Frjáls verslun - 01.11.1967, Qupperneq 4

VIÐSKIPTAHEIMURINIM
ARABALÖND Stjórnarbylting kann að vera í aðsigi í Alsír. Boumédienne, sá sem tók við völdum eftir fall Ben Bella (hann situr í fangelsi), er talinn í hættu. Fyrrverandi stuðningsmenn Boumédienne hafa snúizt gegn hon- um, og herforingjar sagðir á báðum áttum. Alsír hefur verið helzti máttarstólpi Sovétríkjanna í Austurlöndum nær. í Suður-Arabíusambandinu, þaðan sem Bretar eru nú á förum, hef- ur þjóðernissinnahreyfingin NjLF náð yfirhöndinni í baráttunni við FLOSY-hreyfinguna. Herinn í S.-Arabíu hefur viðurkennt NLF, og er FLOSY, talin fjarstýrð frá Kairó, því líklega úr leik.
BANDARÍK3N Gengisfalli sterlingspundsins hefur verið tekið sem nauðsynlegri ráðstöfun í U.S.A., er fyrir löngu var orðin brýn. Þrátt fyrir nokkra efnahagserfiðleika virðist staða dollarans trygg í bili. Meðal væntan- legra forsetaframbjóðenda er Nixon á uppleið. Gallup-skoðanakannanir sýna, að Nixon myndi sigra bæði Johnson eða Robert Kennedy, ef kosningar yrðu haldnar nú.
BÓLIVÍA Landsmenn virðast ekki ginkeyptir fyrir byltingu. „Che“ Guevara, sem þangað var kominn til skæruhernaðar, er fallinn, og hreyfing hans talin kæfð í fæðingu. „íbúarnir hér eru með afbrigðum ósamvinnu- þýðir,“ skrifaði „Che“ sálugi í dagbókina.
BRETLAND Bjartara útlit framundan, segja efnahagssérfræðingar, eftir geng- isfallið. Nýja gengisskráningin á að auðvelda Bretum inngöngu í EBE og efla útflutninginn. Stórfelldar lántökur hjá alþjóðlegum peninga- stofnunum eru fyrirhugaðar.
FRAKKLAND Gengi frankans er tryggt. De Gaulle er sagður við sama heygarðs- hornið um aðild Breta að EBE. Gengisfelling pundsins var þó eitt af skilyrðum Frakka fyrir inngöngu. Andófið gegn Bretum verður nú erfiðara. Concorde farþegaþotan, sem þessar þjóðir hafa unnið að sam- eiginlega, kann að enda, sem alfrönsk framleiðsla. Fyrsta reynsluflug er áætlað í febrúar. Bretum er sagður ofbjóða kostnaðurinn, 1,5 millj. dollara til þessa, og söluhorfur eru slæmar.
ÍSRAEL ísraelsmenn eru æfir út í de Gaulle. Frakkar neita að afgreiða pönt- un á 50 Mirage orustuþotum, sem gerð var löngu fyrir „sex daga stríð- ið“. Tilgangur de Gaulle er að efla áhrif sín í Arabalöndum.
KÚBA Enn ætlar Kastró að ylja Bandaríkjunum undir uggum. Tvö hundr- uð blökkumenn eru nú sagðir þjálfaðir í byltingarskólum á Kúbu. Kennslugreinar eru skæruhernaður, skemmdarverk og áróðursstarf- semi. Sambúðinni við Sovétríkin hefur enn hrakað.