Frjáls verslun - 01.01.1989, Page 30

OPINBER REKSTUR
ALDRAÐIR LANGLEGUSJÚKLINGAR
Sjúkrahús Suðurlands hefur til ráðstöf-
unar 61 legurými. Þar af eru 26 í Ljósheim-
um við Austurveg þar í bæ en 35 í sjálfri
sjúkrahúsbyggingunni.
í Ljósheimum dveljast að staðaldri 26
öldrunarsjúklingar í langlegu en í sjúkra-
húsinu eru þeir u.þ.b. 25. Eftir eru því um
10 legurými til annarrar ráðstöfunar. Þar
af er gert ráð fyrir 4-6 rúmum fyrir sæng-
urkonur. Biðlisti er vegna langleguplássa
og biðtími eftir aðgerðum er um hálfur
mánuður.
Þetta er óvenjuhátt hlutfall aldraðra
langlegusjúklinga á almennu sjúkrahúsi.
Burtséð frá þeim vanda sem lýsir sér í
biðlistum og biðtíma er ljóst að nýting á
þjónustu og sérhæfðri þekkingu, svo sem
læknum og skurðstofu, verður ekki sem
skyldi við þessar aðstæður.
Ekki liggja á lausu skýringar á þessu háa
hlutfalli öldrunarsjúklinga. Ein skýringin
gæti þó tengst því sem nefnt var hér að
framan um aðild sveitarfélaganna í stjóm
sjúkrahúsins. A Selfossi er ekkert elli-
heimili, en það er í verkahring sveitarfé-
laga að annast byggingu og rekstur þeirra.
Af þessu mætti draga þá ályktun að sveit-
arfélagið sæi sér hag í því að láta sjúkra-
húsið annast gamalt fólk á Selfossi að ein-
hverju leyti í stað þess að leggja í kostnað
við byggingu elliheimilis. Þetta þýðir á
mannamáli að hluta sjúkrahússins er
breytt í elliheimili og ríkið ber af því kostn-
aðinn.
Hér verður ekkert fullyrt um þetta atr-
iði, heldur er það dregið fram hér sem ein
hugsanleg skýring á óvenju háu hlutfalli
aldraðra langlegusjúklinga á Sjúkrahúsi
Suðurlands. Þetta er þróun sem glöggir
menn hafa þóst greina, einkum í þeim
sveitarfélögum þar sem er sjúkrahús, en
ekki aðstaða af hálfu sveitarfélagsins til að
sinna gömlu fólki sem þarfnast umönnun-
ar.
VERKLÝSING
Ofangreind lýsing er samandregin úr
skýrslu Ríkisendurskoðunar sem kom út í
nóvember sl. Hún getur talist nokkuð
dæmigerð fyrir verkefni starfsmanna þar.
Að þessu verkefni unnu tveir menn, Jón
L. Bjömsson og Agnar Ólafsson. Það tók
þá 2-3 vikur að ljúka úttektinni frá því þeir
fengu verkefnið í hendur. Hér á eftir fer
gróf verklýsing, sem lýsir ágætlega vinnu-
aðferðum og skipulagi í starfi Ríkisendur-
skoðunar.
Fyrsta skrefið er að setja verkinu
markmið. í þessu tilfelli var það að athuga
reksturinn til að skýra rekstrarhalla eða
lélega afkomu fyrirtækisins með hliðsjón
af Qárlögum. Forsenda þess að slíkt sé
hægt er að reikningsleg endurskoðun hafi
farið fram. Reyndar kom í ljós að þrátt
fyrir einstaka vankanta á innra eftirliti
reyndist bókhald og reikn-
ingsskil Sjúkrahúss Suður-
lands vera til fyrirmyndar.
Næst var aflað vinnugagna
frá Fjárlaga- og hagsýslust-
ofnun um þær forsendur sem
lagðar vom til grundvallar
fjárlagaheimildum. Að því
loknu er gerð vinnuáætlun,
útbúin vinnugagnamappa og
verkinu settur umfjöllunar-
rammi.
Að þessum undirbúningi
loknum tóku þeir Jón og Agn-
ar sér ferð á hendur austur á Selfoss til
viðræðna við framkvæmdastjóra sjúkra-
hússins. Þeir sammæltust um verkaskipt-
ingu í slíkum viðtölum, þ.e. annar spurði
spuminga á meðan hinn punktaði niður
helstu efnisatriði sem fram komu. Fram-
kvæmdastjórinn reyndist afar hjálplegur
og á um að afla nauðsynlegra viðbótar-
gagna, svo sem fundagerða stjómarinnar,
bókhaldsútskriftar, skrár yfir starfsmenn,
vinnuframlag þeirra, forföll, o.fl. Þá eru
bankareikningssamræmingar athugaðar.
Þessi gögn vom yfirfarin ásamt þeim
upplýsingum sem fram komu í samtölum
við framkvæmdastjórann. Það em ekki
síst viðtölin og fundargerðarbækumar
sem endurspegluðu vandamál í rekstrin-
um og viðhorf stjómenda til þeirra. Því
næst var ákveðinn framhaldsfundur með
framkvæmdastjóranum og beðið um við-
bótargögn þau sem þurfa þótti. Því næst
var farin önnur ferð á Selfoss og þá farið í
fylgd framkvæmdastjórans um sjúkrahús-
ið og rætt við forstöðumenn deilda um
ýmislegt er varðar vinnutilhögun. Rætt
var við yfirlækni og að endingu við stjórn-
arformann sjúkrahússins.
Loks var unnið úr þeim gögnum sem
safnað hafa verið og Jón og Agnar skiptu
með sér viðfangsefnum. Hvor um sig
skrifaði hluta væntanlegrar skýrslu, sem
síðan var skeytt saman. Þessi drög voru
lesin af viðkomandi deildarstjóra og ríkis-
endurskoðanda sjálfum. Loks var fram-
kvæmdastjóra sjúkrahússins sent eintak
og honum gefinn kostur á að gera skrifleg-
ar athugasemdir við innihaldið. Þær at-
hugasemdir voru metnar og að lokum var
gengið endanlega frá skýrslunni.
Skýrslan var send stjóm og fram-
kvæmdastjóra sjúkrahússins, heilbrigðis-
og tryggingaráðuneytinu og fjármálaráðu-
neytinu. Eðli málsins samkvæmt er
skýrsla á borð við þessa fremur neikvæð,
enda ætlað að draga fram skýringar á
slæmri afkomu. Rfkisendurskoðun leggur
ekki fram nákvæmar tillögur um úrbætur,
en bendir á lausnir varðandi einfaldari
framkvæmdaatriði. Að öðru leyti er það
stjórnar sjúkrahússins og fjár-
veitingavaldsins að ákveða
aðgerðir í framhaldi af skýrsl-
unni. Stjórnendur sjúkrahúss-
ins hafa þegar tekið tillit til
nokkurs af gagnrýninni, en
óvíst er um framhald málsins
að öðru leyti. Ríkisendur-
skoðun mun væntanlega
fylgja málinu eftir að einhverj-
um t£ma liðnum og kanna
hvort og hvemig breytingum
á rekstrinum hefur verið hátt-
að.
Þrátt fyrir ein-
staka vankanta á
innra eftirliti
reyndist bókhald
Sjúkrahúss Suður-
lands vera til
fyrirmyndar.
30