólafur horf-
inn suður
Framboðslisti Framsóknar er að
þessu sinni Ólafslaus Jóhannessonar.
Undir forystu foringjans Ólafs, sem
þekktur er fyrir að brosa út í annað og
gefa svör í véfréttarstíl, tapaði
Framsókn drjúgt í kjördæminu. Nú
hefur Ólafur tekið hatt sinn og staf og
haldið í höfuðstaðinn. Þar ætlar hann
að raka fylgi að flokknum sínum.
Páll Pétursson á Höllustöðum tók
sæti Ólafs Jóhannessonar. Páll fór
fyrst á þing 1974. Hann er stúdent frá
Menntaskólanum á Akureyri 1957 og
hefur búið á Höllustöðum siðan.Páll á
sterka að i kjördæminu og flokkast
undir þá sem sagðir eru fæðast inn i
Framsóknarflokkinn, alast upp og lifa
með honum alla tíð. Fífilbrekkufram-
sóknarmenn eru þeir kallaðir í
Mývatnssveit sem svo er ástatt um.
Stefán Guðmundsson, fram-
ívæ'Aiáastjóri á Sauðárkróki, er i 2.
sætvlistai^, og þar með á þröskuldi
alþingis. Hann hefur setið á þingi sem
varamaður og er'auk-. þess sjóaður
sveitarstjórnarmaður. Stefán situr í
bæjarráði á Króknum.
Líklegt er að Framsókn tapi ekki
fylgi að þessu sinni í kjördæminu,
miðað við siðustu kosningar, og haldi
sínum tveimur mönnum. Stefán fer á
þing.
Eyjólfur Konráð
heldur sætinu
Þrjú efstu sæti á lista Sjálfstæðis-
flokksins eru óbreytt frá því í siðustu
Allir flokkamir
Efstu menn Sjálfstæðisflokks: Eyjólfur Konráð Jónsson, Pálmi Jónsson og Jón Asbergsson.
Óbreytt ástand
Spáin hljóðar því upp á óbreytt á-
stand í Norðurlandskjördæmi vestra í
kjölfar kosninga að því er varðar þing-
mannatölu. Að allir flokkar haldi
sínum feng. Ekki er hægt að merkja að
krappar pólitískar lægðir séu á kreiki í
kjördæminu —að minnsta kosti ekki
nógu krappar til að valda stórvægi-
legum breytingum. önnur kjördæmi
munu sjá um að ferja fylgi á milli
flokka í einhverjum mæli sem enginn
veit.
-ARH.
Efstu menn Alþýðuflokks: Finnur Torfi Stefánsson, Jón Karlsson og Jón Sæmundur
Sigurjónsson.
kosningum. Efstur á blaði er Pálmi
Jónsson á Akri. Hann hefur verið þing-
maður kjördæmisins síðan 1967 og tók
upp merki föður síns, Jóns Pálmasonar
á Akri. Jón á Akri sat á þingi í átta
kjörtímabil en féll fyrir kempunni Birni
Pálssyni á Löngumýri.
Eyjólfur Konráð Jónsson er í öðru
sætinu. Hann hefur verið kjördæma-
kjörinn þingmaður síðan 1974, þar
áður sat hann á þingi sem varamaður.
Eyjólfur Konráð er lögfræðingur að
mennt og ritstýrði Morgunblaðinu i ein
14 ár.
Heyra má einstaka óánægjuraddir í
röðum fylgismanna Sjálfstæðis-
flokksins með framboð Eyjólfs Kon-
ráðs. Þæreruekkiháværar.
Sjálfstæðismenn munu halda sínum
tveimur mönnum kjördæmakjörnum
og bæta við sig fylgi frekar en hitt.
Kratar skila atkvæðum til sjálfstæðis-
manna, sem þeir fengu lánuð síðast.
Alþýðubandalagið
vinnur ekki á
Alþýðubandalagið mun ekki eflast
að atkvæðafylgi i kosningunum.
Bandalagið fékk „framsóknarat-
kvæði” síðast frá fólki sem vildi hefna
sin á samstjórn Sjálfstæðis- og Fram-
sóknarflokk. Eitthvað af þeim mun
skila sér á ný í hlaðvarpann hjá Páli og
Stefáni.
Ragnar Arnalds er efstur á G-
listanum. Hann hefur verið kjördæma-
kjörinn þingmaður síðan 1971. Áður
var hann varamaður og þar áður lands-
kjörinn þingmaður. Ragnar er
innfluttur i kjördæmið frá Reykjavík.
Harinvarkennari og síðar skólastjóri í
Varmahlið.
Hannes Baldvinsson, framkvæmda-
stjóri á Siglufirði, er næstur Ragnari á
listanum. Hannes skorti um 100 at-
kvæði til að komast inn í hlýjuna á
þingi í síðustu kosningum. Hann
verður liklega að láta sér lynda að
standa úti í kuldanum áfram.
Efstu menn á lista Framsóknan Páll Pétursson, Stefán Guðmundsson, Ingólfur Guðnason og Bogi Sigurbjörnsson.
DB-myndir: Ómar Valdimarsson.

Efstu menn Alþýðubandalagsins: Ragnar Arnalds, Hannes Baldvinsson og Þórður
Skúlason.