Frjáls verslun - 01.11.1967, Qupperneq 31

FRJALS VERZLUN
31
SAMGÖNGUR — FLUTNINGAR
VÖRUFLUTNINGAR
Á LANDI
Mikil aukning á síðustu árum
Vöruflutningar með stórum yfirbyggðum flutningabifreið-
um hafa færzt mjög í vöxt á undanförnum árum. Flutninga-
magnið hefur aukizt hröðum skrefum með vaxandi viðskiptum
og bifreiðarnar hafa stækkað. Þróunin hefur einnig' orðið sú, að
í stað þess, að eigendur flutningabifreiða voru hver út af fyrir sig
eða sárafáir saman, þá hafa þeir nú tekið höndum saman og
niyndað miðstöðvar fyrir flutning'ana.
Ein slík miðstöð hefur nú starfað í rúmlega sex ár, Vöruflutn-
ingamiðstöðin h.f. við Borgartún. Þar er að rísa mikil miðstöð
vöruflutninga með vörugeymslum og skrifstofum og annarri
nauðsynlegri aðstöðu.
Framkvæmdastjóri Vöruflutningamiðstöðvarinnar er Isleifur
Runólfsson og átti fréttamaður F.V. stutt viðtal við hann.
28 ÞTJS. TONN.
— Hvað standa margir að Vöru-
flutningamiðstöðinni, ísleifur?
— Þeir eru nú 19, en voru 12
þegar miðstöðin tók til starfa.
— Og bílarnir?
— Þeir voru 15, en eru nú 42,
allt 8, og 9 tonna bílar. Upphaflega
voru bílarnir mest 7 tonn.
— Hvað flytjið þið mikið magn
árlega?
— Á síðasta ári fluttum við um
það bil fimmfalt það magn, sem
við fluttum fyrsta árið, er Vöru-
flutningamiðstöðin starfaði. Árið
1961 fluttum við um 6000 tonn, en
fluttum á síðasta ári um 28 þús-
und tonn.
— Hvað flytjið þið aðallega?
— Við flytjum allar algengar bú-
vörur, svo sem sekkjavöru, bygg-
ingavörur, búsáhöld, kaffi ograun-
ar allt, sem til fellur.
FARA A 42 STAÐI A
LANDINU.
— Hvernig skipuleggið þið ferð-
irnar?
— Við höfum yfirleitt ekki fast-
ar áætlunarferðir, heldur skipu-
leggjum við ferðirnar í samræmi
við flutningaþörfina hverju sinni.
Við förum á 42 staði á landinu,
tvær til sex ferðir á hvern stað
vikulega. Undanfarin ár hefur
flutningaþörfin verið mest á Aust-
firði vegna síldarinnar. En við
flytjum einnig gífurlega mikið
vestur á firði. Og svo eru stöðug-
ar ferðir í nærliggjandi bæi og
sveitir á Suðurlandi og Suðvestur-
landi.
— Hvernig líkar viðskiptavin-
um þjónustan?
— Ég tel, að þeim líki hún mjög
vel. Það er sjaldgæft, að varan
skemmist hjá okkur. Við sækjum
vöruna til heildsala þeim aðkostn-
aðarlausu og ökum henni að búð-
ardyrunum hjá viðtakanda. Stund-
um förum við einnig út af alfara-
leið heim á bæina til bændanna,
ef um eitthvert vörumagn er að
ræða og tökum litið eða ekkert
fyrir það. Allt þetta þykir mörg-
um kostur umfram flutninga með
skipum.