Frjáls verslun - 01.01.1989, Blaðsíða 54

allra sem láta sig efnahagsmál og
þjóðarhag varða. Fannst þér það tak-
ast?
„Árangur blaðs eins og Frjálsrar
verslunar verður ekki mældur í blað-
síðufjölda. Árangurinn verður mæld-
ur í þeim áhrifum sem það hafði. Ég
held að allir sem til þekkja séu sam-
mála um að Frjáls verslun hafi haft
veruleg áhrif á umræður um verslun
og viðskipti. Að þessu leyti náðum við
markmiðinu sem við settum okkur.“
Síðar fékkst þú fleiri til liðs við þig
og gerðist sjálfur forstjóri umsvifa-
mikils útgáfufyrirtækis. Saknaðirðu
ritstjórastólsins eftir það?
„Stólar eru mér ekki fastir í hendi.
Markmið mitt var ekki að halda í
þennan stólinn eða hinn undir sjálfan
mig. Takmarkið var að sjá Frjálsa
verslun dafna og þróa útgáfustarf-
semina eftir því sem markaðurinn
bauð upp á hverju sinni. Eins og ég
nefndi hér að ofan varð Markús Örn
Antonsson ritstjóri á eftir mér og
leysti verkefnið betur en ég gat þá
gert. Lífið snerist ekki um stóla hjá
Frjálsri verslun þegar ég var stjórn-
andi fyrirtækisins. Við vorum öll að
vinna að ákveðnu verkefni. Við áttum
okkur markmið, sem við unnum að í
sameiningu. Um það snerist öll starf-
semin.
Þegar ég lít til baka eru það ekki
stólarnir sem skipta máli heldur þau
góðu kynni sem ég átti við fjölmarga
sem unnu við blöðin og síðast en ekki
síst að hafa kynnst í gegnum útgáfuna
þeim fjölmörgu forystumönnum í ís-
lensku atvinnulífi sem ég gerði.“
Nú eru liðin rúm 20 ár frá því þú
hófst afskipti af tímaritaútgáfu. Gæt-
irðu lýst breytingunum sem hafa orð-
ið á þessum tíma og borið saman
tímarit eins og Frjálsa verslun við
upphaf tímabilsins annars vegar og í
dag hins vegar?
„Það er stundum sagt að vika sé
langur tími í pólitík. Á sama hátt eru
20 ár mjög langur tími í tímaritaútgáfu
og á allra síðustu árum hefur orðið
bylting á fjölmiðlamarkaði. Fyrst og
fremst í ljósvakamiðlunum, en áhrif
þeirrar breytingar eru smám saman
að ganga yfir prentmiðlana. Bæði
dagblöð, vikublöð og tímarit. Aukin
sérhæfing í efnistökum dagblaðanna
veitir tímaritunum mikla samkeppni.
Ég bendi á í þessu sambandi að
Morgunblaðið gefur út fylgiblað um
verslun og viðskipti einu sinni í viku
og sinnir með því sömu þörfum og
Frjáls verslun. Þar fyrir utan hefur
Stöð 2 tekið upp sérstaka umfjöllun
um verslun og viðskipti. Enda þótt
töluverður byrjendabragur sé á þeim
þætti held ég að ljósvakamiðlarnir
muni í næstu framtíð sérhæfa sig enn
frekar á þessu sviði og veita tímarit-
unum verulega samkeppni. Þá verður
ekki horft fram hjá því að fjölmiðlar
ijalla mun meira um atvinnulíf en þeir
gerðu fyrir 20 árum og það hlýtur að
kalla á það að menn séu vakandi í
tímaritaútgáfunni og hún verður ekki
metin nema í ljósi þessara breytinga.
Samkeppnin er hörð og fer harðn-
andi.
Tímarit eins og Frjáls verslun
verður að hafa frumkvæði. Blaðið
verður að fara ótroðnar slóðir, sér-
hæfa sig enn frekar en um leið verður
blaðið að draga fram þá miklu fjöl-
breytni, sem nú ríkir í íslensku at-
vinnulífi og leitast við að skapa um-
ræðu um þær fjölmörgu nýju atvinnu-
greinar sem eru að ryðja sér braut í
atvinnukTinu. Mikilvægi blaðsins felst
í áhrifunum sem það hefur og ef það
tekur ekki mið af þeim miklu breyt-
ingum, sem orðið hafa á fjölmiðla-
markaðnum, eða tekst ekki að taka
frumkvæði í umræðum um íslenskt
atvinnulíf, þá missir það af lestinni og
aðrir fjölmiðlar taka við hlutverki
þess.
Þegar ég byrjaði með Frjálsa versl-
un lagði ég áherslu á að sinna atvinnu-
lífinu í víðtækasta skilningi orðsins.
Við fjölluðum um hreinan einkarekst-
ur, hlutafélög og samvinnufélög.
Mönnum þótti það stundum einkenni-
legt að við skyldum fjalla um kaupfé-
lög eða fyrirtæki Samvinnuhreyfmg-
arinnar og fannst slík umfjöllun ekki
eiga heima í Frjálsri verslun. Við
höfnuðum þröngum sjónarmiðum á
borð við þetta og hugsuðum dæmið
þannig að Frjálsri verslun væri ekkert
óviðkomandi í íslensku atvinnulífi.
Fjölbreytt og fordómalaus umfjöllun
um atvinnulífið var helsti styrkleiki
útgáfunnar í upphafi. Hvað þetta
varðar finnst mér áherslur í blaðinu
hafa breyst á allra síðustu árum, en
það er von mín að Frjáls verslun megi
áfram ná frumkvæði í umræðum um
íslenskt atvinnulíf. Ef það tekst verð-
ur áfram þörf fyrir sérhæft tímarit um
verslun og viðskipti,“ sagði Jóhann
Briem að lokum.
Iririflytjendur — Útflytjendur
Látið Skipaafgreiðslu Jes Zimsen hf. sjá um flutningana ásamt umstangi pappírsmála.
Sjáum um:
Tollafgreiðslu • Inn- og útflutning • Endursendingar • Umhleðsluflutninga • Búslóðaflutninga • Hraðsendingar
Með því að nota sérfræðiþjónustu okkar skipaafgneiösla
sparar þú fé, tíma og fyrírhöfn. jéS ZÍ(TIS6n hf
Leitið tilboðal r r J alhlidov flutningawónusta
LIUILÍV ULUUUa. PÓSTHÓLF 1017 - 121 REYKJAVlK - SlM113025 - TELEX 3071 IS - TELEFAX 622973
54