Frjáls verslun - 01.01.1999, Blaðsíða 28

Það var tekist á. Þórólfur: „Það er enginn að rœða um að taka eigur
Landssímans - en fjöllin áttu ekki. “
Guðmundur: „Við erum með fjallið á leigu, Þórólfur - á því leikur
enginn vafi. “
vel áfram við að byggja upp dreifikerfi Tals á þeim átta mánuðum
sem við höíum starfað; við náum núna til yfir 70% þjóðarinnar. Það
tekur sinn tima að koma upp fullkomu dreifikerfi. Nú er hægt að
nota Tal GSM-síma um alla Evrópu - að undanskildum tveimur
löndum sem koma inn fljótlega. Við höfum styrkt mjög suðvestur-
hornið og erum með ýmis áform um frekari útbreiðslu út á land.“
JGH: - Tal kom seinni hluta ársins með kröftuga söluherferð
sem gekk út á pakka; að selja símtæki á mjög lágu verði og fasta
áskrift í tólf mánuði. Eruð þið ekki hræddir um að þið missið við-
skiptavini eftir þessa tólf mánuði?
Þórólfur: „Nei, það er vel þekkt söluaðferð erlendis að bjóða
afslátt fyrir langtímasamning sem kemur til góða við kaup á sím-
tækinu - en verð símtækjanna hefur reynst viss þröskuldur. Þenn-
an þröskuld, sem og aðra á farsímamarkaðnum, erum við að
lækka. Það er okkar markmið að stækka markaðinn og gefa sem
flestum kost á að hafa farsíma. Inn hafa komið ánægðir viðskipta-
vinir og þeir hafa kynnst öflugri þjónustu okkar. Eg veit að með því
að við leggjum áfram hart að okkur í samkeppninni munu þeir
halda tryggð við okkur.“
Guðmundur: „Megináherslan í þjónustu okkar er að við-
skiptavininum sé ljóst fyrir hvað hann sé að greiða í farsímakerf-
inu. Við greiðum ekki farsíma niður og töpum þannig á þeim.
Það tíðkast víða erlendis að gefa nánast farsímann. Við bindum
sömuleiðis ekki menn í viðskiptum við okkur með því að gera
við þá áskriftarsamninga til langs tíma. Við verðleggjum hvern
þátt fyrir sig, eins og hann kostar. Það, að greiða niður farsíma
og binda viðskiptavini til langs tíma, þekkist víða í Evrópu en það
hefur brenglað mjög verðskyn almennings gagnvart þessari
þjónustu."
Þórólfur: „Það virðist vera um stefhubreytingu að ræða hjá
ykkur. Áður en Tal kom inn á markaðinn var alltaf sérstök gjald-
taka fyrir hvern einasta þjónustulið hjá ykkur, til dæmis varðandi
talhólf, númerabirtingu og aðgang að SMS-skilaboðum. En með
komu okkar breyttist það skyndilega. Þá var allt í einu lag til að
lækka.“
JGH: - Landssíminn var ríkisstofnun í mörg ár. Hvernig hef-
ur stjórnunarsdllinn breyst eftir að fyrirtækið var gert að hlutafé-
lagi og fjarskipti urðu frjáls?
Guðmundur: „Landssíminn hefur breyst mikið. Hann var
stofnaður árið 1906 og var fyrst og fremst tæknifyrirtæki ffarn eftir
öldinni og mest lagt upp úr tæknilausnum en minni áhersla lögð á
markaðsmál. Fyrir nokkrum árum varð sú stefnumörkun að breyta
Landssímanum í markaðsdrifið þjónustufyrirtæki þar sem tæknin
er í öndvegi, eðli málsins samkvæmt. Sífellt meiri þungi er á mark-
aðsmál og þjónustu við viðskiptavini. Byggt er á hinni miklu þekk-
ingu sem er innan fyrirtækisins - en einnig á nýju og hæfu fólki sem
gengið hefur til liðs við okkur. Innan Landssímans er núna góð
blanda af gömlum og nýjum starfsmönnum. Völd og ábyrgð verða
færð neðar í fyrirtækið og er unnið að því þessa dagana; í framhaldi
af því má búast við einhveijum skipulagsbreytingum. Það er mikil
vinna fram undan. Engu að síður hefur verulegur árangur náðst í að
bæta þjónustuna. Stefna okkar er að hafa þjónustuna á besta verði
sem í boði er og gera áffarn vel við okkar viðskiptavini!"
JGH: - Hvernig er stjórnunarstíllinn hjá Tali?
Þórólfur: „Það er einkennandi fyrir starfsmenn Tals að um
ungt fólk er að ræða, flestir eru á milli tvítugs og fertugs. Ég er 41
árs og næstelsti starfsmaðurinn. Tölvulæsi starfsmanna er mjög
almennt og flestir lykilstarfsmenn eru með einhvers konar há-
skólamenntun. Ég legg áherslu á opið upplýsingastreymi og þátt-
tökustjórnun. Allir eru á föstum launum; það er enginn á tíma-
kaupi - en við höfum umbunarkerfi. Upp úr því er lagt að klára
verkefni í hvelli og því er oft unnið á kvöldin og um helgar. Það
hefúr tekist að ná upp mikilli samheldni innan hópsins þar sem
áhuginn og samkeppnin drífur okkur áfram. Eitt er víst; fólkið
mitt, sem fékk markaðsverðlaunin um daginn, hefur ekki mælt
tímann sinn í vinnunni.“
JGH: - Teljið þið að verð á símgjöldum, innan- sem utanlands,
muni lækka áfram á næstu árum?
Guðmundur: „Verðið mun áfram lækka, en það verða mismikl-
ar breytingar. Flestir eru sammála um það að verð á innanlandssím-
tölum í fastakerfinu sé það lágt að varla sé hægt að boða verulega
verðlækkun þar. Símtöl til útlanda munu hins vegar lækka áfram í
verði, sömuleiðis farsímaþjónustan sem og ýmis sérþjónusta. Inter-
netið hefur valdið miklum straumhvörfúm í hinu hefðbundna fiar-
skiptaumhverfi, það hefur bylt fjarskiptum heimila og í boði er
internetsímþjónusta. Internetið - sem alhliða upplýsingaveita - mun
halda áfram að breyta umhverfi heimila og fyrirtækja.“
JGH: - Af hvaða starfsemi hefur Landssíminn mestan hagnað?
Guðmundur: „Landssíminn hefur mestar tekjur af fasta net-
inu, hinu hefðbundna símkerfi, en mestur hagnaðurinn er af far-
„Það hlýtur að vera erfitt fyrir ríkið sem eiganda Landssímans að gera mikla arðsemiskröfu til hans og ætla líka á sama tíma að
vera hluthlaust ganvart honum í keppni við önnur fyrirtæki." - Þóróifur Árnason.
28