Morgunblaðið - 07.04.2001, Blaðsíða 84

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 7. APRÍL 2001 VERÐ Í LAUSASÖLU 165 KR. MEÐ VSK.
STURLA Böðvarsson samgöngu-
ráðherra segir að fenginn verði er-
lendur sérfræðingur frá Alþjóða-
flugmálastofnuninni, ICAO, að
rannsókn flugslyssins þegar TF-
GTI hrapaði í Skerjafjörð. Þessi
ákvörðun kemur í framhaldi af svar-
bréfi flugslysanefndar þar sem
nefndin mælist til þess að kallaður
verði til erlendur sérfræðingur sem
taki á öllum atriðum málsins, þar á
meðal þeim sem bornar hafa verið
brigður á í meðferð rannsóknar-
nefndar flugslysa.
Rannsóknarnefnd flugslysa sendi
í gær samgönguráðherra bréf þar
sem fram kemur m.a. að nefndin
telji að engin ný gögn hafi komið
fram eftir að skýrsla nefndarinnar
kom út hinn 23. mars sl. sem gefi að
mati nefndarinnar tilefni til endur-
upptöku á rannsókn málsins.
Hins vegar segir í bréfinu að í
fjölmiðlum hafi komið fram alvar-
legar ásakanir á störf rannsóknar-
nefndar flugslysa og einstakra
nefndarmanna, s.s. um réttarspjöll
og hlutdrægni. Nefndin bendir á að
opinber rannsókn á öllum þáttum
þessa flugslyss standi yfir og að
mati nefndarinnar sé mjög brýnt að
fyrir hendi sé tiltrú almennings á
rannsókninni og að þær aðgerðir
sem flugmálayfirvöld og flugrekend-
ur hafa gripið til í framhaldi af til-
lögum nefndarinnar leiði til aukins
flugöryggis.
„Rannsóknarnefnd flugslysa telur
eftir atvikum málsins, að það muni
stuðla að ofangreindu að stjórnandi
hinnar opinberu rannsóknar í mál-
inu kalli hið fyrsta til liðsinnis er-
lendan sérfræðing, t.d. frá Alþjóða-
flugmálastofnuninni (Accident
Investigation and Prevention Sect-
ion, ICAO), sem taki á öllum atrið-
um málsins, þar á meðal þeim sem
bornar hafa verið brigður á í með-
ferð rannsóknarnefndar flugslysa,“
segir síðan í niðurlagi bréfsins.
Málið komið í eðlilegan farveg
Samgönguráðherra sagðist í sam-
tali við Morgunblaðið að sjálfsögðu
vinna strax að því að aðilar málsins
komi því til leiðar að Alþjóðaflug-
málastofnunin bregðist við eins og
rannsóknarnefndin geri ráð fyrir.
Þannig sé málið komið í eðlilegan
farveg og á þann örugga rekspöl
sem telja verði í eðlilegu framhaldi
af því sem á undan er gengið.
„Ég mun að sjálfsögðu stuðla að
því að þessi úttekt verði gerð. Við
eigum eftir að fara yfir það í ráðu-
neytinu hvernig eðlilegt er að standa
að þessu og munum að sjálfsögðu sjá
til þess að okkar hlutur liggi ekki
eftir í því. Ég vona að það taki ekki
langan tíma að koma þessu af stað.“
Sturla sagðist nú ætla að funda
með formanni rannsóknarnefndar-
innar til þess að leggja á ráðin um
framhaldið og heyra nánar hvernig
nefndin vill útfæra samþykkt sína.
Flugslysanefnd vill kalla til erlendan sérfræðing hið fyrsta
Ráðherra mun leita
eftir aðstoð ICAO
 Samfylkingin/10
 Flugvélin/42–43
 Skýrslan/62
ÍSLENSKI togarinn Baldur Árna
RE hefur verið fastur í ís við strönd
Nýfundnalands síðan á þriðjudag.
Aðalsteinn Ómar Ásgeirsson, út-
gerðarstjóri togarans, segist ekki
geta sagt um hvort eða hvenær skip-
ið losni, en stór ísbrjótur er vænt-
anlegur á staðinn í dag.
Að sögn Aðalsteins liggur skipið
tvo kílómetra frá landi og gengu fjór-
ir skipverjar á ísnum í land í gær, en
fjögur önnur skip eru föst í ísnum á
þessu svæði, tveir rússneskir togar-
ar og eitt olíuskip.
Á Baldri Árna er 15 manna íslensk
áhöfn og fer vel um hana um borð.
Skipið, sem áður hét Sunnutindur
SU, er frystitogari og var á úthafs-
rækjuveiðum á Flæmingjagrunni.
Það hafði verið viku á veiðum þegar
verkfall sjómanna skall á og var það
á landleið til Bay Roberts til lönd-
unar þegar það festist í ísnum á
þriðjudag. Áhöfnin átti að fljúga
heim til Íslands frá St. Johns. Til-
raunir kanadísku strandgæslunnar
til að koma skipunum til hjálpar hafa
ekki borið árangur. Ísbrjótur reyndi
að opna vök fyrir skipin í fyrradag en
hann var ekki nógu öflugur til þess
og varð frá að hverfa. Öflugri ísbrjót-
ur er væntanlegur í dag til freista
þess að losa skipin. Að sögn Aðal-
steins er engin hætta á ferðum eins
og er, en ómögulegt er að segja til
um hvað getur gerst ef vindátt
breytist. Skipið er óskemmt en kol-
fast í ísnum. Útgerðarfélagið Marína
ehf. á Ísafirði gerir út skipið og er
Aðalbjörn Jóakimsson fram-
kvæmdastjóri fyrirtækisins. Togar-
inn er um 500 brúttótonn.
Íslenskur togari fastur í ís
UNGA kynslóðin skemmtir sér oft vel í laugunum líkt
og þessi unga stúlka í Vesturbæjarlauginni í gær. Þrátt
fyrir að háar öldur til að brima á séu öllu jöfnu ekki til
staðar í sundlaugum nýttist brimbrettið vel í að brima
eftir traustu baki sem skyndilega reis upp úr vatninu
og vakti kátínu ungu stúlkunnar.
Morgunblaðið/Þorkell
Brimað á baki í lauginni
BORGARLÖGMAÐUR telur að
stjórnsýslulög hafi verið brotin í for-
vali vegna skipulags Halla- og
Hamrahlíðalanda. Alls tóku 25 arki-
tektastofur þátt í forvalinu sem var
auglýst í desember og voru sex
valdar af sérstakri forvalsnefnd. Á
meðal þeirra voru stofur í eigu sonar
skipulagsstjóra og systur deildar-
stjóra borgarskipulags, en tveir af
fulltrúum forvalsnefndarinnar voru
starfsmenn borgarskipulags.
„Telja verður að fyrir hendi séu
þær aðstæður sem til þess eru falln-
ar að draga megi óhlutdrægni starfs-
manna í efa með réttu,“ segir í um-
sögn borgarlögmanns. „Það er því
skoðun borgarlögmanns að fulltrúar
Borgarskipulags í forvalsnefndinni
hafi verið vanhæfir til þess að fara
yfir og meta umsóknir frá arkitekta-
stofum sonar skipulagsstjóra og
systur staðgengils hans.“
Borgarráð hefur ákveðið að skipa
tvo nýja fulltrúa í forvalsnefndina í
stað þeirra sem skipaðir voru.
Stjórnsýslu-
lög brotin
 Fjölskyldutengsl/16
ÞRJÁR tilkynningar um slys á börn-
um bárust lögreglunni í Reykjavík í
gærkvöldi. Allar komu þær á sömu
mínútunni, kl. 18.56. Í Breiðholti datt
10 ára drengur af leiktæki og vank-
aðist, frá Skautahöllinni bárust boð
um að 13 ára stúlka hefði hlotið höf-
uðhögg og væri meðvitundarlítil og í
Valsheimilinu lentu tveir piltar í sam-
stuði þannig að annar þeirra vankað-
ist. Börnin voru flutt með sjúkrabif-
reið á slysadeild Landspítalans –
háskólasjúkrahúss í Fossvogi. Meiðsli
þeirra reyndust ekki alvarleg.
Þrjú slys á sömu
mínútunni
HÉRAÐSDÓMUR Reykjavíkur úr-
skurðaði í gærkvöldi þrjá karlmenn í
tveggja vikna gæsluvarðhald. Menn-
irnir voru handteknir ásamt nokkrum
öðrum í Reykjavík á fimmtudag um
leið og hald var lagt á umtalsvert
magn fíkniefna, jafnt hass sem sterk-
ari efni, m.a. e-töflur.
Fíkniefnadeild lögreglunnar í
Reykjavík fer með rannsókn málsins.
Hald lagt á umtalsvert
magn fíkniefna
Þrír í gæslu-
varðhald
♦ ♦ ♦
♦ ♦ ♦
LÖGREGLAN á Akureyri rannsak-
ar nú þjófnað á lyfjum úr læstum
hirslum á Fjórðungssjúkrahúsinu á
Akureyri. Halldór Jónsson, forstjóri
FSA, segir málið alvarlegt en magn
lyfjanna sé þó ekki umtalsvert.
Um er að ræða sterk eftirlitsskyld
lyf, en í þann flokk falla m.a. verkja-
lyf. Lyfjunum var stolið úr læstum
skápum. Engin ummerki voru um
innbrot og því er talið öruggt að
skáparnir hafi verið opnaðir með
lykli. Halldór segir að margir starfs-
menn spítalans hafi haft tækifæri til
að nálgast lyfin. Lögreglan á Akur-
eyri vill ekki tjá sig um málið.
Sterkum
lyfjum stolið
á FSA
KALLA þurfti út körfubíl frá
Slökkviliði höfuðborgarsvæðisins til
að hjálpa 14 ára pilti niður af þaki
Kópavogsskóla í gærkvöldi. Piltur-
inn hafði ásamt félaga sínum klifrað
upp á þak skólans en runnið til á hálu
þakinu. Pilturinn rann fram af þak-
brúninni en náði taki á þakrennu.
Þar hékk hann þegar lögreglan í
Kópavogi kom á staðinn. Um 6
metra fall er niður af þakinu.
Pilturinn gat einnig tyllt fótunum
á gluggasyllu og þannig hélt hann
sér þar til slökkviliðsmenn komu
honum til hjálpar.
Forráðamenn piltanna náðu í þá á
lögreglustöðina en áður hafði lög-
reglan veitt þeim tiltal.
Piltur fastur
á þaki skóla
♦ ♦ ♦