Morgunblaðið - 08.04.2001, Blaðsíða 58

FÓLK Í FRÉTTUM
58 SUNNUDAGUR 8. APRÍL 2001 MORGUNBLAÐIÐ
Augun eru spegill sálarinnar
Hrukkulaus fullkomnun
með
SKIN CAVIAR REVITALIZING EYE MASK
Tvö frábær efni sem nota má saman eða sitt í hvoru lagi.
Þau kalla í báðum tilfellum fram tafarlausa ímynd
æsku og fullkomleika.
Laugavegi 23, sími 511 4533
KYNNING
á morgun,
mánud. 9. apríl
og þriðjud. 17. apríl á
Laugaveginum.
10% kynningarafsláttur og
fallegur kaupauki.
Bjóðum nýtt kortatímabil.
VERTU VELKOMIN!
HÁTT í tvö hundruð manns sóttu
Þorrablót Íslendingafélags Norð-
ur-Kaliforníu í San Francisco á
dögunum. Þar var auðvitað hefð-
bundinn þorramatur á boðstólum
og gestir dönsuðu fram á rauða-
nótt við undirleik André Bach-
mann og Smára Eggertssonar en
þeir flugu yfir hálfan hnöttinn til
að skemmta löndum sínum.
Gísli Hermannsson, formaður Ís-
lendingafélagsins, sagði blótið
hafa tekist mjög vel. „Mætingin
var ágæt og nokkru betri en verið
hefur undanfarin ár. Flestir félag-
ar í Íslendingafélaginu hafa búið
lengi hér í Norður-Kaliforníu en
svo bætast við námsmenn og aðrir
sem dvelja hér skemmri tíma.“
Þrátt fyrir að vera fjarri heima-
högum hvarflar ekki annað að Ís-
lendingum í Norður-Kaliforníu en
að fá hefðbundinn þorramat á
Þorrablótinu. „Kokkarnir Magnús
Héðinsson og Kristján Krist-
jánsson, sem reka fyrirtækið
Lundann, sáu um að kaupa allan
mat heima á Íslandi og sendu hann
til okkar með aðstoð Cargolux sem
hefur áður verið liðlegt við slíka
flutninga fyrir okkur. Við nutum
þó ekki eingöngu liðsinnis Cargo-
lux því Flugleiðir veittu okkur
góðan afslátt af farmiðum fyrir
kokkana og hljómsveitina.“
Þetta var í fyrsta skipti sem Ís-
lendingafélagið fékk hljómsveit
alla leið að heiman. „Við vorum
mjög ánægð með þá André og
Smára, þeir hljómuðu eins og heil
hljómsveit og héldu uppi mjög
góðri stemmningu á dansgólfinu
auk þess að fá alla með í fjölda-
söng. Þeir blönduðu saman íslensk-
um slögurum og erlendum svo allir
fengu eitthvað við sitt hæfi.“
Á Þorrablótum Íslendinga-
félagsins borða allir sig sadda af
sviðum, hangiketi og harðfiski en
taka svo íslenskt sælgæti með sér
heim að ballinu loknu. Hjónin Alan
og Lísa Cristwell eru með net-
verslunina Iceland Treasure Chest
og þau selja löndum sínum ópal,
súkkulaði, lakkrískonfekt og fleira
af því tagi. Tombóluvinningar voru
einnig þjóðlegir, bæði kleinur og
flatkökur, áskrift að tímaritum
Fróða og farmiðar til Íslands með
Flugleiðum. Íslendingafélagið hef-
ur líka lengi haft þann sið að hafa
einn vinninginn tölvulyklaborð
með íslenskum lyklum en slíkir
gripir eru fágæti í Norður-
Kaliforníu.
Stjórn Íslendingafélagsins í
Norður-Kaliforníu skipa þau Gísli
Hermannsson formaður, Siggi
Ragnar varaformaður, Adda Sig-
urðar gjaldkeri, Guðrún Finns-
dóttir, Celia Donahoe og Denise
Andersen.
Gestir á þorrablótinu í San Francisco kunnu vel að meta danstónlist félaganna André Bachmann og Smára
Eggertssonar.
Daryl Smith, Hrund Gísladóttir, Margrét Kristjánsdóttir, Ásthildur
Roff, María Roff og Þórir Roff létu sig ekki vanta á þorrablót Íslend-
ingafélags Norður-Kaliforníu.
Þorrablót Íslendinga í Norður-Kaliforníu
Flatkökur og fjöldasöngur