Frjáls verslun - 01.08.1988, Blaðsíða 67

árið 1898. Á þeim 90 árum sem liðin
eru hefur mikið vatn runnið til sjávar.
Hafnarfjörður er í dag mestur ís-
lenskra iðnaðarbæja og 37.2% bæjar-
búa starfa við fiskvinnslu, iðnað og
byggingarstarfsemi. Er það 19% ofar
landsmeðaltali og langstærsti þáttur
atvinnustarfseminnar í bæjarfélaginu.
Um er að ræða fjölbreyttan iðnað,
t.d. byggingariðnað, matvælaiðnað
og málmiðnað þar sem Álverið í
Straumsvík skipar stóran sess. Auk
þess er aragrúi smáiðnaðarfyrirtækja
í bænum og hefur þeim fjölgað mjög á
síðustu árum.
Langflest iðnfyrirtæki í Firðinum
hafa komið til á síðustu 15-20 árum.
Hins vegar eru nokkur sem hafa
starfað mjög lengi og elsta starfandi
iðnfyrirtækið er Dvergur hf. sem
rekur trésmíðaverkstæði og verslun
með byggingarvörur. Raftækja-
verksmiðja Hafnarfjarðar hf., Rafha,
var stofnuð árið 1936 og Lýsi og mjöl
hf. árið 1945. Þremur árum síðar var
Húsgagnaverslun Hafnarfjarðar sett
á laggirnar. Þessi fyrirtæki eru dæmi
um slík sem hófu rekstur fyrir miðja
öldina.
ÁLVERIÐ SKIPTISKÖPUM
Eins og annars staðar á landinu
ríkti kreppa í hafnfirsku atvinnulífi
1965-67. Síðla árs 1966 hófust hins
vegar framkvæmdir við byggingu ál-
verksmiðju í Straumsvík og þar með
stigu íslendingar fyrstu skrefm í átt til
stóriðju. Fjölmargir hafnfirskir iðnað-
armenn og verkamenn fengu atvinnu
við þessa miklu framkvæmd og var 1.
áfangi Álversins tekinn í notkun sum-
arið 1969.
Rekstur álverksmiðjunnar skipti
sköpum fyrir atvinnuh'f í Hafnarfirði
67