Frjáls verslun - 01.11.1967, Side 51

FRJÁLS' VERZLUhí
51
RONALD REAGAN
STJARNA Á UPPLEIÐ
Undirtektir manna voru misjafnar þegar Ronald
Reagan, fyrrum kvikmyndastjarna, bauð sig fram
til fylkisstjóraembættis í Kaliforníu. Andstæðing-
ar reyndu að kenna hann við alræmd ofstækissam-
tök og sögðu reynsluleysi gera hann óhæfan til að
gegna embættinu. En Reagan fór með glæsilegan
sigur af hólmi, og nú eru úrtöluraddirnar þagnað-
ar.
Forsetaframbjóðandi. Ekki virðist frami Reagans
bundinn við fylkisstjórnina eina. Óeirðirnar í
bandarísku borgunum í sumar urðu enn til að
varpa ljósi á hann, enda kom ekki til neinna meiri-
háttar skrílsláta í stórborgum Kaliforníu. Hægri
armur Republikanaflokksins lítur nú á Reagan
sem leiðtoga sinn, og nafn hans er á allra vörum
sem líklegs frambjóðanda í forsetakosningunum.
Baráttan um frambjóðanda flokksins hefst með
prófkjöri í fylkinu New Hampshire í marz n.k.
Kannanir sýna þar yfirgnæfandi fylgi Nixons. Er
Romney aðeins hálfdrættingur á við Nixon eftir
,,heilaþvottinn“.
í apríl á svo að fara fram prófkjör í fylkjunum
Wisconsin og Nebraska. Sama er þar uppi á ten-
ingnum. Nixon hefur forystuna, en öruggt er talið,
að Reagan gæti í báðum fylkjunum höggvið langt
inn í raðir hans.
Möguleikar Nixons til útnefningar eru taldir
grundvallast á því, að hann geti með miklum próf-
kjörssigrum losnað við ósigursorðið. Það furðar
því engan, að Nixon leggur höfuðáherzlu á að
halda Reagan utan þeirra. Hvernig sem það tekst,
er víst, að Reagan mun eiga marga stuðningsmenn
á flokksþinginu, þar sem forsetaframbjóðandi verð-
ur útnefndur. En styrkur Nixons liggur einnig íþví,
að Reagansinnar geta fremur fallizt á hann sem
frambjóðanda en aðra, er til greina koma. Undir
stuðningi Reagans og manna hans kunna því póli-
tísk örlög Richard Nixons að vera komin.
Stjórnlagni. Þann stutta tíma, sem Reagan hefur
verið við stjórnvölinn, þykir honum hafa tekizt tii
með ágætum. í stjórnartíð Demókrata í Kaliforníu
varð 194 milljóna dala fjárhag'shalli. Hallinn hefur
nú verið jafnaður, og tókst Reagan þar að eiga
betri samvinnu við demókratiskan meirihluta fylk-
isþingsins en menn óraði nokkru sinni fyrir.
Niðurskurður skrifstofubákns. Stofnanir fylkis-
ins hafa verið endurskipulagðar og sumar hrein-
iega lagðar niður. Athygli vakti fyrir skömmu, að
Reagan lét afturkalla allar pantanir á nýjum bif-
reiðum fyrir fylkisstarfsmenn. Herti hann einnig
að mun reglur um notkun slíkra bifreiða.
í stað þess, að prenta ný umslög fyrir fylkis-
stjóraembættið lætur hann vélrita yfir nafn fyrir-
rennara síns Pat Browns. Er þetta í samræmi við
kosningaræður Reagans, þar sem hann lofaði sparn-
aði á öllum sviðum. Barátta hans þótti þá skera
sig frá venjulegum atvinnustjórnmálamönnum,
hvað snerti einlægni og hreinskilinn málflutning.
Vaxandi vinsældir. Til að standa straum af fjár-
lögum, er Reagan hlaut i arf frá Pat Brown, varð'
hann að hækka skatta um tæpa billjón dala. Við
skattahækkunina hélt Reagan sjónvarpsræðu og
útskýrði fyrir kjósendum, hvað lægi henni til
grundvallar. Skoðanakönnun stuttu eftir ræðuna
sýndi, að 74% kjósenda studdu nú Reagan eða 8%
fleiri en í síðustu könnun þar á undan.
NORRÆNN BYGGINGARDAGUR
Dagana 26.—28. ágúst 1968 verður haldinn í
Reykjavík norrænn byggingardagur, hinn 10. í röð-
inni. Þessi samtök eru meðal hinna fjölmennustu
á Norðurlöndum, byggð upp af fagfélögum, sam-
tökum í verzlun og byggingariðnaði, ásamt stjórn-
völdum ríkis- og sveitarfélaga. Eru sameiginlegar
ráðstefnur haldnar þriðja hvert ár, til skiptis í
löndunum fimm, og verkefni þeirra eru helztu
vandamál byggingariðnaðarins á hverjum tíma og
þróun byggingarmála.
Fyrsti norræni byggingardagurinn var haldinn í
Svíþjóð árið 1927, en ísland gerðist þátttakandi í
samtökunum árið 1938, en þá var ráðstefnan haldin
í Osló. Eftir síðustu heimsstyrjöld hafa ráðstefnur
N.B.D. verið haldnar í öllum höfuðborgum Norður-
landa, annarra en íslands, og auk þess í Gautaborg
árið 1965. Er það fyrst nú, að aðstæður eru til þess
að halda jafnstóra ráðstefnu hér á landi, en þátttak-
endur hafa jafnan verið milli eitt og tvö þúsund.
Á ráðstefnunni í Reykjavík á næsta ári er gert ráð
fyrir, að 1000 þátttakendur mæti, en af þeim verði
7—800 frá hinum Norðurlöndunum fjórum. Hverri
ráðstefnu er valið ákveðið verkefni til að fjalla um.
Þannig var verkefni N.B.D. í Kaupmannahöfn 1961
Iðnvæðing byggingariðnaðarins og í Gautaborg
1965 Endurbygging bæja. Aðalverkefni hins 10.
byggingardags hér hefur verið nefnt Húsakostur.
Fer erindaflutningur og umræður fram í Háskóla-
bíói fyrir hádegi ráðstefnudagana.