Frjáls verslun - 01.11.1967, Blaðsíða 7

FRJÁL^ VER2LUN
7
ÚR ÞINGSÖLUM
Alþingi og efnahagsmálin
Störf Alþingis hafa mótazt af umrœðum um efnahagsmálin. Miklar
samningsumleitanir áttu sér stað milli ríkisstjórnarinnar og verka-
lýðshreyfingarinnar. Báðir aðilar settu fram tilboð sín. en samningar
náðust ekki. Staða ríkisstjómarinnar hefur breytzt, og hugmyndir um
þjóðstjórn virðast óraunhœfar.
Sennilega er nokkuð langt síð-
an íslenzka þjóðin hefur beðið
setningar Alþingis með jafnmikilii
eftirvæntingu og nú í haust, er 88.
löggjafarþing íslendinga kom sam-
an til funda.
Sú staðreynd mun hafa verið
flestum Ijós, að íslendingar hafa
á undanförnu ári orðið fyrir mörg-
um mjög alvarlegum efnahags-
áföllum. Til dæmis nægir að
nefna eina lélegustu vetrarvertíð
frá aldamótum, mikið verðfall á
helztu útflutningsvörum, miklu
minni og torfengnari síldarafla og
lokaðan skreiðarmarkað í Ní-
geríu. Er talið, að útflutningsverð-
mætið verði allt að 1/3 minna í
ár en á árinu 1966.
Áföllin hafa þó ekki komið al-
varlega við þjóðina hingað til,
nema þá helzt í þeirri mynd, að
nokkuð hefur dregið úr yfirvinnu.
Helzta ástæða þess, að menn hafa
orðið lítið varir örðugleikanna, er
góð afkoma ríkissjóðs á árinu
1966, sem gerði kleift að greiða
verulega niður nokkrar vöruteg-
undir og enn fremur, og þá ekki
síður, að á undanförnum árum
hefur tekizt að byggja upp all
myndarlegan gjaldeyrisvarasjóð,
sem reynzt hefur hornsteinn
frjálsrar verzlunar í landinu, auk
þess að skapa viðskiptalegt traust
út á við. Eitt ljósasta dæmið um,
hvað erfiðleikarnir eru lítið farn-
ir að segja til sín hjá almenningi,
er það, að ekki hefur dregið neitt
úr innflutningi til landsins síðustu
mánuðina, — nema síður sé, og
gefur því auga leið, að sífellt hef-
ur gengið á gjaldeyrisvarasjóðinn.
SKIÓTRA ÚRRÆÐA
ÞÖRF.
Þau atriði, er hér hafa verið rak-
in, gerðu öllum ljóst, að þörf var
skjótra úrræða, enda höfðu ráð-
herrar boðað á félagsfundum, að
kveðið yrði upp úr um úrræði rík-
isstjórnarinnar, þegar Alþingi
kæmi saman.
Þegar svo forsætisráðherra,
Bjarni Benediktsson, flutti stefnu-
yfirlýsingu ríkisstjórnarinnar á
þriðja starfsdegi Alþingis, var
hvert sæti skipað á áheyrendapöll-
um Alþingis, en slíkt er næsta
fátítt.
GREIÐSLUHALLALAUS
FJARLÖG.
Fyrirfram höfðu menn bollalagt
mikið um þær ráðstafanir, sem
ríkisstjórnin mundi grípa til og
flestir verið sammála um, að húr.
myndi leggja mikið kapp á að af-
greiða greiðsluhallalaus fjárlög.
Slíkt kom einnig á daginn. Það
hefur komið fyrir hérlendis, að
fjárlög hafa verið afgreidd með
svo og svo miklum greiðsluhalla,
ogreynslan, sem af því hefurfeng-
izt, sannar þjóðinni það, að slíkt
er ekki farsælt. Um hitt má svo
deila endalaust, hvort ríkisstjórn-
in hafi valið réttu leiðina í að-
gerðum sínum. Sýnist þar eðlilega
sitt hverjum.