Frjáls verslun - 01.07.1968, Blaðsíða 13

FRJALS VERZLUN
11
eru upp í kommúnisma frá blautu
barnsbeini, reiðast við slíku heiti
og fela það. — Nei, það er kominn
tími til, að kommúnistar standi
einir. En þeir halda áfram að toga
og toga í einhvern, sem unnt er
að hafa fyrir framan sig. Og nú er
það meðal annars Gils Guðmunds-
son. Þeir munu segja með mikilli
vandlætingu: Ekki er hann Gils
kommúnisti — og nú stendur ekki
eggjárn á milli Guðmundanna og
Gils (hér á Hannibal við Guð-
mund Hjartarson og Guðmund
Vigfússon).
— Nei, nú skal verða uppgjör
— segir Hannibal. Fjöldi sann-
færðra kommúnista á íslandi í
dag er að minni hyggju einhvers
staðar á milli 2000 og 2500. Mikil
togstreyta á sér nú stað vegna
flokksstofnunarinnar. Einar Ol-
geirsson mun sjálfsagt ætla að
gera draumaprins sinn, Ragnar
Arnalds, að formanni flokksins,
og svo er Lúðvílc Jósefsson og co.
— Þið spyrjið, hvað sé fram-
undan? — Ég er nú sjálfur orðinn
hálfsjötugur og ég er ráðinn í að
gefa ekki kost á mér aftur sem
forseti ASÍ. Nú er yngri mannanna
að taka við. En á pólitíska sviðinu
höfum við um þrennt að velja. I
fyrsta lagi að hætta, í öðru lagi
að reyna á fylgi okkar og bjóða
fram í öllum kjördæmum, og þa
skal slagur standa, eða í þriðja
lagi leita málefnalegrar samstöðu
við þær þjóðmálaheildir, sem nú
starfa í landinu.
í viðtalinu við Hannibal Valdi-
marsson snerist flest um stjórn-
málin, svo sem eðlilegt var. En
þar með er ekki öll sagan sögð.
Árið 1956 tók hann á leigu af rik-
inu jörðina Selárdal í Ketildala-
hreppi og þar býr hann nú ásamt
konu sinni Sólveigu Óiafsdóttur,
er hann kvæntist árið 1934 á ísa-
firði. Gestkvæmt er hjá þeim
hjónum, en húsbóndinn er vegna
starfa síns alltaf með annan fót-
inn í Reykjavík. Hannibal segir
um störf sín í Selárdal:
-— Mig óaði við því að sjá hverja
sveitina fara í eyði á fætur ann-
ari. Eg hef nú að mestu verið að
endurbyggja bæjarhúsin, leggja
vatnsleiðslu, skolpleiðslu, gera
rotþró og koma upp rafstöð. Ann-
að árið byrjaði ég á að þurrka
ræktanlegt land og lét grafa um
70 þúsund teningsmetra. Ræktun
þessi er um 20 hektarar, og síðan
ætla ég að færa út ræktunina. Ég
á nú, svo notaður séu talnakvarði
Jóhannesar Nordals og Jónasar
Haralz — hagkvæmustu tölur —
á fjórða hundrað fjár á fjalli, en
það er að sjálfsögðu ekki nema
um 200 á fóðrum.
Ég sá í hendi mér, að sveitin
öll myndi eyðast, ef Selárdalur
legðist í eyði. Það gat ég ekki sætt
mig við, því að þar eru góð rækt-
unarskilyrði og aðstaða til búskap-
ar góð með því að gjörbreyta
jarðaskiptingunni gömlu. Áður var
Arnarfjörður fullur af fiski og
bændurnir stunduðu sjóinn, en
konur og börn búskap. Vegir voru
ekki komnir norður þangað, fyrr
en ungafólkið var farið. Áður
voru 9 býli í Selárdal. í dag geta
verið þar þrjú stórbýli. Og hið
sama er að segja um um nágranna-
dalina. f Bakkadal og Hvestudai
er unnt að gera hið sama — grisja
byggðina. Þannig hefur gamla
jarðaskiptingin úrelzt, og það
fyrsta, sem gera þarf, er að skipta
landinu upp á nýtt og stofna til
stórra býla, sem rísa undir nú-
Hannibal meðan hann var kenn-
ari á Akranesi, 1929.
tíma heimilishaldi, sagði Hannibal
Valdimarsson að lokum.
RSimHHÍM
HYERFISGÖTU 103
IERA
HOLLENZK GÆÐAVARA
jbýður
NÚTÍMA T/EKNI
fyrir
NÚTÍMA FÓLK
SJÓNVÖRP 1 ÚTVÖRP
Nauðsyrileg tækí á hverju heimili

nmi —
SÉGULBÖND PLÖTUSPILARAR KÆUSKÁPAR
Z)/ux£íaA4Ac/a/L A/
RAFTÆKJADEILD — HAFNARSTRÆT| 23
S|M| 18395