Morgunblaðið - 08.04.2001, Blaðsíða 53
FRÉTTIR
MORGUNBLAÐIÐ SUNNUDAGUR 8. APRÍL 2001 53
Lögmenn Skeifunni
Hef opnað lögmannsstofu
í Skeifunni 19, 4. hæð, 108 Reykjavík.
Þórey Aðalsteinsdóttir hdl.,
sími 550 3700, fax 550 3701, netfang thorey@logmenn.is
Almenn lögfræðiþjónusta m.a í málum er varða:
Slysabætur Fasteignakaup Samkeppnisrétt
Hjónaskilnaði Erfðarétt Stofnun fyrirtækja
ÞINGFLOKKUR Samfylkingarinn-
ar hefur sent frá sér eftirfarandi
ályktun um verfkallsboðun háskóla-
kennara:
„Félag háskólakennara hefur
samþykkt að boða til verkfalls 2.
maí nk. hafi samningar ekki náðst í
viðræðum félagsins og samninga-
nefndar ríkisins. Atkvæðagreiðsla
um verkfallsboðun stóð í viku og
mikill meirihluti samþykkti verkfall-
ið eða 83,7% þeirra sem greiddu at-
kvæði. Niðurstaða atkvæðagreiðsl-
unnar er skýr vísbending um
sterkan vilja félagsmanna um að
ekki verði hvikað frá kröfum þeirra.
Báðir deiluaðilar þurfa að sýna mik-
inn samningsvilja til þess að sættir
náist og ekki þurfi að koma til verk-
falls.
Þingflokkur Samfylkingarinnar
skorar á stjórnvöld að beita sér fyr-
ir farsælli lausn deilunnar þannig að
samningar takist og háskólakenn-
arar fái eðlilega leiðréttingu launa
sinna. Það má ekki gerast að í
fyrsta sinn í sögunni sjái háskóla-
kennarar sig knúna til að fara í
verkfall til að ná fram kjarabótum
með hörmulegum afleiðingum fyrir
nemendur skólans. Í húfi eru hags-
munir á sjöunda þúsund stúdenta
sem búa við mikla óvissu um fram-
kvæmd prófa og afgreiðslu náms-
lána. Verkfall mun lama alla starf-
semi skólans og brýnt er að
stjórnvöld leiti allra leiða til að slíkt
gerist ekki í æðstu menntastofnun
þjóðarinnar.“
Hagsmunir á sjöunda
þúsund stúdenta í húfi
OLÍSUMBOÐIÐ í Njarðvík hefur
flutt sig um set og opnað í nýjum og
glæsilegum húsakynnum á Fitja-
bakka 2–4 í Njarðvík. Þar á planinu
hefur einnig verið opnuð ný ÓB-stöð
sem þegar er farin að selja mjög
vel.
Þess má geta að ÓB í Njarðvík er
10. ÓB-stöðin sem opnuð er frá því
að hafinn var rekstur á þessum
sjálfvirku bensínstöðvum í október
1996.
Nýja umboðshúsnæðið í Njarðvík
samanstendur af 400 fm lagerhús-
næði og 200 fm verslunar- og skrif-
stofuhúsnæði. Tveir stærstu verk-
takarnir sem komu að fram-
kvæmdunum voru Meistarahús í
Njarðvík sem sá um húsbygginguna
og Einar Svavarsson og synir og
Malbikunarstöð Suðurnesja sem sáu
um lóðaframkvæmdir. Verkfræði-
stofa Suðurnesja sá um hönnun og
eftirlit með framkvæmdunum ásamt
Raftæknistofunni og Fjarhitun.
Umboð Olís í Njarðvík var form-
lega stofnað árið 1958 og var stað-
sett að Hafnarbraut 6 þar til nú.
Umboðsmaður í Njarðvík er Steinar
Sigtryggsson.
Nýju húsakynni Olísumboðsins í Njarðvík á Fitjabakka 2–4.
Ný ÓB-stöð opnuð
í Njarðvík
Á FUNDI bæjarstjórnar Sandgerð-
isbæjar þann 4. apríl sl. var eftirfar-
andi tekið fyrir og bókað:
„Bæjarstjórn Sandgerðisbæjar
beinir þeirri eindregnu áskorun til
stjórnvalda að fella út ákvæði laga
um krókabáta sem koma á til fram-
kvæmda 1. september 2001.
Það rekstrarumhverfi sem skap-
aðist með tilkomu útgerðar á smærri
bátum hefur gert það að verkum að
fjölmörg fyrirtæki hafa sprottið upp
og rennt stoðum undir byggðir við
sjávarsíðuna.
Þessa þróun má rekja til þess að
stjórnvöld höfðu frumkvæði að því
að leita sátta við smábátaeigendur í
viðkvæmu en afar alvarlegu máli fyr-
ir umræddar byggðir.
Öflug smábátagerð er einn helsti
lykillinn að aukinni sátt um fyrir-
komulag fiskveiða ásamt því að
gegna fjölþættu hlutverki í atvinnu-,
félags- og efnahagslífi smærri út-
gerðarstaða.
Bæjarstjórn telur einnig rétt að
benda stjórnvöldum á að Sandgerð-
isbær hefur þurft að horfa á eftir
nær öllum kvóta frá einni af öflug-
ustu útgerðarstöð landsins. Bæjar-
félagið á því nú meira en nokkru
sinni undir því að smábátaútgerð
haldist á svæðinu og eflist frekar frá
því sem nú er.“
Vilja fella út ákvæði
um krókabáta