Dagblaðið - 30.11.1979, Blaðsíða 32

40 DAGBLAÐIÐ. FÖSTUDAGUR 30. NÓVEMBER 1979.
Allir vissir með einn
barizt um þann fimmta
—gamla kjördæmaskipunin gengur Ijósum logum
Gamla kjördæmaskipunin hefur enn
mikil áhrif á röðun flokkanna í efstu
sæti listanna. í Vesturlandskjördæmi
þarf að taka tillit til Mýra- og Borgar-
fjarðarsýslu, Snæfellsnes- og Hnappa-
dalssýslu og Dalasýslu.
Leynivopn Fram-
sóknar og ítalskur
marmari
Þegar Halldór E. Sigurðsson hætti
þingmennsku færðist Alexander
Stefánsson i Ólafsvík upp í hans sæti.
Dagbjört Höskuldsdóttir i Stykkis-
hólmi hafði keppt við hann um sætið í
prófkjöri en laut í lægra haldi. Hún er
annars frambærileg, ung og hress
kona.
í öðru sæti hjá framsóknarmönnum
er 32 ára gamall bóndi úr Borgarfirði,
Davíð Aðalsteinsson á Arnbjargarlæk.
Halldór E. sagði á fundi um daginn að
hann hefði geymt Davið í biðstöðu eins
og leynivopn. Davíð er góður bú-
maður, háskólamenntaður kennari,
sem stundaði sjó frá Akranesi. Þar hitti
hann konu sína og búa þau nú í sam-
býli með föður Davíðs og bróður.
Afi Davíðs var Davið á Arnbjargar-
læk, bróðir Þorsteins Dalasýslumanns
Þorsteinssonar. Til hans var farið með
tigna gesti til þess að sýna þeim hvernig
byggt væri á íslandi til sveita. Davíð
hafði innanhúsströppur úr ítölskum
marmara. Hann var talinn rikur.
í þriðja sæti listans er Jón Sveinsson,
fulltrúi bæjarfógetans á Akranesi, 29
ára,. og í 4. sætinu Haukur Ingibergs-
son, skólastjóri Samvinnuskólans að
Bifröst. Þetta framboð er sterkt. Lætur
það baráttuna til sín taka um annan
þingmanninn i átökum við Sjálfstæðis-
flokkinn. Góö samstaða er sögð um
lista framsóknarmanna i Vesturlands-
kjördæmi.
„Þið munið hann
Jónas" — hættur en
ekki farinn
Jónas Árnason lætur nú af þing-
mennsku. Hann hefur bætt við fylgi
Alþýðubandalagsins jafnt og þétt.
Skúli Alexandersson á Heliissandi
hefur verið i 2. sæti listans. Hann er nú
i efsta sætinu og öruggur með kosn-
ingu. Skúli er ekki innfæddur í kjör-
dæminu en hefur búið þar og starfað í
um 30 ár. Mörg undanfarin ár hefur
hann verið oddviti Neshrepps utan
Ennis og tekið virkan þátt í athafna- og
félagslífi.
Bjarnfriður Leósdóttir á Akranesi er
eðlilegt framboð og kemur ekki á
Bjarnfrióur Leósdóttir.
óvart. Hún hefur látið mjög að sér
kveða í forystu launafólks. Um skipun
hennar i 2. sætið er sagt að sitt sýnist
hverjum. Það er að minnsta kosti ekki
logn í kringum hana.
í 3. og 4. sætinu eru skólamennirnir
Sveinn Kristinsson, skólastjóri í Lauga-
gerði, og Rikharð Brynjólfsson, kenn-
ari á Hvanneyri. í 5. sætinu er Engil-
bert Guðmundsson, ungur konrektor
Fjölbrautaskólans á Akranesi, tengda-
sonur Jónasar Árnasonar. Ef hann
festir rætur á Akranesi á eftir að heyr-
ast frá honum aftur, þótt síðar verði.
G-listinn gæti tapað einhverjum at-
kvæðum á Vesturlandi nú þegar Jónas
Árnason hættir, en sætið er tryggt eins
og fyrr segir.
Friðjón Þórðarson er sem fyrr í efsta;
sæti D-listans. Hann þarf ekki að
kynna. Friðjón er vandaður maður til
orðs og æðis, farsæll embættismaður
og mannasættiri Það standa ekki
stormar um Friðjón en hann er viss um
Dagbjört Höskuldsdóttir.
Guómundur Vésteinsson.
þingsæti og líklegur til trúnaðarstarfa í
flokki sínum og á Alþingi.
Jósef Þorgeirsson er lögfræðingur
eins og Friðjón. Innfæddur Akurnes-
ingur af gróinni flokksfjölskyldu.
Hann var ritari á síðasta þingi og þótti
glöggur oggætinn.
Lögfræðingur og
Flensborgari
Hann er 43 ára gamall, fram-
kvæmdastjóri í Dráttarbraut Akraness
og Vélsmiðju Þorgeirs og Ellerts á
Akranesi. Valdimar Indríðason er í 3.
sæti listans. Hann er almennt talinn
sterkara framboð en Jósef. Valdimar er
borinn og barnfæddur Akurnesingur.
Hann er Flensborgarmenntaður og fór
svo í iðnskóla og vélskóla. Hann hefur
starfað sem vélstjóri á bátum og togur-
I Gunnar Mir Krístófersson.
um. Var víkingur til vinnu og góður
félagi. Hann er harðsæknasti maður
listans, í góðum tengslum við verkafólk
sem framkvæmdastjóri Síldar- og fiski-
mjölsverksmiðjunnar.
Gamla kjördæma-
skipunin ekki
gleymd
Óðinn Sigþórsson í Einarsnesi og
Davið Pétursson á Grund í Skorradal
eru báðir góðir fulltrúar sinnar stéttar,
virtir bændur og álitlegir menn á hvaða
lista sem væri í Borgarfirði.
Enda þótt Friðjón sé vinsæll á Snæ-
fellsnesi og i Dölum er hætt við að Iist-
inn eigi i vök að verjast i þorpunum
undir Jökli. Þótt mannval sé gott á
Akranesi, þá er eins og gamla kjör-
dæmaskipunin gangi ljósum logum
afturgengin um allt land. Þetta kann að
ráða úrslitum um það hvor hlýtur 5.
manninn, Framsóknarflokkur eða
Sjálfstæðisflokkur.
Sjónvarpsstjarnan
náði strax sambandi
Eiður Guðnason vann einn mesta
kosningasigur Alþýðuflokksins í
síðustu kosningum. Hann kom í
leiftursókn í kjördæmið. Þekkt andlit á
hverju heimili úr margra ára sjónvarps-
starfi. Hann vann hug og hjörtu
kvenna og ungs fólks. Eiður er harð-
duglegur og náði strax sambandi við
kratakjarnann i kjördæminu, sem var
dálítið farinn að láta á sjá og þreytu-
legur eftir seigdrepandi tap undanfar-
inna ára. Eiður blés lifsanda í flokkinn.
Eiði er spáð öruggu kjöri en þó ekki
með sama ljóma og síðast, en naumst í
fallhættu. Sú breyting er varasömust
fyrir Eið að Bragi Níelsson, læknir á
Akranesi, gefur ekki kost á sér i 2.
sætið aftur. Þegar ljóst var að Bragi
var inni á þingi eftir síðustu kosningar
er sagt að hann hafi ráðgazt við lög-
fræðing og spurt hvort hann þyrfti að
sitja á þingi. F^ann ætlaði sér aldrei á
þing. Slíkur maður er líklegur til að
eiga jafnmikið erindi og þeir sjálfsögðu
að eigin mati. Bragi er í 9. sæti listans
og Guðmundur G. Hagalín rithöf-
undur í 10.
Gunnar Már Kristófersson, for-
maður Alþýðusambands Vesturlands,
er í 2. sæti. Hann er frambærilegur,
maður og skammlaust framboð. Hannl
er jarðtengdari í héraðinu en Eiður.
Þeir eru býsna líklegir til að halda stöð-
unni meö Guðmund Vésteinsson
bæjarfulltrúa á Akranesi, í 3. sæti.
Alþýðuflokkurinn er viss með að fá
kjörinn mann. Hitt er meiri, óvissa
hvort honum leggst til að ráði meira lið
en til þess þarf.
- BS
Alexander Stefánsson, Haukur Ingibergsson, Jón Sveinsson og Davfó Aðalsteins-
son.
Jósef Þorgeirsson.
Fríðjón Þórðarson.
Eiðnr Guðnason.
SkúU Alexandersson.