Frjáls verslun - 01.06.1975, Blaðsíða 90

Fyrirlaeki, framleiðsla
Byggingariðjan hf.:
Sfórfelld framleiðsluaukning
húseininga í undirhúningi
Tímamót eru framundan hjá
Byggingariðjunni hf. við Breið-
höfða í Reykjavík, og kemur
þar tvennt til að sögn Helga H.
Árnasonar, framkvæmdastjóra
fyrirtækisins. Annarsvegar er
fyrirtækið búið að festa kaup
á nýrri steypustöð, en sú sem
fyrir er, er of litil fyrir fram-
leiðslumöguleika verksmiðj-
unnar og hefur háð starfsem-
inni nokkuð. Hitt er svo sam-
starf við sænskt fyrirtæki um
hönnun og framleiðslu veggja-
cininga í fjölbýlishús og telst
Helga til að með því móti verði
unnt að lækka byggingarkostn-
að fjölbýlishúsa um 20 til 25%.
Félagið um Byggingariðjuna
var stofnað 1959 og í upphafi
var reiknað með að framleiða
einingar til íbúðarhúsabygg-
inga. Fljótlega þróaðist starf-
semin þó nær eingöngu út í
framleiðslu eininga í stærri hús,
svo sem vörugeymslur, verslun-
arhús, frystihús, iðnaðarhús o.
fl. Árið 1968, þegar Breiðholts-
framkvæmdirnar hófust, var
byggt við verksmiðjuna og
keypt mót til veggjaframleiðslu
og framleiddar útveggjaeining-
ar í 300 íbúðir. Meðan á þeirri
framleiðslu stóð, jókst eftir-
spurnin ef-tir einingum í stór-
hýsi svo verulega, að útveggja-
framleiðslunni til íbúðahúsa
var svo til hætt að verkefninu
loknu til að anna eftirspurn í
stórhýsi. Of lítil steypustöð var
þess m. a. valdandi að ekki var
unnt að sinna báðum verkefn-
unum í einu, sem skyldi. Nú
leggur fyrirtækið aftur aukna
áherslu á einingaframleiðslu í
íbúðabyggingar og nú er t. d.
verið að ljúka við byggingu
fjögurra einbýlishúsa í Foss-
vogi úr einingum frá Bygging-
ariðjunni. Ekki er það vegna
þess að dregið hafi úr eftir-
spurmnni eftir stærri eining-
um, því afgreiðslufrestur eftir
þeim hefur stundum verið upp
í ár.
Nýja steypustöðin kemst
væntanlega í gagnið í ár og
taldi Helgi þá mögulegt að
framleiða 50 einbýlishús á ári.
Annars framleiðir verksmiðjan
um 60 þúsund fermetra af rifja-
plötum árlega, en þær eru not-
aðar í gólf, veggi og loft. Þá
eru framleiddar tvær gerðir
bita upp á sex til sjö þúsund
metra á ári. Stálið, sem notað
er í strengjasteypuna í bita-
framleiðslunni, er strengt en
það þýðir að steypan springur
síður og nýtist betur þar sem
hún er stöðugt undir þrýstingi,
sem eykur burðargildi hennar.
Þá er stálið fjórum til fimm
sinnum sterkara en venjulegt
steypustyrktarjárn, en aðeins
tvöfalt dýrara.
Varðandi sænska samstarfið,
sem áður er nefnt vilja Svíarnir
veita tæknilega aðstoð við að
gera byggingariðnaðinn hag-
kvæmari, og jafnvel enn frek-
ari aðstoð við framkvæmdir, en
það síðastnefnda er háð sam-
þykki yfirvalda. Með aðferð
Svianna fara fjórar vinnustund-
ir að meðaltali í hvern fer-
metra, en með því að kanna út-
reikninga Hagstofu íslands á
visitöluhúsinu, virðast fara 15
vinnustundir í hvern fermetra
hér, miðað við hefðbundnar að-
ferðir. Byggingariðjan bíður nú
eftir lánafyrirgreiðslu til þess
að geta stækkað verksmiðjuna
svo unnt verði að hefjast handa
á þessu verkefni og reiknaði
Helgi með að starfsmenn gætu
orðið allt að 60, ef til kæmi, en
þeir eru jafnan 20—30.

Helgi H.
Árnason,
fram-
kvæmda-
stjóri.
f baksýn
má sjá
tilbúnar
einingar.
90
FV 6 1975