Morgunblaðið - 08.04.2001, Síða 2

FRÉTTIR
2 SUNNUDAGUR 8. APRÍL 2001 MORGUNBLAÐIÐ
NEMENDUM í atvinnuflugi í bekkjum Flug-
skóla Íslands hefur fækkað í 17 til 20 úr 23 til 28 í
bekk undanfarin tvö ár, eða frá því farið var að
kenna eftir nýrri námskrá samkvæmt stöðlum
Flugöryggissamtaka Evrópu (JAA). Að sögn Óm-
ars Guðnasonar, yfirkennara bóklegra greina í
Flugskóla Íslands, hefur brottfall nemenda aukist
sem þessu nemur, að hluta til á meðan kennarar
flugskólans voru að laga sig að nýrri námskrá og
Flugmálastjórn að laga sig að nýjum vinnu-
reglum, hvort tveggja með óæskilegum hliðar-
verkunum.
Á liðnu hausti voru svokölluð JAR-próf þreytt í
fyrsta skipti samkvæmt nýju námskránni. Á milli
36 og 38 nemendur tóku alls 365 próf og náðust
59% prófanna. Með nýju JAA-námskránni hefur
lágmarkseinkunn verið hækkuð upp í 7,5 í stað 5,0
áður. Frá því í haust hafa próf verið þreytt um síð-
ustu jól og í mars síðastliðnum en ekki liggja fyrir
tölur um fallhlutfall úr þeim.
Ómar segir að aðlögun að nýrri námskrá og
vinnureglum sé nú farin að skila árangri eftir
brösótta byrjun og tilefni sé til að ætla að 75–80%
prófa náist í vor.
Ómar segir það ekkert launungarmál að árang-
ur nemenda í upphafi JAA-prófanna hafi verið
lakur og hafi það haft neikvæð áhrif á aðsókn að
skólanum samhliða neikvæðri fjölmiðlaumræðu.
„Auk þess er á það að líta að aðsókn að skólanum
helst líka í hendur við umsvif flugfélaganna,“ seg-
ir Ómar. „Þetta er eini skólinn þar sem hægt er að
fá atvinnuflugmannsréttindi. Það hefur verið lítið
um mannaráðningar hjá flugfélögunum síðustu 12
til 18 mánuði og óhjákvæmileg afleiðing þess er
minnkandi aðsókn að skólanum.“
Hann staðhæfir að svokallaður CQB-prófa-
banki, þaðan sem bókleg próf eru tekin, hafi verið
gallaður að stórum hluta og hafi það átt sinn þátt í
slæmri útkomu á prófum í byrjun. Þessu til stuðn-
ings vitnar hann í niðurstöðu breskra flugmála-
yfirvalda, þess efnis að aðeins 16% prófspurninga
JAA í flugreglum væru viðunandi, 26% spurninga
væru óskiljanlegar og 6% þeirra væru beinlínis
rangar. Þetta hafi valdið 92% falli meðal franskra
flugnemenda og 88% falli meðal breskra nem-
enda. „Ástandið hefur því verið bagalegt víðar en
hér á landi,“ segir Ómar. „Nú er hins vegar svo
komið að meðhöndlun prófanna er mun betri hér-
lendis sem ætti að stuðla að betri árangri nem-
enda.“ En hvað er átt við með betri meðhöndlun
prófa?
„Yfirlestur prófa áður en þau eru sett fyrir er
mun betri en áður. Nú hefur Flugmálastjórn kom-
ið á fót sérstakri fagnefnd sem les yfir prófspurn-
ingar til að koma í veg fyrir að nemendur gjaldi
fyrir óvandaða framsetningu. Eftir að nemendur
hafa þreytt prófin fer prófstjóri Flugmálastjórnar
auk fagnefndarinnar yfir athugasemdir nemenda
ef einhverjar eru um meintar rangfærslur í próf-
spurningunum.“
Aðlögun að nýrri flugnám-
skrá hluti nemendafækkunar
SAUÐBURÐUR er nú hafinn í
Fljótshlíðinni. Á bænum Árna-
gerði bar fyrsta ærin á fimmtu-
dag og var þrílembd. Þær vinkon-
ur Elínborg Harpa Önundardóttir
og Karítas Ágústsdóttir heim-
sóttu fjárhúsin í Árnagerði og
halda hér á tveimur af fyrstu
þremur lömbunum. Þótti þeim
stöllum mikið og spennandi æv-
intýri að hlúa að ungviðinu og
vildu helst fá að taka lömbin með
sér heim. Morgunblaðið/Önundur Björnsson
Sauðburður
í Fljótshlíð
GEIR H. Haarde fjármálaráð-
herra er fimmtugur í dag, 8. apr-
íl, en í gær tóku hann og Inga
Jóna Þórðardóttir, kona hans, á
móti gestum í tilefni afmælisins.
Hópur sjálfstæðismanna úr stjórn
hverfafélags flokksins í Nes- og
Melahverfi tók daginn snemma í
gær og bankaði uppá hjá afmæl-
isbarninu á heimili hans í vest-
urbænum í Reykjavík til að
syngja fyrir hann og færa þeim
hjónum konfekt. Var einnig skál-
að í freyðivíni og blys tendrað.
Ekki hafði heimsóknin verið til-
kynnt þeim hjónum fyrirfram en
ráðherrann hafði á orði að hann
hefði verið kominn á fætur og
hugað að sundferð þegar félaga
hans bar að garði í morgunsárið.
Morgunblaðið/Þorkell
Sungið fyrir fjármála-
ráðherra fimmtugan
Á ÁRSFUNDI Landsvirkjunar, sem
haldinn var á Akureyri sl. föstudag,
var samþykkt tillaga frá stjórn um að
greiða eigendum tæplega 270 millj-
ónir króna í arð. Arður var ákveðinn
rúmlega milljarður en 75%, eða 809
milljónir króna, bætast við framlög
eigenda.
Samkvæmt þessari ákvörðun nem-
ur arðgreiðslan til ríkissjóðs tæpum
135 milljónum króna, til Reykjavík-
urborgar 120 milljónum og Akureyr-
arbær fær rúmar 29 milljónir en þar
er innifalin rúmlega 14 milljóna króna
viðbótararðgreiðsla samkvæmt sam-
komulagi eigenda Landsvirkjunar.
Í ræðu Friðriks Sophussonar á
samráðsfundi Landsvirkjunar á
föstudag kom fram að rekstrartekjur
síðasta árs hafi hækkað um 12,3% frá
1999 en rekstrarkostnaður að af-
skriftum meðtöldum hafi hækkað um
23,7% vegna stóraukinna umsvifa.
Sagði hann helming hækkunarinnar
vera vegna meiri afskrifta.
Þá kom fram í máli forstjórans að
þýskir bankar og fjármálastofnanir
hafi gegnt lykilhlutverki í fjármögnun
fyrirtækisins. Hann sagði hugsanlega
bliku á lofti hvað varðaði áframhald-
andi þátt þeirra. „Innan Evrópusam-
bandsins eru uppi kröfur um að þýsku
þjóðlöndin falli frá ábyrgðum á þar-
lendum bönkum. Ef þetta gerist má
búast við að þessir fjárfestar geti í
minna mæli lánað til Íslands á við-
unandi kjörum. Því er mjög mikil-
vægt að Landsvirkjun, en þó einkum
ríkið, leitist við að afla nýrra fjár-
festa,“ sagði Friðrik meðal annars.
Eigendur Lands-
virkjunar fá 270
milljóna króna arð
LÖGREGLAN í Reykjavík hefur
upplýst innbrot í Hlíðunum og í Holt-
unum sem framin voru á miðvikudag.
Samkvæmt upplýsingum frá lög-
reglunni var símum, tölvu og DVD-
spilurum stolið í innbrotinu í Hlíðun-
um. Verðmæti hlutanna er um ein
milljón króna. Lögreglan handtók síð-
ar um daginn tvo menn og konu og
lagði um leið hald á um helming þýf-
isins. Fólkið hefur játað aðild sína að
innbrotinu.
Í síðarnefnda innbrotinu var tölvu-
hljóðblandara, sem kostar um eina
milljón, stolið. Maður var handtekinn
samdægurs vegna málsins og í fram-
haldi af því tókst að endurheimta
hljóðblandarann.
Lögreglan segir að undanfarið hafi
borið talsvert á innbrotum í bíla í
Reykjavík, einkum í austurborginni.
Þjófarnir hafa einkum verið að sækj-
ast eftir hljómtækjum og lausum
munum. Lögreglan hvetur fólk til að
skilja ekki eftir verðmæti í bílum sín-
um.
Tvö innbrot upp-
lýst samdægurs
LÖGREGLAN í Reykjavík
handtók á fimmtudaginn mann
á þrítugsaldri vegna gruns um
að hann hefði svikið út vörur úr
fyrirtækjum á höfuðborgar-
svæðinu á undanförnum dög-
um. Um var að ræða hljóm-
flutningstæki, húsgögn, bíla-
og veitingavörur o.fl., sem
hann tók út á fyrirtæki án
heimildar.
Ómar Smári Ármannsson
aðstoðaryfirlögregluþjónn seg-
ir verðmæti varningsins veru-
legt. Svo virðist sem maðurinn
hafi átt tiltölulega auðvelt með
svikin því hvergi voru gerðar
ráðstafanir til að kanna hvort
hann hafði umboð til úttekt-
anna. Í sumum tilvikum gaf
hann upp nöfn fyrirtækja og
jafnvel kennitölur sem fyrir-
finnast ekki. Í öðrum tilvikum
eru fyrirtækin sem nefnd voru
ekki starfandi. Þannig tókst
honum að ná út varningi fyrir
u.þ.b. eitt hundrað þúsund
krónur á hverjum stað þar sem
hann reyndi fyrir sér. Lögregl-
unni hefur tekist að endur-
heimta eitthvað af húsgögnun-
um, bílavörur og fleira.
Ómar Smári hvetur starfs-
fólk fyrirtækja til aðgæslu í
viðskiptum svo minnka megi
líkur á svikum sem þessum.
Svikin
tiltölu-
lega
auðveld
TVEIR voru fluttir á slysadeild eftir
bílveltu á Reykjanesbraut í Hvassa-
hrauni í fyrrinótt. Lögreglan í Kefla-
vík fékk tilkynningu um slysið um
klukkan eitt en samkvæmt upplýsing-
um frá lögreglunni virðist sem öku-
maður hafi misst stjórn á bifreiðinni í
hálku.
Ökumaður og farþegi voru báðir
fluttir á slysadeild Landspítala – há-
skólasjúkrahúss í Fossvogi. Ökumað-
urinn var talinn kjálkabrotinn en far-
þeginn var handarbrotinn og fór heim
að lokinni aðhlynningu. Bifreiðin var
fjarlægð af vettvangi með kranabíl
enda var hún mikið skemmd.
Bílvelta á
Reykjanesbraut
Missti stjórn
á bílnum
í hálku
Morgunblaðinu í dag fylgir
blaðauki, Ævi og störf – Sig-
urbjörn Einarsson biskup.
SIGURBJÖRN
EINARSSON
Æviogstörf
KARLMAÐUR og fjögur börn sátu
föst í fólksbifreið í um fimm klukku-
stundir í Víðidal á Möðrudalsöræfum
aðfaranótt laugardagsins.
Ökumaðurinn mun hafa fest bif-
reiðina um kl. 23 en þá var færð tekin
að spillast. Á fjórða tímanum kom
önnur bifreið að bílnum og lét öku-
maður hennar Neyðarlínu vita.
Björgunarsveit frá Slysavarnafélag-
inu Landsbjörgu var kölluð til að-
stoðar en heimilismaður á Möðrudal
sem var á heimleið hafði þá tekið
fólkið upp í bíl sinn. Hann er reyndar
sjálfur félagi í Hjálparsveit skáta á
Fjöllum. Fólkið gisti á Möðrudal um
nóttina.
Sátu föst í
fimm tíma
LÖGREGLAN á Ísafirði stöðvaði á
föstudagskvöld ökumann bifreiðar
vegna gruns um ölvun við akstur.
Þetta var í fjórða skiptið frá því í
desember á síðasta ári sem lögregl-
an stöðvar manninn vegna ölvunar-
aksturs. Kærur vegna hinna mál-
anna þriggja eru til meðferðar hjá
Héraðsdómi Vestfjarða.
Fjórði ölvun-
araksturinn
♦ ♦ ♦