Morgunblaðið - 24.01.2001, Síða 51

MORGUNBLAÐIÐ MIÐVIKUDAGUR 24. JANÚAR 2001 51
DAGBÓK
STJÖRNUSPÁ
ef t i r Frances Drake
VATNSBERI
Afmælisbarn dagsins:
Þú ert stjórnsamur úr hófi
fram og þarft umfram allt
að temja þér að taka meira
tillit til annarra.
Hrútur
(21. mars - 19. apríl)

Láttu þér ekki til hugar koma
að þú getir litið framhjá erf-
iðleikum náins vinar heldur
þvert á móti einhentu þér í að
hjálpa honum til að leysa sín
mál.
Naut
(20. apríl - 20. maí) 
Þú ert í þeirri stöðu að til þín
er litið sem forustumanns fyr-
ir ákveðnu verkefni og þú hef-
ur alla burði til að leysa það
svo að þér sé sómi að.
Tvíburar
(21. maí - 20. júní) 
Það er ekki nauðsynlegt að
aðrir séu þér sammála í öllum
atriðum þótt þeir geti fylgt
þér í aðalmálum. Segðu hug
þinn skýrt og skorinort.
Krabbi
(21. júní - 22. júlí) 
Þú ert kominn út í horn og
þarft nú að setjast niður og
hugsa málið algjörlega upp á
nýtt. Vertu ekkert að sýta það
því slík eftirsjá hefur ekkert
upp á sig.
Ljón
(23. júlí - 22. ágúst) 
Það má margt af samstarfi við
aðra læra og sérstaklega þá
list að sameina skoðanir svo
takast megi að hrinda málum í
framkvæmd. Vertu opinn fyr-
ir nýrri reynslu.
Meyja
(23. ágúst - 22. sept.) 
Það veldur miklum umskipt-
um í lífi þínu að þér tekst að
finna lausn á persónulegu
vandamáli sem hefur lengi
þjakað þig. Taktu þér frí ef þú
átt þess nokkurn kost.
Vog
(23. sept. - 22. okt.) 
Stundum kemur þar málum
að frekari umræður leiða ekki
til neins árangurs. Reyndu að
skynja þetta augnablik og
nýta þér vitneskjuna.
Sporðdreki
(23. okt. - 21. nóv.) 
Oft er það svo að við sjáum
ekki gallana í fari okkar nema
okkur sé beinlínis bent á þá og
jafnvel þá eigum við oft erfitt
með að gangast við þeim.
Bogmaður
(22. nóv. - 21. des.)
Auðvitað átt þú að njóta þess
árangurs sem þú hefur náð í
starfi og vita skaltu að yfir-
menn þínir hafa veitt því at-
hygli og munu umbuna þér.
Steingeit
(22. des. - 19. janúar)

Það er til lítils að láta einhver
minniháttar mál pirra sig og
eyðileggja daginn. Horfðu
frekar á stóru málin sem þú
ert að þoka áleiðis.
Vatnsberi
(20. jan. - 18. febr.) 
Gættu þess að sumum kann að
virðast þú frekar óskipulagð-
ur og erfiður til samstarfs.
Þessari ímynd þarft þú að
breyta hvað sem það kostar.
Fiskar
(19. feb. - 20. mars) 
Það léttir daginn að gefa sér
örstutta stund til þess að setj-
ast niður og meta árangurinn
af starfi sínu bara til þess að
sjá hvort ekki miðar í rétta
átt.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
Árnað heilla
70 ÁRA afmæli. Sjötug eru í dag tvíburasystkinin Guð-rún Guðnadóttir, Norðurbrún 16 Reykjavík og Guð-
mundur Guðnason, Stuðlaseli 13, Reykjavík. Þau dvelja á
Kanarí.
60 ÁRA afmæli. Í dag,miðvikudaginn 24.
janúar, verður sextug Elsa
Jóhanna Gísladóttir sjúkra-
liði, Suðurbraut 26, Hafnar-
firði. Elsa og eiginmaður
hennar, Þorleifur Jón
Thorlacius, verða heima við
til kl. 18.
BRÚÐKAUP. Gefin voru
saman 12. ágúst sl. í Digra-
neskirkju af sr. Gunnari Sig-
urjónssyni Adda Guðrún
Sigurjónsdóttir og Garðar
Halldórsson. Heimili þeirra
er að Gullsmára 1, Kópa-
vogi.
Hugskot-ljósmyndastúdíó
SEX hjörtu er sjálfsögð
slemma og mjög góð, en það
er ekki alveg augljóst
hvernig best er að haga
spilamennskunni.
Norður
♠ ÁDG1076
♥ Á8
♦ ÁKG3
♣ Á
Suður
♠ 3
♥ KD10754
♦ D10
♣ D962
Mótherjarnir hafa ekkert
blandað sér í sagnir og vest-
ur kemur út með óræðan
spaða. Hvernig myndi les-
andinn spila?
Það þarf slæma legu og
nokkra óheppni til að fara
niður á þessari slemmu.
Eðlilegasta leiðin sýnist
vera sú að drepa á spaðaás,
taka hjartaás og laufás, fara
heim á tíguldrottningu og
stinga lauf. Trompa síðan
spaða heim og leggja niður
hjónin í hjarta. Jafnvel þótt
gosinn í trompi sé fjórði út
ætti að vera hægt að henda
niður tveimur laufum í tíg-
ulinn í tæka tíð.
Nei, ekki var það svo:
Norður
♠ ÁDG1076
♥ Á8
♦ ÁKG3
♣ Á
Vestur Austur
♠ K8542 ♠ 9
♥ 9 ♥ G632
♦ 9765 ♦ 842
♣ 743 ♣ KG1085
Suður
♠ 3
♥ KD10754
♦ D10
♣ D962
Spilið er frá sautjándu
umferð Reykjavíkurmóts-
ins. Þeir sem spiluðu eins
og að ofan er rakið fóru einn
niður, því austur átti einspil
í spaða og gat hent tígli
þegar sagnhafi fór heim
með spaðastungu. Þar með
náði sagnhafi ekki að losa
sig við tvö lauf niður í tígul.
Það er súrt að tapa svona
spili, sem augljóslega má
vinna eftir nokkrum öðrum
leiðum, en það er huggun
harmi gegn að þetta er
örugglega besta spila-
mennskan.
BRIDS
Umsjón Guðmundur Páll
Arnarson
50 ÁRA afmæli. Í dagmiðvikudaginn 24.
janúar er fimmtugur Ægir
E. Hafberg, útibússtjóri
Landsbankans í Þorláks-
höfn, Setbergi 10, Þorláks-
höfn. Eiginkona hans er
Margrét Thorarensen. Þau
verða með opið hús og taka á
móti gestum í sal Grunn-
skólans í Þorlákshöfn 27.
janúar milli kl. 18 og 21.
LJÓÐABROT
Álftirnar kvaka
Bráðum er brotinn
bærinn minn á heiði. –
Hlýtt var þar stundum,
– hann er nú í eyði.
Man ég þá daga.
Margt var þá á seyði.
Ungur ég undi
úti í varpa grænum. –
Horfði á reykinn
hverfa fyrir blænum.
– Þar heyrði ég forðum
þytinn yfir bænum.
– – –
Handan af hafi,
heim í auðnir fjalla,
vordægrin snemma
villta hópinn kalla. –
Þá er nú sungið,
sungið fyrir alla.
Margs er að minnast.
Margt er enn á seyði. –
Bleikur er varpinn,
– bærinn minn í eyði.
Syngja þó enn þá
svanir frammi á heiði.
Jóhannes úr Kötlum
ÞAÐ telst nokkuð algengt á
meðal íslenskra skákmanna
að leggja taflmennina á hill-
una á meðan þeir stunda
nám sem taka á föstum tök-
um. Oftar en ekki koma þeir
galvaskir aftur í hringiðu
skáklífsins að því loknu og er
Ingvar Jóhannesson (1.935)
prýðilegt dæmi um slíkt.
Hann er meðal efstu manna
á Skákþingi Reykjavíkur og
hefur sjaldan eða aldrei ver-
ið í betra formi. Í stöðunni
stýrði hann hvítu mönnun-
um gegn Valgarði Ingi-
bergssyni (1.590) sem einnig
hefur staðið sig með sóma á
Skákþinginu. 31. e6! Hxe6
Skárra var að leika 31. ...
Dg8 en eftir 32. Dxh6+ Dh7
33. Bxg7+ Kg8 34. Dxh7+
Kxh7 35. Bf6 er staða svarts
slæm. 32. Hxe6 Dxe6 Svart-
ur tapar manni eftir 32. ...
Bxe6 33. Bxc6. Hinsvegar
eftir textaleikinn verður
hann mát í tveim leikjum.
33. Dxh6+ Kg8 34. Dxg7#.
8. umferð Skákþings
Reykjavíkur fer fram 24.
janúar kl. 19.30 í húsakynn-
um Taflfélags Reykjavíkur,
Faxafeni 12. Áhorfendur eru
velkomnir.
SKÁK
Umsjón Helgi Áss
Grétarsson
Hvítur á leik.
ALEXEI Shirov heldur áfram að
velgja heimsmeisturum og fyrrver-
andi heimsmeisturum undir uggum
með ævintýralegri taflmennsku og
hverjum sigrinum á fætur öðrum á
Wijk aan Zee-skákmótinu. Sigur-
ganga hans hófst í fjórðu umferð þeg-
ar hann vann Jeroen Piket og síðan
hefur hann unnið allar sínar skákir
fyrir utan jafntefli við Michael Adams
í sjöundu umferð. Hann hefur sem
sagt fengið 4½ vinning í síðustu fimm
skákum. Þar sem helstu keppinautar
hans gerðu jafntefli í áttundu umferð
jók Shirov forystuna í einn vinning
þegar hann sigraði Sergei Tiviakov.
Sigurinn var þó ekki átakalaus. Shir-
ov hafði hvítt og valdi gamalt upp-
áhaldsafbrigði sitt gegn Nimzo-ind-
verskri vörn þegar hann lék f-peðinu
fram um einn reit í fjórða leik. Hann
hefur beitt þessum leikmáta í tugum
skáka, en eftir slæma útreið árið 1992
hætti hann að mestu að tefla á þenn-
an hátt. Þá tapaði hann þremur skák-
um í einu og sama mótinu með þessu
afbrigði. Það var í skákmótinu í Biel
gegn þeim Beliavsky, Georgiev og
Karpov. Það má þó ekki gleyma því
að Jón L. Árnason sigraði hann einn-
ig í þessu afbrigði sama ár og kannski
var það sú skák sem gerði útslagið
um að Shirov gaf þetta afbrigði upp á
bátinn. Shirov kaus að tefla þetta af-
brigði á nýjan leik gegn Tiviakov þar
sem hann hafði tekið eftir að Tiviakov
valdi ekki bestu leiðina þegar hann
mætti þessu afbrigði. Shirov varð að
ósk sinni, en uppgötvaði síðan sér til
skelfingar, að leið Tiviakovs var ekki
eins vitlaus og hann hafði haldið. Til
allrar lukku fyrir Shirov lék Tiviakov
af sér í 16. leik og Shirov náði betri
stöðu og sigraði eftir 41 leik. Úrslit
áttundu umferðar urðu þessi:
Fedorov - Kramnik ½-½
Morozevich - Ivanchuk 0-1
Topalov - Anand ½-½
Leko - Kasparov ½-½
Shirov - Tiviakov 1-0
Piket - Adams ½-½
Timman - van Wely ½-½
Sigurskák Shirovs fékk verðlaun
áhorfenda sem skák umferðarinnar.
Þetta er í þriðja skipti á mótinu sem
áhorfendur veita Shirov þessa viður-
kenningu, en Kasparov hefur aftur á
móti látið val áhorfenda fara í taug-
arnar á sér líkt og á síðasta ári þegar
hann kallaði þá byrjendur sem ekkert
vit hefðu á skák. Kasparov varð ekk-
ert ágengt gegn Leko og eftir góða
byrjun hefur hann ekki náð að sýna
þá grimmd sem margir áttu von á eft-
ir tapið í einvíginu gegn Kramnik.
Hann hefur því enn ekki náð að sýna
fyrri yfirburði og þessi frammistaða
dugir honum ekki til að sannfæra
skákheiminn um að hann sé enn núm-
er eitt. Lokaumferðirnar eru hins
vegar eftir og ósjaldan hefur Kasp-
arov þá sýnt hvers hann er megnug-
ur.
Kramnik hafði einnig svart. Hann
tefldi við Federov og fórnaði peði, en
hafði biskupaparið sem mótvægi.
Samið var um jafntefli eftir 41 leik
þegar Federov hafði enn peði meira.
Þótt frammistaða Shirovs sé glæsi-
leg, þá má ekki gleyma því að hann á
eftir að mæta heldur ófrýnilegum
andstæðingum í síðustu umferðun-
um, þeim Kasparov, Kramnik, An-
and, Ivanchuk og Morozevich. Síð-
ustu umferðirnar verða því afar
spennandi og ómögulegt er að spá
fyrir um það hver sigurvegari móts-
ins verður.
Hægt er að fylgjast með skákunum
á Netinu um leið og þær eru tefldar.
Best er að fara á vefsíðuna skak.is til
þess að fá nánari upplýsingar, en auk
þess eru skákir skýrðar jafnóðum á
ICC-skákþjóninum.
Hannes Hlífar og
Þröstur á Bermúda
Stórmeistararnir Hannes Hlífar
Stefánsson og Þröstur Þórhallsson
tefla um þessar mundir á Bermúda.
Hannes teflir á sex manna móti sem
eingöngu er skipað stórmeisturum,
en Þröstur teflir í B-flokki. Gengi
þeirra hefur ekki verið sem best í
fyrstu umferðunum, en þó virðist
vera að rofa til hjá þeim. Þröstur sigr-
aði kvenstórmeistarann Martha
Fierro (2.287) frá Ekvador í fjórðu
umferð. Hann er með tvo vinninga.
Hannes Hlífar gerði jafntefli við ísra-
elska stórmeistarann Alex Gershon
(2.540) í þriðju umferð í A-flokki og er
með hálfan vinning.
Hraðskákmót hjá
TK á fimmtudögum
Starfsemi TK er nú að hefjast eftir
jólafrí. Sú breyting hefur verið gerð
að hraðskákmót verða á fimmtudags-
kvöldum í stað miðvikudaga. Stefnt
er að því að mótin byrji ekki seinna en
20:15 og standi ekki lengur en til
23:00.
Öll starfsemi TK fer fram í hús-
næði félagsins í Hamraborg 5, þriðju
hæð.
Shirov eykur
forskotið
SKÁK
W i j k a a n Z e e
CORUS-SKÁKMÓTIÐ
13.–28.1. 2001
Daði Örn Jónsson
GREININGAR- og ráðgjafarstöð
ríkisins hefur gefið út tilraunaútgáfu,
fræðslurit um þroskahömlun. Ritið
var unnið fyrir styrk frá Starfs-
menntaráði félagsmálaráðuneytisins
sem var veittur til að koma á fót
skipulagðri fræðslu um þroskahöml-
un með námskeiðahaldi og útgáfu á
námsefni. Í ritinu er leitast við að
veita yfirlit yfir helstu þætti sem
valda þroskahömlun hjá börnum.
Alls hafa níu höfundar, sem hver
hefur sérþekkingu á sínu sviði, skrif-
að efni í ritið. Það er 98 síður að lengd.
Hver undirkafli er um 3 síður, auk
lista yfir frekara lesefni. Í ritstjórn
voru þau Bryndís Halldórsdóttir,
fræðslufulltrúi, Stefán Hreiðarsson,
forstöðumaður og barnalæknir og
Tryggvi Sigurðsson, sálfræðingur.
Stefán Hreiðarsson ritar aðfaraorð.
Ritið verður notað sem ítarefni á
samnefndum námskeiðum. Það er
einnig til almennrar sölu og eru upp-
lýsingar um það á heimasíðu Grein-
ingarstöðvar: www.greining.is.
Fræðslurit um
þroskahömlun
Það er
svo miklu
hljóðara í
íbúðinni
eftir að
gullfisk-
urinn dó.