Morgunblaðið - 30.03.2001, Síða 37

GREINARGERÐ
MORGUNBLAÐIÐ FÖSTUDAGUR 30. MARS 2001 37
FRÁBÆRAR SNYRTIVÖRUR
Handsnyrtivörur frá = og Depend.
Augabrúnaliturinn í bláu pökkunum frá Tana.
Vax- og hitatæki til háreyðingar, háreyðingarkrem,
vaxstrimlar og svitalyktareyðir frá
Frábært verð og frábær árangur.
Morgunblaðið/Baldur Sveinsson
TF-GTI-flugvélin sem fórst í ágústmánuði í fyrra var af Cessna-gerð, 210 Centurion II.
Viðbrögð Flugmála-
stjórnar við slysinu
Starfsmenn flugrekstrardeildar
flugöryggissviðs fóru tveimur dög-
um eftir slysið til LÍO og skoðuðu
gögn varðandi rekstur annarra loft-
fara LÍO. Þar kom fram að kerfið til
að fylgjast með rekstri þeirra loft-
fara sem þá voru í rekstri var virkt..
Sú heimsókn gaf ekki tilefni til frek-
ari aðgerða að svo stöddu. Hinn 14.
ágúst var sent út bréf til flugrekstr-
arstjóra allra litlu flugfélaganna þar
sem ítrekuð er skylda á fyrirflugs-
skoðun, gerð massa og jafnvægis-
skrár fyrir hvert flug og að nákvæm-
ur farþegalisti sé gerður. Á fundi
sem RNF boðaði til 17. ágúst var
þeirri spurningu beint til RNF hvort
eitthvað hefði komið fram í rannsókn
slyssins sem gæfi tilefni til stöðvun-
ar á flugrekstri LÍO. RNF svaraði
því til að svo væri ekki. Fundir sem
þessir eru mjög nauðsynlegir þar
sem Flugmálastjórn kemur ekki að
rannsókn slyssins og er algjörlega
háð RNF um upplýsingar, sem
tengjast slysinu.
Formleg úttekt var gerð á LÍO 19.
september. Eðli frávika sem fram
komu, var ekki slíkt að ástæða væri
til að stöðva reksturinn. Niðurstöð-
um var fylgt eftir með bréfi 20. og 26.
september og 3. október og unnið
var að úrbótum hjá LÍO. Eftirlits-
ferðir voru síðan farnar að nýju 22.
og 27. desember og 10. janúar er
staðfest að öllum frávikum frá í út-
tektinni í september væri lokið og
þeim atriðum sem fram komu í eft-
irlitsferðunum í desember var veitt-
ur frestur til 20. janúar að ljúka.
Ábendingar RNF til FMS
í skýrslu um slysið
Í skýrslu Rannsóknarnefndar
flugslysa er eftirfarandi atriðum í
öryggisátt beint til Flugmálastjórn-
ar.
4.2 Að verklagsreglur flugöryggis-
sviðs Flugmálastjórnar ...
Flugmálastjórn getur tekið undir
þessar tillögur RNF um endur-
skoðun á verklagi við skráningu
og útgáfu fyrsta lofthæfiskírteinis
hérlendis. Breytingin mun miða
að því að tryggja öryggi allra
gagna sem berast með flugvélum
úr bandarísku umhverfi, þrátt fyr-
ir að þær hafi verið undir eftirliti
FAA.
4.3 Að hún komi á gæðakerfi fyrir
starfsemi flugöryggissviðs stofn-
unarinnar.
Flugmálastjórn hefur verið að
vinna að því að koma á gæða-
stjórnun hjá flugöryggissviði eins
og vikið er að annars staðar. Nú
þegar er til staðar gæðakerfi sem
tekur á ýmsum þáttum starfsem-
innar, einkum í skírteinamálum.
Þessu starfi verður haldið áfram
af fullum krafti.
4.4 Að flugrekstrardeild flugörygg-
issviðs Flugmálastjórnar geri
áætlun um formlegar úttektir á
flugrekendum. Úttektirnar séu
samkvæmt viðurkenndum aðferð-
um gæðastjórnunar.
Þetta var þegar gert á síðasta ári
fyrir seinni hluta ársins 2000 og
fram á árið 2001. Því verður haldið
áfram. Starfsmenn hafa farið á
námskeið í slíkum úttektum og
nýráðnir starfsmenn munu sækja
slík námskeið.
4.5 Að hún leggi sérstaka áherslu á
að viðhaldsaðilar flugvéla haldi
nákvæma skráningu um það við-
hald sem framkvæmt er, þ.á m. að
þeir skrái allar niðurstöður mæl-
inga sem gerðar eru.
Flugmálastjórn telur að almennt
sé skráning mikilvægra verka
ótvíræð og skýr en mun fylgja því
eftir með skoðunum og ganga eftir
því við þá, sem þetta gæti átt við,
að skráning frávika/aðgerða sé í
samræmi við viðurkenndar að-
ferðir flugiðnaðarins. Flugmála-
stjórn mun ítreka við viðhalds-
aðila að þar sem við á séu
mælingar skráðar sem talnagildi
en ekki eingöngu að staðfesta að
mæling sé innan marka.
4.6 Að hún sjái til þess að þeir flug-
rekendur sem hafa ekki þegar sett
ákvæði í flugrekstrarhandbækur
sínar, er varða aðgang farþega að
framsæti við virk stýri þegar einn
flugmaður er á flugvélinni, geri
það.
Flugmálastjórn mun taka þetta
mál upp á vettvangi JAA, kanna
reglur í nágrannalöndum okkar
hvað þetta varðar og taka ákvörð-
un með hliðsjón af því.
4.7 Að hún efli eftirlit með flugi
tengdu þeim miklu mannflutning-
um sem eiga sér stað við þjóðhá-
tíðina í Vestmannaeyjum.
Flugmálastjórn mun taka til end-
urskoðunar frá grunni alla stjórn
sína á umferð og eftirlit með flugi
til og frá Vestmannaeyjum á
þjóðhátíð.
Úttekt FMS á LÍO eftir
að skýrslan kemur út
Flugöryggissvið gerði ítarlega út-
tekt á LÍO dagana 27. og 28. mars.
Tekið var á tæpum 50 atriðum í
rekstrinum, allt frá viðhaldssamn-
ingum, farþegalistum til þjálfunar í
neyðartilvikum. Vart var nokkurra
frávika en ekkert þeirra var alvar-
legt. Markvisst hafði verið unnið frá
því í haust að bæta stjórn flugrekstr-
arins með tilliti til flugöryggis.
Að tilhlutan Flugmálastjórnar
rannnsakar lögreglan í Reykjavík
meint brot flugrekstrarstjóra félags-
ins sem flugstjóra í tiltekinni ferð
sama dag og slysið varð í Skerjafirði
og varðar sú rannsókn m.a. flutning
farþega án tilskilins öryggisbúnaðar.
Niðurstöður
Flugslys á Íslandi eru fátíð og al-
mennt er öryggi í flugi á Íslandi
mjög mikið. Það er ákaflega mikil-
vægt að almenningur í landinu ber
traust til þeirra sem stunda flug-
rekstur og þeirra sem eiga að sinna
viðhaldi og eftirliti með rekstrinum
og flugmálum í heild. Þegar mann-
skæð slys verða er mikilvægt að rétt
sé að rannsókn mála staðið sam-
kvæmt lögum og þeim sem sjá eiga
um rannsóknina tryggð sú aðstaða
sem til þarf.
Það er einnig mjög mikilvægt þeg-
ar rætt er um flugöryggismál, ekki
hvað síst í fjölmiðlum, að gætt sé
hófs í yfirlýsingum og fullyrðingum,
þótt á engan hátt sé verið að hvetja
til þess að réttmæt gagnrýni fái ekki
að koma fram. Það þjónar einmitt
öryggismálum í flugi að rökstudd
gagnrýni sé sett fram og mál skoðuð
ofan í kjölinn. Þannig er beinlínis
ætlast til þess að skýrslur Rann-
sóknarnefndar flugslysa séu úr garði
gerðar, að allir sem málið varðar geti
dregið af þeim lærdóm sem gagnast
til að færa öryggismál til enn betri
vegar. Saga flugs í heiminum er
vörðuð lærdómi sem menn hafa
dregið af þeim slysum sem orðið
hafa.
Það er greinileg krafa almennings
að eftirlit Flugmálastjórnar með
flugrekendum, viðhaldsaðilum og
flugmönnum verði eflt. Flugmála-
stjórn hefur um langt skeið óskað
eftir því að fjölga eftirlitsmönnum á
sínum snærum og óskað eftir aukn-
um fjárframlögum til þess. Hins veg-
ar er mjög erfitt að fá hæft fólk til
starfa á þessu sviði þar sem um er að
ræða menntaða og reynslumikla ein-
staklinga sem yfirleitt bjóðast betri
kjör annars staðar.
Flugmálastjórn mun ekki skorast
undan því, fremur en áður, að fara
eftir þeim tillögum sem RNF gerir í
öryggisátt. Þar má nefna að stofn-
unin mun skoða vandlega hvort
treysta megi með sama hætti og áð-
ur gögnum og vinnubrögðum frá
svæði bandarísku flugmálastofnun-
arinnar (FAA). En hingað til hefur
Flugmálastjórn getað treyst slíkum
gögnum enda hefur FAA verið leið-
andi í flugöryggismálum í heiminum
í áratugi.
Hvergi verður hvikað frá áætlun-
um um að taka JAR-OPS 1 reglur
Flugöryggisstofnunar Evrópu í gildi
fyrir lok þessa árs fyrir smærri flug-
rekendur og haldið áfram að vinna
að gerð nýrra flugrekstrarhandbóka
með þeim. Þar með munu Íslending-
ar halda áfram að vera í röð þeirra
ríkja sem lengst eru komin í innleið-
ingu þessara reglna.