Morgunblaðið - 21.04.2001, Qupperneq 16

SUÐURNES
16 LAUGARDAGUR 21. APRÍL 2001 MORGUNBLAÐIÐ
UNNIÐ er að athugun á staðsetn-
ingu nýs íþróttasvæðis fyrir Reykja-
nesbæ á Neðra-Nickelsvæðinu ofan
við Reykjaneshöllina með það fyrir
augum að nýta núverandi íþrótta-
svæði í Keflavík og Njarðvík til bygg-
ingar. Hugmyndin gengur út á það að
byggja aðalleikvang bæjarins í ná-
grenni við Reykjaneshöllina og fimm
til sex æfingavelli að auki.
Hugmyndin að uppbyggingu nýs
íþróttasvæðis kom upp í skipulags- og
byggingarnefnd bæjarins og á fundi
hennar 8. mars voru skoðaðar tillögur
um staðsetningu þess á Neðra-Nick-
elsvæðinu ofan við Reykjaneshöllina.
Á bak við hugmyndina er áhugi á að
nýta núverandi íþróttasvæði í Kefla-
vík og Njarðvík að hluta eða öllu leyti
undir byggingar.
Íþrótta- og tómstundaráð ræddi
þessar hugmyndir á fundi fyrr í vik-
unni, í tengslum við áætlun um fram-
kvæmdir vegna íþróttamála 2002 til
2011 sem unnið er að. Í bókun nefnd-
arinnar kemur fram að hún telur hug-
myndirnar athyglisverðar og var
samþykkt að skoða þær nánar í sam-
ráði við Íþróttabandalag Reykjanes-
bæjar.
Kostar 100 milljónir að
gera við völlinn í Keflavík
Stefán Bjarkason, íþrótta- og tóm-
stundafulltrúi, segir mikilvægt að fá
að vita hvort áhugi sé á þessum hug-
myndum. Bendir hann á að malarvell-
ir á íþróttasvæðum ÍBK og UMFN
standi að mestu ónotaðir eftir að
Reykjaneshöllin var opnuð enda séu
þar tveir malarvellir sem tekið hafi
við hlutverki útivallanna. Þar sé
svæði sem hugsanlega sé unnt að
nýta til annars. Hann segir að gera
þurfi miklar lagfæringar á aðalleik-
vanginum í Keflavík, laga þurfi gras-
völlinn og einnig tryggja öryggi leik-
manna samkvæmt kröfum
Alþjóðaknattspyrnusambandsins.
Völlurinn sé á undanþágu og skoð-
unarmenn væntanlegir á næstunni.
Því til viðbótar sé ljóst að gera þurfi
kostnaðarsamar breytingar á frjáls-
íþróttaaðstöðunni ef Íþrótta- og ung-
mennafélagið sæki um landsmót ung-
mennafélaganna eins og komið hafi til
tals. Endurbætur á vellinum gætu
kostað samtals um 100 milljónir og
því sé spurning hvort ekki sé skyn-
samlegra að leggja þá fjármuni í
framtíðaraðstöðu. Þá nefnir hann
bílastæðavandamál á svæðinu, meðal
annars að áform um stækkun Fjöl-
brautaskóla Suðurnesja strandi á því
að einhverju leyti. Flutningur
íþróttasvæðisins gæti leyst það
vandamál. Þó leggur Stefán áherslu á
að áfram verði hægt að hafa ein-
hverja íþróttatengda starfsemi á
þessum svæðum, þótt hún verði ekki í
sama mæli og nú.
Ellert Eiríksson, bæjarstjóri
Reykjanesbæjar, segir að ekki hafi
verið tekin afstaða til umræddra hug-
mynda um uppbyggingu nýs íþrótta-
svæðis. Hann vekur athygli á því að í
gildi sé samningur bæjarins við bæði
knattspyrnufélögin um uppbyggingu
æfingaaðstöðu, annars vegar í Njarð-
vík og hins vegar á Iðavöllum í Kefla-
vík. Bærinn leggur 70 milljónir kr. í
það verkefni á fimm árum. Þá segir
hann að aðstaða íþróttafélaganna sé
jafnframt tilfinningamál félagsmann-
anna sem vilji hafa eigin íþróttasvæði.
Spurður um eigin skoðun á málinu
segist bæjarstjóri ekki telja tímabært
að standa að flutningi íþróttasvæðis-
ins. Hins vegar sé ekki hægt að úti-
loka að sá tími komi að vallarsvæðin
verði verðmætari til annarra nota og
þá verði að taka málið upp.
Umrætt Neðra-Nickelsvæði er
hluti af varnarsvæði Varnarliðsins á
Keflavíkurflugvelli. Þar voru geymd-
ar olíubirgðir en því var hætt fyrir
mörgum árum. Forráðamenn
Reykjanesbæjar hafa lengi haft
áhuga á að fá stjórnvöld og varnarlið-
ið til að hreinsa svæðið og skila því
þannig að hægt væri að skipuleggja
það fyrir byggingu íbúðar- og at-
vinnuhúsnæðis. Ellert segir miður
hvað illa hafi gengið að þoka málinu
áfram.
Hann segir að svæðið sé í miðju
bæjarfélagsins og mikilvægt að fjar-
lægja þar mannvirkjaleifar og
hreinsa mengun. Hann sér fyrir sér
að þetta svæði sé alveg eins verðmætt
byggingarland og núverandi íþrótta-
svæði.
Hugmyndir um sameigin-
lega velli á Nickelsvæðinu
Í staðinn verði byggt á íþróttasvæð-
unum í Keflavík og Njarðvík



 












 







 

 






 




 

!

 #$

%%

& #'(  


  
    


    

Reykjanesbær
Fréttaefni af Suðurnesjum hef-
ur nú fengið sérstakan sess í
Morgunblaðinu. Ábendingar
um fréttir, viðtöl, ljósmyndir og
annað efni eru vel þegnar. Þeim
má koma á framfæri við um-
sjónarmann síðunnar, Helga
Bjarnason, í síma 569 1310 eða
897 9706 og á netfangið:
helgi@mbl.is
BÆJARRÁÐ Reykjanesbæjar hef-
ur samþykkt samhljóða að ráða
Gunnar Þór Jónsson sem skólastjóra
Heiðarskóla í Keflavík. Samþykktin
fer til staðfestingar í bæjarstjórn í
næstu viku.
„Ég er spenntur fyrir starfinu,
hlakka til að takast á við það,“ sagði
Gunnar Þór í gær í tilefni af sam-
þykkt bæjarráðs. Hann hefur starf-
að sem aðstoðarskólastjóri Heiðar-
skóla frá stofnun skólans haustið
1999. Staðan var auglýst eftir að
Árný Inga Pálsdóttir sagði því lausu
á dögunum og var Gunnar Þór á
meðal umsækjenda. Hinir voru
Helgi Arnarson, skólastjóri á
Blönduósi, og Ómar Bjarnþórsson,
skólastjóri á Breiðdalsvík.
Gunnar er 48 ára Keflvíkingur.
Hann var lengst af kennari við
Barnaskóla Keflavíkur, síðar Myllu-
bakkaskóla, en fór tvisvar til kennslu
og skólastjórnunar á Vestfjörðum,
fyrst við upptökuheimilið í Breiðuvík
og seinna við skólann í Örlygshöfn
við Patreksfjörð. Hann var einnig
þekktur knattspyrnumaður með
ÍBK þar sem hann var hægri bak-
vörður í fjöldamörg ár.
Gunnar
Þór skóla-
stjóri Heið-
arskóla
Keflavík
BÆJARRÁÐSFULLTRÚAR
minnihlutans í Reykjanesbæ hafa
óskað eftir skýringum á ummælum
íþróttafulltrðua við opnun hnefaleika-
salar. Saka þeir hann um að stuðla að
lögbrotum en í bókun tómstunda- og
íþróttaráðs og íþróttafulltrúans á
fundi ráðsins er því hafnað.
Stefán Bjarkason, íþrótta- og tóm-
stundafulltrúi, mætti við opnun
hnefaleikasalar Hnefaleikafélags
Reykjaness á dögunum. Í Suðurnes-
jafréttum var sagt að hann hefði þar
tilkynnt að TÍR hygðist styrkja starf-
semina. Af því tilefni lögðu Jóhann
Geirdal og Kristmundur Ásmunds-
son, fulltrúr Bæjarmálafélags jafnað-
ar- og félagshyggjufólks, fram fyrir-
spurn til íþróttafulltrúans þar sem
vakin er athygli á því að hnefaleikar
eru bannaðir og m.a. spurt hvort hann
telji eðlilegt að opinber embættis-
maður gangi fram fyrir skjöldu og
taki þátt í lögbroti á því sviði sem und-
ir hann heyrir með því að mæta á
staðinn og einnig að tilkynna styrk-
veitingu til ólöglegrar starfsemi.
Stefán Bjarkason segir að tóm-
stunda- og íþróttaráðið hafi haft
áhuga á að styrkja hnefaleikasalinn
með 100 þúsund króna framlagi, þeg-
ar og ef hnefaleikar verði leyfðir, og
vísar í því efni til frumvarps sem ligg-
ur fyrir Alþingi. Segir hann að um-
mæli sín við opnunina hafi ekki verið
rétt eftir höfð í umræddu blaði, hann
hafi sagt að styrkveitingin yrði tek-
infyrir á fundi TÍR. Málið var rætt
fundi tómstunda- og íþróttaráðs síð-
astliðinn miðvikudag og bókað að
aldrei hefði staðið til að aðhafast neitt
sem væri andstætt landslögum.
Krefja
íþróttafull-
trúa svara
Reykjanesbær
SKINNFISKUR ehf. í Sandgerði
flytur út 15-20 þúsund tonn af
minkafóðri á ári. Fóðrið fer til
minkabænda í Danmörku, aðallega
á Jótlandi.
Skinnfiskur ehf. kaupir fisk-
úrgang, lagar úr því minkafóður og
frystir í plötur í frystihúsi sínu í
Sandgerði. Samtök danskra minka-
skinnsframleiðenda kaupir fóðrið
og kemur lítið færeyskt frystiskip
mánaðarlega og tekur 1.000 til
2.000 tonn í hverri ferð. Á sum-
ardaginn fyrsta var verið að lesta
minkafóður í Nordic Ice.
Minkurinn viðkvæmur
Ari Leifsson, framkvæmdastjóri
Skinnfisks ehf., segir að fóðrið líki
vel. Minkurinn sé ferskæta og hafi
gæði fóðursins mikil áhrif á árang-
ur eldisins og gæði framleiðslunnar.
Þrengst hefur um fóðuröflun í Dan-
mörku, meðal annars vegna sam-
dráttar í fiskveiðum í Norðursjó.
Því hafa dönsku bændurnir gripið
til þess ráðs að kaupa fóður víðar
að. Þetta er fjórða árið sem Skinn-
fiskur stundar þennan útflutning.
Skinnfiskur selur einnig sunn-
lenskum minkabændum fóður, þeg-
ar fóðurþörfin á búunum er í há-
marki og þeir hafa ekki undan að
framleiða fóðrið sjálfir.
Morgunblaðið/Árni Sæberg
Frystu minkafóðri skipað út í Sandgerðishöfn. Skinnfiskur ehf. flytur út til Danmerkur 20 þúsund tonn á ári.
Minkafóður til Danmerkur
Sandgerði
EIGENDUR þriggja húsa í botn-
langagötu við Hlíðarveg 82–86 í Ytri-
Njarðvík hafa óskað eftir því við
bæjaryfirvöld að þau kosti viðgerðir
á götunni vegna aukinnar umferðar
og framkvæmda. Erindið var lagt
fyrir bæjarráð og vísað til umsagnar
skipulags- og byggingarnefndar.
Í bréfi húseigendanna kemur fram
að samkvæmt aðalskipulagi hafi ein-
ungis verið gert ráð fyrir þremur
húsum við götuna og þá verið gengið
frá götunni að fullu. Síðar hafi skipu-
lagsyfirvöld heimilað byggingu fleiri
húsa. Við framkvæmdir í kjölfarið
hafi umferð aukist til muna og valdið
umtalsverðum skemmdum.
Biðja um
viðgerðir á
götunni
Njarðvík
♦ ♦ ♦