Morgunblaðið - 30.03.2001, Síða 21

VIÐSKIPTI
MORGUNBLAÐIÐ FÖSTUDAGUR 30. MARS 2001 21
STÆRSTA tryggingafélag Þýska-
lands, Allianz, hefur staðfest að við-
ræður um yfirtöku á Dresdner
Bank, þriðja stærsta banka í
Þýskalandi, séu á lokastigi. Samn-
ingur þessa efnis er metinn á 19,9
milljarða evra, um 1.600 milljarða
króna. Við sameiningu fyrirtækj-
anna yrði til risi á sviði banka- og
tryggingastarfsemi, að markaðs-
verðmæti um 100 milljarðar evra
eða um 8.000 milljarðar króna. Nú
þegar á Allianz 21,4% hlut í
Dresdner. Hlutabréf Allianz hækk-
uðu um 2% í kjölfar tilkynningar-
innar en hlutabréf Dresdner lækk-
uðu um 2%.
Búist er við að stofnað verði eign-
arhaldsfélag í kjölfar samrunans og
sérstök dótturfélög um hvern þátt
starfseminnar: tryggingafélag, við-
skiptabanki, einkabanki, eignastýr-
ingarfyrirtæki og fjárfestingar-
banki. Ýmis eignatengsl eru á milli
banka og tryggingafélaga í Þýska-
landi og er mat sérfræðinga að ekki
sé vanþörf á endurskipulagningu og
hagræðingu á þessum markaði.
Allianz á t.d. 17,4% í HypoVereins-
bank og yfir 20% í Munich Re
tryggingafélaginu. Munich Re á
5,9% í Dresdner, 5% í HypoVer-
einsbank og yfir 20% í Allianz.
Einnig eru uppi áform um að
Munich Re, annað stærsta trygg-
ingafélag Þýskalands, sameinist
HypoVereinsbank, öðrum stærsta
banka landsins, og ennfremur eru á
frumstigi viðræður trygginga-
félagsins Axa og stærsta þýska
bankans, Deutsche Bank, að því er
fram kemur í Financial Times.
Samrunaviðræður
Allianz og Dresdner
Bank á lokastigi
ÁSTA Möller, þingmaður Sjálf-
stæðisflokksins, fjallaði um börn
og auglýsingar á hádegisverð-
arfundi Ímark, sem bar yfirskift-
ina Hvað má auglýsa?. Ásta sagð-
ist telja að Íslendingar hafi verið
nokkuð umburðarlyndir gagnvart
því sem snúi að börnum og þetta
gildi einnig um auglýsingar sem
beint sé sérstaklega til barna. „En
ég held að það sé nauðsynlegt að
við tökum okkur á í þessum efnum.
Við þurfum að átta okkur á í hvaða
farvegi þessi mál eru. Þegar horft
er til þróunarinnar erlendis held
ég að það sé ljóst að við þurfum að
setja ákveðnar reglur um auglýs-
ingar sem beint er til barna. Regl-
urnar á að setja til þess að vernda
börnin og ég er þeirrar skoðunar
að yfirleitt bregðist fólk og fyr-
irtæki vel við ábendingum sem
snerta þetta og önnur mál sem
snúa að börnum.“
Í erindi Gunnars Smára Egils-
sonar kom fram að hann teldi það
almennt ekki vera eðlilegt að
stjórnvöld færu að setja reglur um
hvað megi auglýsa og hvað ekki.
Ríkisvaldið eigi ekki að taka frá
foreldrum þá uppeldisskyldu sem
óhjákvæmilega hvíli á þeim og þá
einnig gagnvart fjölmiðlum. Gunn-
ar sagðist telja eðlilegt að fyr-
irtækin og fjölmiðlarnir settu sér
sínar eigin reglur varðandi birt-
ingu auglýsinga og þeir þyrftu
ekki að vera þær sömu fyrir hvern
aðila. Almennt mætti segja að fyr-
irtækin væru íhaldssöm og gerðu
sér að minnsta kosti ekki leik að
því að brjóta gegn því sem kalla
mætti almennt velsæmi enda væri
það ekki í þeirra þágu að gera það.
Morgunblaðið/Árni Sæberg
Ásta Möller, þingmaður Sjálfstæðisflokksins, og Gunnar Smári Egilsson
blaðamaður fjölluðu um áhrif auglýsinga á börn á fundi Ímarks í gær.
Hvað má
auglýsa og
hvað ekki?
NORSKA ríkisstjórnin hefur breytt
um stefnu í peningamálum og beinir
þeim tilmælum til Seðlabanka Nor-
egs að setja verðbólgumarkmið fram-
ar gengismarkmiðum, líkt og Seðla-
banki Íslands hefur nú gert. Í
tengslum við þessa ákvörðun var
einnig tilkynnt að norska ríkisstjórn-
in hefur ákveðið að nota vextina af ol-
íusjóðnum svokallaða og koma fjórir
milljarðar norskra króna þaðan á
fjárlög næsta árs.
Í Dagens Næringsliv kemur fram
að markmið Seðlabankans er að verð-
bólga í Noregi verði 2,5% með 1% frá-
viki í hvora átt og er það hluti af lang-
tímamarkmiði fyrir tímabilið 2002–
2005. Fyrra markmið Seðlabankans
var að halda genginu stöðugu gagn-
vart evrunni. 2,5% verðbólga er ívið
hærra markmið en er í Svíþjóð og á
evrusvæðinu en í samræmi við mark-
mið t.d. í Bretlandi.
Sérfræðingar innan norsku bank-
anna eru sammála um að það að taka
upp verðbólgumarkmið sé nauðsyn-
leg afleiðing af stefnu ríkisstjórnar-
innar að tengja hluta af olíusjóðnum
við fjárlögin. Hingað til hefur tekjum
norska ríkisins af olíuvinnslu verið
haldið aðskildum frá öðrum ríkis-
tekjum. Eftir marga fundi með
skattasérfræðingum, hagfræðingum
og æðstu mönnum atvinnulífsins hef-
ur fjármálaráðherrann og Verka-
mannaflokkurinn ákveðið að breyta
stefnunni aðeins, en hann hefur hing-
að til þvertekið fyrir að taka olíusjóð-
inn inn á fjárlög vegna þess hve það
gæti aukið þrýsting á hagkerfið.
Um síðustu áramót var olíusjóður-
inn um 386 milljarðar norskra króna,
um 3.800 milljarðar íslenskra króna.
Á þessu ári er búist við að olíusjóð-
urinn vaxi í um 600 milljarða norskra
króna og verði orðinn um 1.400 millj-
arðar norskra króna árið 2005.
Samkvæmt nýrri tillögu ráð-
herrans er gert ráð fyrir að framlag
olíusjóðsins á fjárlögum nemi um sem
samsvarar 0,4% af landsframleiðslu á
hverju ári fram til ársins 2010. Þetta
nemur fjórum milljörðum norskra
króna á næsta ári, að því er fram
kemur í Dagens Næringsliv.
„Með auknum olíutekjum skapast
grundvöllur fyrir betra velferðarkerfi
og lækkun skatta og gjalda,“ segir
fjármálaráðherrann í yfirlýsingu. Ný
stefna í peningamálum og fjárlaga-
málefnum er góður grundvöllur fyrir
stöðugleika í gengismálum, litla verð-
bólgu og stöðuga þróun í framleiðslu
og atvinnumálum, segir hann.
Að mati Jens Stoltenberg forsætis-
ráðherra er kominn tími til þess að
nota tekjurnar af olíunni og móta
skýra stefnu í rekstri olíusjóðsins.
Breytt pen-
ingamála-
stefna í
Noregi
Ósló. Morgunblaðið.