Ársrit Ræktunarfélags Norðurlands - 01.01.1980, Page 8

um 1910-1915. Með tilkomu tilraunastarfseminnar jókst
þörfin fyrir útgáfustarfsemi. Einnig skapaðist meira svigrúm
til endurnýjunar kennslubóka þegar starfsmönnum fjölgaði.
Utgáfa bóka og niðurstaðna tilrauna varð því smám saman
öflugri þáttur í starfsemi skólans og renndi frekari stoðum
undir tilvist búvísindadeildarinnar hér.
A skólastjóraárum Guðmundar fluttist hingað starfsemi
sem var í meira eða minni tengslum við skólann. Starfsemi
sem í heild efldi stofnunina og stuðlaði að eflingu námsins
einkum búvísindanámsins.
I framhaldi af þessum áföngum var í skólastjóratíð Guð-
mundar Jónssonar hafist handa um að byggja upp skólahús-
næði, sem hæfði þeim tvíþætta skólarekstri sem hér fer fram.
Framkvæmdir hófust í smáum stíl 1965. Þetta húsnæði er enn
í byggingu og miðar því samkvæmt áætlunum og
fjárveitingum.
Guðmundur Jónsson var skólastjóri til ársins 1972 eða í 25
ár og hafði er hann lét af störfum verið starfsmaður skólans
um 45 ára skeið eða lengur en nokkur annar frá fyrstu tíð.
Guðmundur mun hafa útskrifað fleiri búfræðinga en
nokkur annar skólastjóri þessa skóla.
Þegar hann kvaddi hafði hann unnið sigur í sínu mesta
baráttumáli, sigur sem var staðfestur með nýjum búfræðslu-
lögum, sem samþykkt voru á Alþingi vorið 1978. Búvísinda-
deildin var staðreynd sem háskólanám í búfræði.
Árið 1972 urðu svo skólastjóraskipti og við tók undirritað-
ur. Á þeim 7 árum sem liðin eru hafa verkefnin fyrst og fremst
beinst að því að vinna áfram á þeirri braut sem þegar var
mörkuð. Merkustu áfangarnir auk nýrra búfræðslulaga eru
sennilega samþykkt aðalskipulags fyrir staðinn og opnun
bókasafnsins í húsnæði sem skapar eðlilega vinnuaðstöðu
skóla og stofnun sem sinnir menntun og rannsóknum.
Góðir gestir.
Eg hef stuttlega rakið 90 ára sögu Bændaskólans á
Hvanneyri.
Þegar horft er til baka er eðlilegt að spurt sé hvort stofnunin
10