Frjáls verslun - 01.08.1988, Side 75

Kortinu er
rennt í
gegnum litla
tækið neðst á
myndinni og
upplýsingar
slegnar inn.
Tölva
verslunarinnar
er síðan í
beinu
símasambandi
við Visa.
viðskipti. Munu hugsanlegar hömlur
ekki draga úr notkun kortanna?
„Nei, varla. Þessar umræður hafa
iðulega verið byggðar á misskilningi
og það er ekkert sem bendir til þess
að draga muni úr kortanotkun. Korta-
viðskipti eru ekki aðeins hagstæð
fyrir einstaklinga og sölu- og þjón-
ustuaðila heldur einnig þjóðhagslega
hagkvæm. Það kostar til dæmis tölu-
verðar fjárhæðir að prenta seðla sem
nú eru hins vegar á miklu undanhaldi.
í fyrra kostaði seðlaprentun og
myntslátta þjóðina um 35 milljónir en
hefði kostað hana 200 milljónir ef ekki
hefði komið til minnkandi notkun
seðla og myntar. Þarna er um að
ræða sparnað upp á annað hundrað
milljónir króna.
Hins vegar er ekkert eðlilegra en
að sett verði rammalöggjöf um
greiðslukortaviðskipti, sérstaklega
misnotkun þeirra. I dag er engin slík
löggjöf til og orðið greiðslukort finnst
ekki í lagasafninu. Kortaviðskipti hafa
hingað til fallið undir almenn lög um
viðskipti.“
— í ár eru fimm ár síðan Visa ís-
Iand var stofnað og fyrir stuttu veittu
þið 100 þúsundasta Visa-korthafanum
viðurkenningu -100 þúsund korthafar
á fimm árum. Er þetta ekki ótrúlega
mikill vöxtur á stuttum tíma?
, Jú, þetta er vissulega óvenjulegur
og sérstæður vöxtur. íslendingar
hafa tekið kortunum fagnandi. Það
sem er sérstakt hér á landi er hversu
mikið menn nota kortið sitt. Við erum
að meðaltali með 10 færslur á hvert
kort á mánuði en annars staðar í
heiminum eru að meðaltali um 3
færslur á mánuði á hvert kort.
Ástæðan fyrir þessu er tvíþætt: í
fyrsta lagi hafa útlendingar fleiri en
eitt kort. íslendingar eiga venjulega
aðeins eina tegund af korti. í öðru lagi
finnst fólki á Islandi þetta þægilegur
viðskiptamáti sem veitir því svigrúm
til innkaupa og ferðalaga. Erlendis
notar fólk kortin ekki eins almennt og
aðeins í ákveðnum tilgangi.
Við hefðum ekki trúað því þegar
við gáfum út 50 þúsundasta kortið að
kortin ættu eftir að verða helmingi
fleiri á tiltölulega stuttum tíma. Mað-
ur hélt að markaðurinn væri að verða
mettaður, en það var öðru nær og
ennþá er hugsanlegt að kortunum
fiölgi.“
99% í SKILUM
— Er kortamisnotkun almenn á ís-
landi?
„Sem betur fer er hún frekar lítil
hér á landi. Meirihluti allra úttekta er
greiddur innan mánaðar frá eindaga.
Ef litið er á notkunina á síðasta ári má
segja að 99% af kortaviðskiptunum
séu í skilum, en 1% í vanskilum. Þetta
eina prósent er hins vegar allt of stór
upphæð. Ef við hins vegar skoðum
vanskil á mánaðargrundvelli má segja
að af 80 þúsund virkum viðskiptavin-
um séu um 4 þúsund sem ekki greiði
skuldir sínar. Þetta eru um 5% kort-
hafa í hverjum mánuði. En flestir
greiða að lokum.“ — Hvað með fram-
tíðina — eru einhverjar frekari tækni-
nýjungar í uppsiglingu?
,Já, við búumst við að innan tíðar
verði komið hér á hinu svokallaða
„Multi Currency" kerfi sem á ís-
lensku gæti útlagst fjölmyntakerfi. í
því fellst að erlendri mynt, til dæmis
pundum eða mörkum, er breytt beint
í íslenskar krónur en ekki fyrst í doll-
ara og síðan í íslenskar krónur eins og
nú er gert. Þetta kerfi mundi verja
menn fyrir gengissveiflum sem verða
á dollaranum. Áhættan í viðskiptun-
um myndi minnka sem er auðvitað af
hinu góða,“ sagði Einar að lokum.
75