Frjáls verslun - 01.01.1977, Page 75
Fákur hf.:
Annast vöru- og farþega-
flutninga á sunnanverðum
Vestfjörðum
Fyrirtækið veitir ferðafólki skyndiviðgerðarþjónustu við bíla
Fákur, Tálknafirði. Sævar, Einar og Herbert við bílana.
Á flugvellinum á Patrcks-
firfti kemst ferðalangurinn fyrst
í kynni vift Fák hf. á Tálkna-
firði. Eigendur Fáks hf., þeir
Herbert Guðmundsson, Sævar
Herbertsson og Einar Ármanns-
son, sjá nefnilega um alla far-
þega- og vöruflutninga frá flug-
vellinum til Patreksfjarðar,
Tálknafjarðar og Bíldudals.
Að sögn Herberts byrjaði
hann 1968 á flutningum fyrir
FÍ til Tálknafjarðar. Þá var
mikill losarab.ragur á öllum
flutningum á þessu svæði og
var einn bílstjóri fyrir hvern
stað. Tveim árum seinna tók
hann hins vegar við öllum
þessum flutningum, þegar hinir
bílstjórarnir hættu.
— Um það leyti keypti ég 37
manna rútu og kom Sævar þá
inn sem bílstjóri. Ári seinna
bætti ég við mig vöruflutninga-
bíl og 1972 er hlutafélagið
stofnað og er því 5 ára í ár,
sagði Herbert.
EINA VIÐGERÐARÞJÓN-
USTA Á LANGRI LEIÐ
— 1974 byggjum við 300 m2
stálgrindarhús fyrir bílavið-
gerðir og aðra þjónustu svo sem
hjólbarðaviðgerðir og smurn-
ingu og fleira. Annars var til-
gangurinn sá að byggja yfir
viðgerðir á eigin bílum því það
er alveg vonlaust að ætla að
halda úti svona fyrirtæki með
aðkeyptri viðgerðarþjónustu.
Þetta er eina fyrirtækið sem
veitir ferðafólki skyndiviðgerð-
arþjónustu á svæðinu sunnan
frá Búðardal og vestur á fsa-
fjörð en það eru rúmir 200 km
á hvorn veg. Einn versti erfið-
leiki, sem svona smáverkstæði
á við að etja, er varahlutalager-
inn, sem við þurfum að kaupa
inn. Það liggur gífurlegur pen-
ingur í honum og umboðin
veita ilítinn lánsfrest. Við fáurn
ekki að leggja á nema 16%,
sem dugar ekki fyrir vöxtum,
ef við þurfum að liggja lengi
með hlutina. Það er náttúru-
lega engin þjónusta að ætla að
panta hlutina jafnóðum og þarf
á þeim að halda, því þar spila
samgöngurnar inn í. Það kæmi
sér illa fyrir ferðafólk ef það
bvrfti að bíða upp í 4 daga eftir
smáhlut.
Þá má bæta því við að við
gerum nú út 10 manna bíl sem
einkum er ætlaður til leigu-
aksturs og í minni flutninga
þar sem stóru bílarnir eru ó-
'hentugir.
BYRJUÐU MALARNÁM f
FYRRA
Að lokum sagði Herbert að
þeir félagar fengjust við fleira
en flutningana. Vegna gífur-
legs skorts á byggingarefni á
Patreksfirði hefðu þeir byrjað
á malarnámi síðastliðið sumar
í tilraunaskyni.
— Við fengum Sandey II
tvisvar sinnum og dældi hún á
land 6 þúsund tonnum af sandi.
Efnið reyndist gott samkvæmt
niðurstöðum á prófunum hjá
Rannsóknarstofnun Byggingar-
iðnaðarins. Við eigum nægar
birgðir fyrir næsta sumar en
það sem okkur vanhagar um
er hörpun, sem flokkar efnið í
grófleikaeiningar og er það
ekki o.rðið 1. flokks fyrr. Þá er
annað vandamál sem mjög er
brýnt að leyst verði í vetur en
það er aðstaðan til losunar
dæluskipsins. Þetta kostar allt
mikla peninga og liggja þeir
ekki svo glatt á lausu.
FV 1 77
75