Frjáls verslun - 01.05.1968, Blaðsíða 39

FRJÁLS VERZLUN
35
FRAMLEIDSLA EFNAHAGS-
BANDALAGSiNS VEX
Á meðfylgjandi töflu sést,
hversu mjög efnahagslíf Efnahags-
bandalagsríkjanna sex og þá sér-
staklega Vestur-Þýzkalands hefur
náð sér að nýju eftir afturkipp
þann, sem varð á síðasta ári.
Fyrri hluta þessa árs hélt iðnaðar-
framleiðsla Efnahagsbandalagsins
áfram að aukast mjög hratt og í
flestum aðildarríkjunum virtist
eftirspurn erlendis frá, þar með
talið frá öðrum EBE-ríkjum, fara
vaxandi.
Iðnaðarframleiðslan hélt áfram
að vaxa á Ítalíu og útflutningur
þaðan jókst verulega, einkum til
Vestur-Þýzkalands. í Hollandi
jókst iðnaðarframleiðslan enn
hraðar en áður. Einnig í Frakk-
landi var aukning iðnaðarfram-
leiðslunnar stöðug, einkum á vél-
um, efnavörum og stáli, alit fram
að þeim tíma, er stjórnmála-
ókyrrðin og verkföllin þar í landi
hófust í vor. f Belgíu og Luxem-
bourg varð lítils háttar aukning,
sem var fyrst og fremst að þakka
betri sölu á heimsmarkaðinum á
stáli og endurnýjun á stálbirgðum
innan Efnahagsbandalagsins.
í Vestur-Þýzkalandi var aðal-
ástæðan fyrir iðnaðarvextinum
hins vegar eftirspurn innanlands,
enda þótt stöðug aukning útflutn-
ingsframleiðslunnar ætti þar all-
mikinn þátt. Á síðasta ársfjórð-
ungi síðasta árs jukust pantanir
á iðnaðarvörum í landinu sjálfu
um nær 10% frá næsta ársfjórð-
ungi á undan. Enn fremur jukust
pantanir erlendis frá á vörum til
útflutnings um 3% á sama tíma.
IÐNAÐARFRAMLEIÐSLAN FARI
ENN VAXANDI.
Iðnaðarframleiðendur innan
Efnahagsbandalagsins eru sann-
færðir um, að iðnaðarframleiðslan
muni halda áfram að aukast hratt
á næstu mánuðum. Er þetta byggt
á síðustu skoðanakönnun Fram
kvæmdaráðs Efnahagsbandalags-
ins um viðskiptahorfur í fimm af
sex löndum bandalagsins.
í skýrslunni um þessa skoðana-
könnun kemur fram, að batnandi
horfur í efnahagslífi hafi einkum
verið skýrar í Vestur-Þýzkalandi,
en í skýrslunni eru lögð til grund-
vallar svör frá fyrirtækjum, sem
veitt voru mánaðarlega við spurn-
ingum um rekstur þeirra á tíma-
bilinu október 1967 til janúar
1968. Voru fyrirtækin þar m. a.
spurð um fyrirliggjandi pantanir
til þeirra á vörum og um áætlanir
þeirra varðandi framleiðslu á
næstunni. í Frakklandi byggðist
bjartsýni einkum á pöntunum á
vörum til útflutnings. í skýrslunni
greinir frá enn frekari aukningu
iðnaðarframleiðslu á Ítalíu og er
það ekki hvað sízt að þakka vax-
andi eftirspurn erlendis frá á iðn-
aðarvörum landsins. Gert var ráð
fyrir, að iðnaðarframleiðslan þar
myndi vaxa talsvert á næstu mán-
uðum.
Minni bjartsýni ríkti varðandi
Belgíu og Luxembourg. í skýrsl-
unni var talið, að framleiðsluhorf-
ur í Belgíu myndu fara aðeins
batnandi á næstunni. Hvað Lux-
embourg snerti, kom fram, að
heildarpantanir á iðnaðarvörum
þar voru aðeins minni en áður og
þess sáust merki, að atvinna
myndi minnka. Engu að síður var
gert ráð fyrir, að framleiðslan þar
myndi halda áfram að vera mikil.
ÍTALÍA
HOLLAND
ÞfZKALAND
FRAKKLAND
BELCrÍA
LUXEMBOURG