Ársrit Ræktunarfélags Norðurlands - 01.01.1970, Blaðsíða 86

verði minnst kr. 1000,00, og mundi það eitt, miðað við
þau tillög, sem nú eru, auka tekjur um 1,3 millj.
c) Stóraukið skýrsluhald gefur einliverjar tekjur.
d) Eitthvað af þeim framlögum, sem hreppabúnaðarfé-
lögin fá nú ætti að renna til búnaðarsambandanna.
Fleira getur komið til, en gæti þetta gengið, er vandinn
yfirunninn að mestu, hvað fjárhagnum viðkemur. Læt ég
máli mínu þar með lokið.
Allmiklar umræður urðu um erindi Egils, en ekki var um
teljandi ágreiningsatriði. Kosin var nefnd til þess að gera
tillögur í málinu. Voru kosnir þeir F.gill Bjarnason, Grímur
Jónsson og Ævarr Hjartarson. Fundarhlé var gefið rneðan
nefndin starfaði.
Að loknum nefndarstörfum var fundur settur að nýju og
eftirfarandi tillögur lagðar fyrir fund og samþykktar:
„Fundur héraðsráðnauta í Norðlendingafjórðungi, hald-
inn á Akureyri 29. okt. 1970 telur aðkallandi að stórauka
leiðbeiningaþjónustu í landbúnaði á vegum búnaðarsam-
bandanna frá því sem nú er.
í því sambandi bendir fundurinn á eftirfarandi:
1. Héraðsráðunautum verði fjölgað það mikið, að starf-
andi sé einn héraðsráðunautur fyrir hverja 100 bændur.
2. Héraðsráðunautar annist ekki framkvæmdastjórn fyrir
Ræktunarsambönd en sinni öðrum þjónustustörfum, er til
falla vegna framkvæmda ýmissa laga, er landbúnaðinn varða.
3. Héraðsráðunautar verði starfsmenn viðkomandi bún-
aðarsambands og stjórn hvers sambands ákveði vinnutilhög-
un þeirra.
4. 65% kostnaðar af ráðunautaþjónustu búnaðarsam-
bandanna (laun, ferðakostnaður og skrifstofuhald) greiðist
úr ríkissjóði. Annar kostnaður greiðist af viðkomandi bún-
aðarsamböndum.
Sem leiðir til tekjuöflunar fyrir samböndin má benda á
eftirfarandi:
89