Frjáls verslun - 01.07.1968, Qupperneq 15

FRJÁLB VERZLUfNÍ
13
SVEINN BENEDIKTSSON stjórnarformaiur
SJÓVÁ:
SJÓVÁTRYGGINGARFÉLAG ÍSLANDS HF.
FIMMTÍU ÁRA
Sjóvátryggingarfélag íslands h.f.
var stofnað hinn 20. október 1913,
eða nokkrum vikum áður en sjálf-
stæði landsins fékkst viðurkennt.
Starfsemi félagsins er einn vott-
ur þeirrar alhliða endurreisnar,
sem hrundið hefur verið í fram-
kvæmd á þessari öld á landi hér.
Félagið hefur á starfsferli sínum
annazt margháttaða tryggingar-
starfsemi, fyrst í samkeppni við
erlend vátryggingafélög og síðar
við innlend tryggingafélög, sem
fetuðu í fótspor þess, þegar lands-
mönnum óx fiskur um hrygg og
öll viðskipti margfölduðust.
Skapað er öryggi í stað óvissu,
með því að vátryggja eigur sínar
og margskonar hagsmuni gegn
hverskonar áhættu. Öryggið skap-
ast ekki einungis fyrir þann, sem
kaupir trygginguna, heldur einnig
fyrir þá, sem honum eru nánastir,
og fyrir aðra, sem eiga velfarnað
sinn undir velgengni hans.
Iðgjöld eru greidd fyrir vátrygg-
ingar og aðrar tryggingar, mis-
munandi há eftir áhættu, til þess
að njóta þeirra réttinda og þess ör-
yggis, sem tryggingarnar veita. Án
þessara trygginga myndi nútíma
þjóðfélag, með sínum flóknu og
margháttuðu viðfangsefnum og
skyldum, vera svo laust í reipun-
um, að stappa myndi nærri upp-
lausn. bæði í rekstri þjóðarbúsins
og viðskiptum manna í milli. Eitt
höfuð markmið hvers lýðfrjáls
þjóðfélags er að veita þegn-
unum öryggi. Löggjafarvaldið hef-
ur því í þessu skyni m. a. sett lög
um margskonar skyldutryggingar,
en mýmargar eru þó þær áhættur,
Sveinn Benediktsson: „Skapað er öryggi I stað óvissu, með því að vá-
tryggja eigur sínar og margskonar hagsmuni gegn hvers konar áhættu.
Öryggið skapast ekki einungis fyrir þann, sem kaupir trygginguna,
heldur einnig fyrir þá, sem honum eru nánastir, og fyrir aðra, sem
eiga velferð sína undir velgengni hans“.