Frjáls verslun - 01.07.1972, Blaðsíða 12

Flugmál:
Lrlendum flugfélögum fieimilaðar 18
ferðir i leiguflugi með Islendinga
Samgönguráðuneytið veitti Sterling Airways heimild til að flytja
IT-farþega þrátt fyrir synjun flugráðs
Blaðaskrif og magnaðar ill-
deilur tveggja ferðaskrifstofu-
forstjóra hafa undanfarið beint
athygli manna að leiguflugi er-
lendra fiugfélaga með farþega
frá íslandi til ákvörðunarstaða
erlendis.
Það var fyrst í fyrrasumar
sem verulega kvað að þessum
flutningum. Var það danska
flugfélagið Sterling Airways,
sem þá flutti mörg hundruð
íslendinga til Kaupmannahafn-
ar á vegum ýmissa félagasam-
taka, með milligöngu ferða-
skrifstofunnar Sunnu.
fslenzku flugfélögin hafa lit-
ið þessa flutninga hornauga og
var þess sérstaklega getið í
ársskýrslu forstjóra Flugfélags
íslands að flug Sterling Air-
ways gæti reynzt afdrifaríkt
fyrir framtíð millilandaflugs
Flugfélags íslands.
SAMA ÞRÓUN.
Leiguflugið hefur á síðustu
árum orðið æ snarari þáttur
í samgöngum um allan heim.
Hefur það tvímælalaust gert
mörgum kleift að komast til
fjarlægra staða, sem ella hefðu
ekki haft efni á því. Þannig
hefur það líka verið á íslandi.
í hópferðum með Sterling Air-
ways hefur íslenzku ferðafólki
verið gefinn kostur á að kom-
ast til Kaupmannahafnar fram
og til baka fyrir 7500 krónur,
þegar venjulegt fargjald í áætl-
unarflugi á þessari leið er kr.
21.000. Vissulega kemur þetta
illa við rekstur íslenzku flug-
félaganna, sem byggja afkomu
sína að mjög verulegu leyti á
sumarferðalögum íslendinga til
útlanda. Hins vegar hefur þess
gætt að undanförnu í umræð-
um manna á meðal, að tog-
streita íslenzku flugfélaganna
tveggja hefur veikt aðstöðu
þeirra til að finna réttan
hljómgrunn hjá almenningi,
sem þau þurfa vissulega á að
halda í þessu máli.
HÖRÐ SAMKEPPNI ÁFRAM.
Ekki virðast neinar sýnileg-
ar breytingar á þessu fram-
undan, því að eftir því sem
FV hefur komizt næst ætla
bæði félögin að halda uppi
sömu ferðatíðni til Norðurland-
anna næsta vetur og þau gerðu
í fyrra, það er að segja að
fljúga bæði sömu daga á þess-
um leiðum með lítinn flutn-
ing í alltof mörgum tilfellum.
Meðan ástandið er með þess-
um hætti er það ekki nema
eðlilegt að stjórnvöld og al-
menningur telji sig hafa á
takteinum góð ráð fyrir flug-
félögin til að bæta rekstrar-
lega stöðu sína, og þá allt önn-
ur en þau að stemma stigu
við leiguflugi, sem augljós-
lega kemur hinum almenna
ferðamanni til góða. *
REGLUR BROTNAR.
Strangar alþjóðlegar reglur
hafa verið settar um leiguflug.
Samkvæmt þeim verða menn
að hafa verið fullgildir með-
limir í þeim félagsskap, sem
fyrir hópferð stendur, a.m.k. 6
mánuði. Ástæða hefur þótt til
þess nú nýlega, að herða mjög
eftirlit með því hérlendis að
þessu ákvæði væri fylgt. Var
farið að bera á óeðlilegri fjölg-
un félagsmanna í nokkrum
samtökum, sem að hópferðum
hafa staðið. Nýkjörinn gjald-
keri í einni deild Norræna fél-
agsins úti á landi sagði ný-
lega, að inn á skrifstofu hans
lægi stríður straumur fólks,
sem vildi fá félagsskírteini til
utanlandsferðar.
18 FERÐIR HEIMILAÐAR.
Á þessu sumri hefur Sterl-
ing Airways fengið heimild
íslenzkra flugmálayfirvalda til
12 ferða með íslenzka farþega
til Norðurlanda. Þegar umsókn
félagsins kom fyrir flugráð var
fallizt á að veita leyfið til
flutnings farþega í hópferðum
en ekki í svokölluðum IT-ferð-
um, sem ennfremur var farið
fram á. Þótti það óeðlilegt með
tilliti til þess að IT-ferðir ein-
staklinga hafa tryggt íslenzku
flugfélögunum mikil viðskipti.
Eftir að flugráð synjaði þess-
ari beiðni var málið afgreitt í
samgönguráðuneytinu með því
að IT-leyfið var veitt!
Vissulega blandast milliríkja-
pólitík í slík mál og var flug-
málastjóri Dana búinn að lýsa
yfir furðu sinni á tregðu ís-
lenzkra yfirvalda til fyrir-
greiðslu við Sterling Airways
á sama tíma sem dönsk yfir-
völd sýndu Flugfélagi íslands
ákveðna velvild með því að
heimila því flug með ferðafólk
til Grænlands eins og hann
orðaði það.
2400 SÆTI í LEIGUFLUGINU.
Spænsk yfirvöld telja sig
líka eiga talsverðra hagsmuna
að gæta í sambandi við Spán-
arflug. Þetta kom fram í synj-
un á beiðni Flugfélags íslands
um lendingarleyfi á Mallorka
fyrir skömmu. Það var flug-
málastjórinn Agnar Kofoed-
Hansen sem leysti það mál af
kunnri lagni og hæfileikum til
að ná fram hagstæðum samn-
ingum fyrir íslenzk flugmál
við erlend yfirvöld.
Eins og málin liggja nú fyr-
ir hefur Sterling Airways
heimild til að fara 12 ferðir
til Norðurlanda með 108 sæti
í hverri ferð, en Air Spain hef-
ur fengið samþykki íslenzkra
yfirvalda fyrir 6 ferðum með
189 sæti í hverri ferð. Ekki
er vitað, hvort farið verður
fram á fleiri ferðir af hálfu
hins spánska félags né heldur
hvernig við slíkri ósk yrði
brugðizt.
Allavega hlýtur ferðatíðnin,
sem þegar er ákveðin í leigu-
flugi erlendu flugfélaganna
milli íslands og útlanda, að
koma illa við íslenzku flugfé-
lögin, sem reyna að halda uppi
greiðum samgöngum við um-
heiminn alla mánuði ársins —
og töpuðu á því bæði um 20
milljónum króna í fyrra.
12
FV 6-7 1972