Morgunblaðið - 09.02.2001, Side 26

ERLENT
26 FÖSTUDAGUR 9. FEBRÚAR 2001 MORGUNBLAÐIÐ
TÍSKA • GÆ‹I • BETRA VER‹
Húsi verslunarinnar • Kringlunni 7
DENNIS Tito er sextugur, grann-
ur og er að missa hárið, hann
minnir því lítið á geimferða-
hetjurnar í kvikmyndunum, að
sögn The Washington Post. Tito
stýrir stóru fjárfestingafyrirtæki
og býr í glæsihúsi í Los Angeles,
talið er að hann eigi sjálfur um 200
milljónir dollara eða nær 17 millj-
arða króna. Hann er að sögn sonar
síns, Michaels, íhaldssamur og
hreint enginn ævintýramaður.
Hann klæðist að jafnaði jakkaföt-
um, skyrtan verði að vera hvít. En
Tito hefur samt ákveðið að láta
æskudraum rætast: hann ætlar í
geimferð.
Tito gerði fyrir skömmu samn-
ing við Rússa um að hann myndi
greiða þeim 20 milljónir dollara,
um 1.700 milljónir króna, fyrir að
fá að fara með Sojus-geimfari til
nýju alþjóðlegu geimstöðvarinnar
sem nú er verið að smíða. Hann
verður því fyrsti almenni ferða-
langurinn eða túristinn sem fer út í
geim og borgar sjálfur farmiðann.
„Aðeins um 400 manns hafa
prófað þetta sem er hápunktur
allra ævintýra,“ segir Tito sem nú
er í þjálfunarbúðum í Rússlandi
ásamt nokkrum geimförum og sést
hér svífa um í tilbúnu þyngd-
arleysi. „Það er andleg hlið á mál-
inu, að vera kominn frá plánetunni
og líta til baka til jarðar.“
Vegna efnahagslegra örðug-
leika Rússa á síðari árum gengur
þeim illa að tryggja fé til geim-
rannsókna sinna. Ætlunin er að
verja 145 milljónum dollara eða
um 13 milljörðum króna til þeirra
á þessu ári og því ljóst að greiðslan
fyrir farmiða Titos kemur sér vel.
Rússar hafa áður selt japönskum
sjónvarpsfréttamanni ferð til
geimstöðvarinnar Mír, sem nú hef-
ur verið ákveðið að úrelda. Einnig
öfluðu þeir auglýsingatekna með
því að láta geimfara sína í Mír
þenja út stóra „gosdós“ úr næloni
og áli fyrir utan stöðina. Á dósinni
var vörumerki Pepsi-verksmiðj-
anna.
Borgar
sjálfur far-
miðann út
í geiminn
The Washington Post