Frjáls verslun - 01.01.1989, Qupperneq 74

FRJALST
FRAMTAK
1988
Það er bæði gömul saga og ný að tímaritarekstur á
Islandi er erfiður og áhættusamur rekstur. Ekki þarf
annað en að líta til baka, skoða söguna, til þess að
sannfærast um slíkt. A síðustu áratugum hafa fjöl-
margir gert tilraunir til tímaritaútgáfu með æði mis-
jöfnum árangri og oftar en ekki hefur bjartsýni ráðið
mestu um að ráðist var í útgáfu sem síðan hefur ekki
gengið og lognast út af eftir tiltölulega skamman tíma.
Þegar litið er til þessara staðreynda er ánægjulegt að
geta skýrt frá því að rekstur Frjáls framtaks hf. gekk
vel á árinu 1988 og það ár var sjötta árið í röð sem
fyrirtækið skilaði rekstrarhagnaði. Umsvif fyrirtækis-
ins hafa aukist mjög mikið á undanförnum árum og
markvissar aðgerðir í að bæta þau tímarit sem fyrir-
tækið gefur út og auka útbreiðslu þeirra hefur borið
góðan árangur.
Á árinu 1987 jók Frjálst framtak hf. útgáfu sína
verulega er fyrirtækið keypti sex tímarit sem fyrir
voru á markaðnum. Hagræðing af þeim kaupum kom
að fullu fram í rekstri fyrirtækisins á árinu 1988.
Helstu breytingar á útgáfu tímarita á árinu voru þær að
tvö tímarit, Iðnaðarblaðið og Viðskipta- og tölvublað-
ið, voru sameinuð Frjálsri verslun og með því var
stefnt að því að gefa út eitt mjög öflugt tímarit fyrir
þessi svið atvinnulífsins. Þá tók Frjálst framtak hf. við
Sjónvarpsvísi Stöðvar 2 á miðju ári, en það tímarit er
nú með mesta útbreiðslu allra tímarita á Islandi.
Eins og í öðrum menningarsamfélögum er markaður
fyrir tímarit á Islandi. Þau eru orðin eðlilegur þáttur í
fjölmiðlun nútímans, hvort heldur er til upplýsinga
eða afþreyingar. Um langt skeið höfðu erlend tímarit
yfirhöndina en með vandaðri og metnaðarfyllri útgáfu
hafa íslensk tímarit skipað æ veglegri sess. Það er hins
vegar ómótmælanleg staðreynd að samkeppnisað-
staða íslenskra útgefenda er engan veginn hagstæð.
Erlendu blöðin eru gefin út fyrir margfalt stærri mál-
samfélög og oftast í miklu stærra upplagi auk þess sem
segja má að auglýsingamarkaður þeirra sé í mörgum
tilfellum alþjóðlegur. Þá eru skattar og ýmsar álögur
mun meiri á útgáfufyrirtæki hérlendis en gerist víðast
hvar annars staðar þar sem litið er á útgáfu sem mik-
ilsverða menningarstarfsemi og henni jafnvel ívilnað.
Enginn þarf hins vegar að efast um þjóðhagslegt gildi
þess að útgáfan haldist sem mest í landinu og að inn-
lend tímarit standi jafnfætis þeim erlendu. Má í því
sambandi benda á það eitt að með útgáfu sinni skapar
Frjálst framtak hf. hátt í 200 ársstörf, ef prentvinnslan
er talin með en frá árinu 1982 hafa öll tímarit fyrirtæk-
isins verið prentunnin hérlendis.
Frjálst framtak hf. hefur á hendi önnur umsvif en
útgáfu tímarita og bóka. Á árinu keypti fyrirtækið stór-
an hluta Smárahvammslandsins í Kópavogi og tók síð-
ar að sér alla gatnagerð á því svæði. Undir árslok var
undirritaður samningur milli Frjáls framtaks hf. og
Hagvirkis hf. sem mun annast gatnagerðaframkvæmd-
irnar og mun sá samningur vera stærsti samningur
sem gerður hefur verið um alverktöku milli einkaaðila
hérlendis. Framkvæmdir við gatnagerðina munu hefj-
ast með vorinu. Mikil áhersla er lögð á vandað skipu-
lag og hönnun svæðisins og því óvíst hvenær bygginga-
framkvæmdir hefjast en ef að líkum lætur verður hægt
að bjóða upp á húsnæði og lóðir á svæðinu á árinu
1990.
Frjálst framtak hf. hefur skýr markmið í rekstri sín-
um fyrir árið 1989. Það stefnir ákveðið að því að halda
hlut sínum í tímarita- og bókaútgáfu hérlendis og
stefnt er að því að halda þeim árangri sem náðst hefur
bæði í tekjum og aðhaldi í útgjöldum. Einnig er stefnt
að því að bæta enn tímarit útgáfunnar og standast
þannig þær miklu kröfur sem íslenskir tímaritakaup-
endur gera. Þá er það mikilsvert markmið að Smára-
hvammsframkvæmdirnar gangi svo sem áætlað er og
að á árinu verði unnt að sýOna þær nýjungar í upp-
byggingu svæðisins sem áformaðar eru.
74