Morgunblaðið - 14.03.2001, Page 22

VIÐSKIPTI
22 MIÐVIKUDAGUR 14. MARS 2001 MORGUNBLAÐIÐ
Aðalfundur Síldarvinnslunnar hf.
verður haldinn föstudaginn 23. mars 2001
í Egilsbúð, Neskaupstað, kl. 16.30
Dagskrá aðalfundar:
1. Skýrsla stjórnar.
2. Ársreikningur félagsins fyrir árið 2001,
ásamt tillögu um greiðslu arðs.
3. Kosning stjórnar.
4. Kosning endurskoðenda.
5. Ákvörðun um þóknun til stjórnarmanna.
6. Tillaga um hækkun hlutafjár í félaginu.
Gert verður ráð fyrir að hluthafar falli frá áskriftarrétti að
aukningarhlutum.
7. Tillögur til aðalfundar, löglega upp bornar:
Tillaga um heimild til handa félagsstjórn til kaupa á
hlutabréfum í Síldarvinnslunni hf.
8. Önnur mál.
SJÓVÁ-Almennar tryggingar hf.
skiluðu 424 milljóna króna hagnaði
á síðasta ári, sem er 19% meiri
hagnaður en fjármálafyrirtæki
höfðu spáð að meðaltali og 22%
meiri hagnaður en árið 1999.
Ólafur B. Thors, framkvæmda-
stjóri félagsins, segir að ýmislegt
jákvætt sé í þessu uppgjöri og nefn-
ir sérstaklega verulega aukningu ið-
gjalda og aukin umsvif félagsins.
Hann segir þó að vátryggingarekst-
urinn hafi verið erfiður, en þar sé
skýringin fyrst og fremst lög-
bundnu bifreiðatryggingarnar og
frjálsu ábyrgðartryggingarnar, en
verri staða á þeim sé vegna nýlegra
skaðabótalaga. Af þessum sökum
hafi þurft að bæta verulega í tjóna-
skuldina. Í reikningum félagsins
kemur fram að 707 milljóna króna
tap hafi verið af lögbundnu öku-
tækjatryggingunum en tapið af
þessum tryggingum var 298 millj-
ónir króna árið 1999. 37 milljóna
króna tap var af almennu ábyrgð-
artryggingunum en 89 milljóna
króna tap ári fyrr.
Tjónaskuld eykst
verulega milli ára
Tjónaskuldin er hluti vátrygging-
arskuldarinnar og stendur nú í 10,3
milljörðum króna, en var rúmir 9
milljarðar árið 1999. Tjónaskuldin
er fjármunir sem tryggingafélag
leggur til hliðar til að mæta greiðslu
vegna væntanlegra tjóna. Ólafur
segir að vegna þess hve miklu þurfti
að bæta við tjónaskuldina hafi
Sjóvá-Almennar ekki getað bætt við
útjöfnunarskuldina, eins og ætlunin
hafi verið, heldur hafi félagið orðið
að ganga á hana. Útjöfnunarskuld
er hluti vátryggingarskuldar í efna-
hagsreikningi en breyting á henni
kemur fram í rekstrarreikningi.
Lækkun útjöfnunarskuldar var 120
milljónir króna á síðasta ári og
batnar afkoma félagsins fyrir skatta
sem því nemur.
Stórir sjóðir tryggingafélaganna
hafa stundum verið gagnrýndir, en
sú aukning tjónaskuldar sem áður
var nefnd þýðir einmitt að sjóðirnir
vaxa. Þegar þessi gagnrýni er borin
undir Ólaf segir hann að reynslan
sýni alls ekki að of mikið sé sett í
tjónaskuld. Hann bendir einnig á að
reikningarnir séu jafnan lagðir fyrir
Fjármálaeftirlitið, sem fari yfir þá,
og það hafi engar athugasemdir
gert.
Varðandi reksturinn í fyrra segir
Ólafur að menn þurfi að athuga að
óvenjumikill hagnaður hafi verið af
fjármálarekstri félagsins og þar
skipti söluhagnaður vegna hluta-
bréfa sem félagið átti í Trygginga-
miðstöðinni og Olíufélaginu mestu.
Í reikningum félagsins kemur fram
að söluandvirði þessara eignarhluta
hafi numið 1.534 milljónum króna,
en bókfært verð hafi verið 674 millj-
ónir króna. Söluhagnaður var því
860 milljónir króna, en skýringin á
því að slíkur söluhagnaður mynd-
aðist af bréfunum er sú að eign-
arhlutir í félögum sem Sjóvá-Al-
mennar fjárfesta í og ekki teljast til
hlutdeildarfélaga eru bókfærðir á
framreiknuðu kaupverði en ekki
markaðsverði. Þetta leiddi til þess
að hlutabréf Sjóvár-Almennra í
skráðum félögum voru um áramótin
vanmetin um rúman 3½ milljarð
króna í bókhaldi félagsins.
Ólafur B. Thors segir allt útlit
fyrir að árið 2001 muni verða betra
vátryggingarár en árið 2000. Ið-
gjaldatekjur muni aukast í ár, en
aukning tekna vegna hækkunar ið-
gjalda hafi aðeins að litlu leyti kom-
ið fram í fyrra. Þá segir hann að
kostnaðarhlutfall félagsins muni
lækka en fjármunatekjur muni ekki
dragast saman.
Aukið hlutfall
rekstrarkostnaðar
„Hagnaður Sjóvár-Almennra var
talsvert meiri en greiningardeild
hafði gert ráð fyrir og var 424 millj-
ónir króna samanborið við 346 millj-
óna króna hagnað árið áður,“ segir
Guðrún P. Ólafsdóttir, greiningar-
deild Kaupþings. „Mismun spár og
rauntalna má einkum rekja til þess
að greiningardeildin gætti ýtrustu
varkárni við mat eigin tjóna fyrir
árið. Á fyrri árshelmingi nam
hlutall eigin tjóna af eigin iðgjöldum
127,7% en fyrir árið í heild nam
hlutfallið 109,2%. Sé afkoma ein-
stakra tryggingaflokka skoðuð er
afkoma lögboðinna ökutækjatrygg-
inga alls óviðunandi líkt og við var
búist. Er von til að afkoma þessa
tryggingaflokks batni á árinu er ið-
gjaldahækkanir frá því í fyrra skila
sér til félagsins í meira mæli. Einn-
ig ætti lægri tjónatíðni það sem af
er ári miðað við árið í fyrra að bæta
stöðu þessa tryggingflokks.“
Guðrún segir hlutfall rekstrar-
kostnaðar af eigin iðgjöldum aukast
verulega frá fyrra ári og það sé mið-
ur. Það sé nú 24,4% en hafi verið
22,5% í fyrra. Hún getur þess til
samanburðar að þetta hlutfall hafi í
fyrra verið 20,1% hjá Trygginga-
miðstöðinni.
Bjartara framundan
„Á fundi með stjórnendum
félagsins í gær kom fram að ástæð-
ur mikillar hækkunar þessa hlut-
falls væru uppbygging upplýsinga-
kerfa auk launahækkana,“ segir
Guðrún. „Jafnframt kom fram að
fylgst yrði náið með rekstrarkostn-
aði á árinu og stefnt að því að lækka
hann. Fjármálastarfsemin kom
nokkurn veginn eins út og við var
búist en stór hluti afkomu fjármála-
starfseminnar er söluhagnaður
eignarhluta eða 860 milljónir króna.
Þó er vöxtur vaxtatekna og verð-
bóta heldur minni en búist var við
en hann var 14% samanborið við
32% vöxt árið á undan og 21% vöxt
á fyrstu sex mánuðum ársins. Þessi
þáttur var í fyrra helsti vaxtar-
broddur fjármálastarfseminnar.
Stjórnendur telja að bjartara sé
framundan hjá félaginu en á síðasta
ári og er hægt að taka undir það.
Greiningardeild hefur að undan-
förnu mælt með kaupum á bréfum í
félaginu og þá einkum til áhættu-
dreifingar í eignasöfnum. Þær upp-
lýsingar sem þegar hafa verið birt-
ar úr uppgjörinu gefa ekki tilefni til
þess að breyta þeirri skoðun en hins
vegar skal bent á talsverða seljan-
leikaáhættu hlutabréfanna en við-
skipti með bréf félagsins hafa verið
strjál.“
Aðalfundur Sjóvár-Almennra
verður haldinn 22. þessa mánaðar
og mun stjórn félagsins leggja til að
hluthöfum verði greiddur út 20%
arður af hlutafé. Það gera 117 millj-
ónir króna eða um 28% af hagnaði.
707 m.kr. tap af öku-
tækjatryggingum
  




  
  !" " #$ % "& ' #!"
 "(
) (*$" 
+  #!"#!"$
, &"  
" $!#$

 

  
      " #$  
-#""

 


1+#+&
(
'&
  .
-#$/
/0 % "&  !#$

 
 "$ .   #!"
+ 1" .   #!"
   *$" 
! 2    
-" !2 
 

 


  









3'
' 4'
4 4 33


43

4 
3'
'3

' 
3























 
  
 ! " ! " ! " 

 
 


 


  
  
 
HALLDÓR Kristjánsson, banka-
stjóri Landsbankans, segir að ekk-
ert sérstakt nýtt hafi komið fram í
ummælum Kristjáns Ragnarssonar,
formanns bankaráðs Íslandsbanka-
FBA, á aðalfundi bankans um upp-
gjörsaðferðir bankanna. Páll Gunn-
ar Pálsson, forstjóri Fjáramálaeft-
irlitsins segir að þessi mál séu þegar
í skoðun hjá eftirlitinu.
Halldór segist telja að uppgjör
Landsbankans sé nákvæmt og eðli-
legt.
„Við getum þess mjög opinskátt í
okkar afkomutilkynningu að það sé
þessi mismunur á bókfærðu verði
þeirra bréfa sem eru í fjárfesting-
arbók samanborið við veltubók. Við
tókum um það alveg viðskiptalega
ákvörðun í upphafi síðasta árs að
það væri eðlilegt að við ættum um
það bil tvo þriðju af markaðsskulda-
bréfaeign okkar til lengri tíma í fjár-
festingarbók þannig að við erum
með um einn þriðja markaðsbréfa
okkar í veltubók. Bréfin í fjárfest-
ingarbók ætlum við að eiga til lengri
tíma, það er viðskiptaleg ákvörðun
og þar af leiðandi ber okkur að færa
tekjur af þeim til tekna á hverju ári
en ekki gengisbreytingar. Þetta er
algerlega rétt viðskiptaleg ákvörð-
un að okkar mati og rétt bókun á
því. Það er því engin ástæða til þess
að gera þetta tortryggilegt á neinn
hátt enda greindum við nákvæm-
lega frá þessu í afkomutilkynningu.
Að mínu viti gefur það beinlínis
ranga mynd að færa bréf sem menn
hafa ákveðið að eiga í fjárfesting-
arbók til lengri tíma eins og þau
væru í veltubók. Við getum sagt sem
svo að ef við hefðum fært þetta nið-
ur um síðustu áramót þá værum við
búnir að hagnast allt í einu á fyrstu
tveimur mánuðum þessa árs um 400
milljónir af þessari eign. Það er
jafnóeðlilegt að fara að færa það til
tekna í tveggja mánaða uppgjöri
eins og að færa hitt til lækkunar í
síðasta ársuppgjöri.
Markaðurinn
upplýstur
Það er allt skýrt og nákvæmt í
uppgjöri bankans. Það eru við-
skiptalegar ástæður til þess að við
bókum þetta með öðrum hætti en
Íslandsbanki-FBA. Þeir greina
skýrt frá því hvað þeir eru að gera
og það gerum við líka og markaður-
inn er algerlega upplýstur og fær
um að meta þessi viðskipti. Ef
Kristján hefði viljað vera alveg
sanngjarn í þessari umræðu þá
hefði hann kannski líka látið þess
getið að Landsbankinn á einna
stærsta hlut dulinna eigna í óskráð-
um bréfum sem bankinn hefur ekki
fært upp. Ef við færðum öll okkar
bréf í fjárfestingarbók til líklegs
markaðsvirðis þá væri það verulega
til hækkunar.“
Notum viðurkennda
aðferð
Árni Tómasson, bankastjóri Bún-
aðarbankans, segir að leyfðar séu
tvær aðferðir. Önnur sé sú að láta
verðmæti bréfa fylgja sveiflum á
markaði sem sé í sjálfu sér viður-
kennd aðferð. Búnaðarbankinn noti
aðra aðferð sem einnig sé viður-
kennd. Þegar bankinn kaupi ríkis-
pappíra færi hann þá við þeirri
ávöxtunarkröfu sem þá gildir. Séu
bréfin til dæmis til fimm ára og
bankinn haldi þeim á þessu verði þá
fái hann alltaf sömu vextina og fái
bréfin borguð eftir fimm ár. „Svo
gerist það að ef markaðsvextir
hækka þá lækkar verðið á bréfunum
á þeim degi en þau bera hærri vexti
eftir það. Lækki vextir hækka bréf-
in aftur á móti í verði á sama tíma en
bera lægri vexti. Endapunkturinn
verður alltaf sá sami. Ef hugsað er
sem svo að uppsafnaðir vextir og
höfuðstóll borgist í lokin þá verður
það alltaf sama talan. Ef við hefðum
fært þetta eftir hinni aðferðinni þá
er það rétt að hagnaðurinn í fyrra
hefði verið minni en þetta eru ein-
faldlega tvær viðurkenndar aðferð-
ir.“
Árni segir að öll hlutabréf bank-
ans í veltu- og fjárfestingarbók séu
hins vegar færð á markaðsvirði,
sama hvort þau séu skráð eða
óskráð en við mat á óskráðum bréf-
um sé reynt að taka mið af síðustu
viðskiptum.
Málið þegar í vinnslu
hjá Fjármálaeftirlitinu
Aðspurður segir Páll Gunnar
Pálsson, forstjóri Fjármálaeftirlits-
ins, að Fjármálaeftirlitið hafi fyrir
nokkru ákveðið að taka þessi mál
sérstaklega til skoðunar, þ.e.
ákvæði um mat á verðbréfum í
reikningsskilum fjármálafyrirtækja
og þá ekki bara bankanna einna.
Verið sé að vinna í þessum málum
með það að markmiði að auka sam-
ræmi í framsetningu ársreikninga
þeirra.
Það sé liður í eftirlitsskyldu Fjár-
málaeftirlitsins að fylgjast með
hvernig fjármálafyrirtæki setji árs-
reikninga sína fram. Menn hafi
einnig til hliðsjónar mótun reikn-
ingsskila á alþjóðavettvangi en
stefnan sé almennt að koma á sem
mestu samræmi. Þessi stefna hafi
meðal annars verið í mótun innan
Evrópusambandsins, meðal annars
til þess að koma á innri markaði og í
því skyni að auðvelda fyrirtækjum
útboð í fleiri en einu ríki.
Ársreikningar bankanna
Fjármálaeftir-
litið með málið
í skoðun
ÞESS má vænta að breytingar
verði á stjórn Flugleiða á aðal-
fundi félagsins sem haldinn verð-
ur á morgun, fimmtudag, klukkan
14. Samkvæmt heimildum Morg-
unblaðsins mun verða gerð tillaga
á fundinum um að Ingimundur
Sigurpálsson, forstjóri Eimskips,
Birgir Rafn Jónsson, fram-
kvæmdastjóri Kjaran, og Pálmi
Haraldsson, framkvæmdastjóri
Sölufélags garðyrkjumanna,
komi inn nýir í stjórn Flugleiða.
Í stað þeirra fari Indriði Páls-
son, Árni Vilhjálmsson og Gunn-
ar Jóhannsson úr stjórninni.
Framboðsfrestur rennur ekki
út fyrr en á aðalfundinum en
frestur til að óska eftir margfeld-
iskosningu rann út fimm sólar-
hringum fyrir aðalfund, þ.e.
klukkan 14 síðastliðinn sunnu-
dag.
Aðrir í stjórn Flugleiða eru:
Hörður Sigurgestsson stjórnar-
formaður, Grétar Br. Kristjáns-
son varaformaður, Benedikt
Sveinsson, Garðar Halldórsson,
Haukur Alfreðsson og Jón Ing-
varsson.
Þrír nýir koma inn
í stjórn Flugleiða