Frjáls verslun - 01.01.1989, Qupperneq 58

AFMÆLI
„Slíkt er alltaf erfitt að meta í einu
vetfangi en ég man að við lögðum
verulega áherslu á landsbyggðina.
Fórum við sveit úr sveit um land allt
og viðuðum að efni og mér er óhætt
að fullyrða að þar hafi ég kynnst ákaf-
lega mörgu fólki og staðháttum úti á
landi sem ég mun búa að alla tíð. Þá
var mikil framþróun í atvinnulífi úti á
landi svo að nóg var um að skrifa í
blaðið. Auk þess lagði ég verulega
áherslu á innsendar greinar frá góðu
fólki og vil ég þar sérstaklega nefna
greinar eftir dr. Guðmund Magnús-
son prófessor, en hann lét Frjálsri
verslun í té efni sem verulegur fengur
var að.
A árunum eftir 1972 voru einnig
miklar sviptingar í viðskiptum okkar
við útlönd. Inngangan í EFTA opnaði
ýmsar nýjar gáttir og við Jóhann vild-
um fylgja þeim straum eftir. Þess
vegna fórum við allmargar ferðir til
helstu viðskiptalanda, kynntum efna-
hagsmál þeirra í blaðinu, tókum viðtöl
við forsvarsmenn fyrirtækja, fulltrúa
íslands á erlendri grund og fleira sem
varpaði ljósi á staðhætti þar. Þetta
mæltist vel fyrir enda var umræða þá
um erlend efnahagsmál af skornum
skammti í íslenskum fjölmiðium.
Veruleg umskipti urðu í útáfunni
þegar Fijáls verslun varð offsett-
prentuð því við það sköpuðust stór-
auknir möguleikar á aukinni útgáfu og
vandaðri. Aður höfðum við unnið
sjálfir við uppsetningu í prentsmiðju
en með offsettinu bættust sérhæfðir
starfskraftar á ritstjórn sem sáu um
útlit blaðsins. Litprentun jókst veru-
lega, auglýsendum fjölgaði og okkur á
ritstjórn var auðveldara um vik að
setja okkar mál fram í myndritum og
þess háttar, sem var nánast óvinn-
andi vegur í blýsetningunni."
Markús Örn minntist á Sjávarfrétt-
ir, en það blað bættist fljótlega í safn
Frjáls framtaks hf. Við spurðum hann
um tildrög þeirrar útgáfu?
„Eins og áður sagði var talsvert
skrifað um atvinnulíf úti á landi í
Frjálsa verslun. í einni slíkri ferð var
tekið saman efni um sjávarútvegsmál
og af undirtektum áskrifenda og eink-
um auglýsenda mátti ráða að markað-
ur væri fyrir sérstakt rit um þennan
undirstöðuatvinnuveg þjóðarinnar.
Þess vegna var ákveðið að stofna
tímaritið Sjávarfréttir, sem síðan hef-
ur verið ómissandi tímarit þeirra sem
fylgjast vilja með sjávarútveginum."
Áhugi Frjálsrar verslunar á flug-
samgöngum hefur ætíð verið mikill og
það mátti greinilega sjá á blaðinu eftir
að Jóhann Briem og félagar tóku við
útgáfunni. Hvað segir Markús Örn
um þau mál?
,Jú, þetta er alveg rétt. Auk þess
að skrifa mikið um málefni flugsins í
blaðið tókum við að okkur ýmiss kon-
ar útgáfu fyrir Flugleiðir, m.a. á bækl-
ingum og blaði starfsmanna svo eitt-
hvað sé nefnt. Þetta samstarf treyst-
ist í sessi árið 1978 þegar útgáfa Við
sem fljúgum hófst og það kom í minn
hlut að halda þar um þræði.“
Á þessum árum var svo komist að
orði í haus blaðsins að það væri gefið
út í „samvinnu við samtök verslunar
og athafnamanna". Við spurðum
Markús Örn hvemig þeirri samvinnu
hefði verið háttað.
„Ekki var nú um bein tengsl þar á
milli að ræða en óbein með ýmsum
hætti engu að síður. Við höfðum
ágætt samband við Verslunarráðið,
Félag stórkaupmanna og Kaup-
mannasamtökin. Menn þar á bæ
bentu okkur á ýmislegt sem áhuga-
vert væri að skrifa um, þaðan kom
efni sem við þýddum eða unnum upp
úr auk þess sem við reyndum að hafa
gott samband við forystumenn þess-
ara hagsmunasamtaka sem og ann-
arra í verslun og viðskiptum."
Við spurðum Markús Örn að lokum
hvernig hann mæti þennan tíma í lífi
sínu, þ.e. árin á Frjálsri verslun?
„Þetta var ákaflega skemmtilegur
og viðburðarríkur tími. Það var ein-
staklega ánægjulegt að fá að taka þátt
í ævintýrinu, sem Frjálst framtak var,
með Jóhanni Briem. Taka þátt í því að
leiða Frjálsa verslun gegnum endur-
nýjun lífdaganna og ekki síður að
stýra úr vör öðrum tímaritum sem í
dag byggja á traustum grunni. Á
þessum árum var íslensk fjölmiðlun
að taka stakkaskiptum og fyrir gaml-
an blaðamann eins og mig getur slíkur
tími ekki verið annað en skemmtileg-
ur í minningunni."
BQNDINN
| Tímarit um landbúnað og hestamennsku
Frjálstframtak
BÍLDSHÖFÐI 18
112 REYKJAVlK
SlMI 91-685380