Ársrit Ræktunarfélags Norðurlands - 01.01.1980, Page 2

valinn sem skólastaður. Björn ásamt nokkrum nánum sam-
starfsmönnum lögðu mikið í sölurnar til þess að þessi draum-
ur þeirra yrði að veruleika. Það má því hugsa sér vonbrigði
þeirra þegar áhuginn reyndist ekki meiri en svo, að aðeins
einn nemandi hafði áhuga á að njóta leiðsagnar skólans á
fyrsta starfsári hans.
Þá er ekki að efa að nýskipaður skólastjóri hefur þurft kjark
og þor til að hefja skólastarfið með þessar undirtektir.
En mjór er mikils vísir og brátt tók skólinn að vaxa bæði
hvað snerti fjölda nemenda og önnur umsvif í
búnaðarmálum.
A fyrstu árum skólans hvíldi starfsemi hans að miklu leyti á
herðum skólastjóra hans. I upphafi valdist til skólastjóra
Sveinn Sveinsson frá Firði í Mjóafirði. Var þar um að ræða
einn best menntaða mann á sviði búfræði á þeim tíma. Sveins
naut stutt við og urðu áhrif hans sem skólastjóra minni en
menn höfðu gert sér vonir um. Hann andaðist 4. maí árið
1892, réttum þremur árum eftir að skólastarf hófst á Hvann-
eyri. Fyrsti kennari var ráðinn að Hvanneyri árið 1891, Ólaf-
ur Jónsson frá Hítarneskoti í Hnappadalssýslu. Hann var
búfræðingur frá Ólafsdal. Að Sveini Sveinssyni látnum var
honum falin skólastjórn þar til öðruvísi yrði ákveðið. Það kom
í hlut Ólafs að útskrifa fyrstu búfræðinga frá Hvanneyri, voru
þeir 5 að tölu.
Árið 1894 er staða skólastjóra auglýst laus til umsóknar og
er Hjörtur Snorrason frá Magnússkógum í Dalasýslu ráðinn
skólastjóri. Hjörtur var skólastjóri í 13 ár eða til 1907 og vann
hann mjög ötullega að því að efla skólann og byggja upp
staðinn.
Hann vann staðnum gífurlega fyrstu árin sem hann var
skólastjóri og nánast gjörbreytti skólanum. Hann byggði upp
skólahús og útihús og standa sum þeirra enn í dag.
Ekki fer hjá því að verk hans skiptu sköpum um framtíð
skólans og urðu til þess að reisa varanlega merki Hvanneyrar
sem menntastofnunar.
Alls voru 55 nemendur í skólanum fyrstu 18 starfsár hans.
Einu sinni sótti enginn um skólavist (1896). Einnig varð að
4