Morgunblaðið - 21.04.2001, Síða 17

SUÐURNES
MORGUNBLAÐIÐ LAUGARDAGUR 21. APRÍL 2001 17
A m e r í s k i r s v e f n s ó f a r
VÍÐAVANGSHLAUP Grunnskóla
Grindavíkur var haldið á sumar-
daginn fyrst, eins og venjulega.
Sennilega er þessi hefð að nálgast
það að ná tuttugu ára aldri en
varla er rétt að kalla þetta víða-
vangshlaup því hlaupið er eftir
götum bæjarins.
Börnunum er skipt niður eftir
aldri og kyni þannig að fyrst hlupu
stelpur í 1.- 4. bekk, þá strákar á
sama aldri og svo koll af kolli.
Verðlaun eru veitt fyrir þrjú efstu
sætin í hverjum flokki auk bestu
þátttöku bekkjar þ.e. farandbikar,
er veittur þeim bekk sem skilar
sér best prósentulega í hlaupið og
er sú keppni oft mjög hörð.
Mikill fjöldi þátttakenda var
eins og alltaf en veðrið var ekki
eins og best verður á kosið, vind-
sperringur og frekar kalt. For-
eldra- og kennarafélagið var síðan
með til sölu pylsur og drykki fyrir
svanga hlaupara og gesti og þá
skipti veðrið litlu máli.
Morgunblaðið/GPV
Ungir hlauparar leggja af stað.
Víðavangshlaup
á götum bæjarins
Grindavík
SKÁTAR stóðu fyrir skrúðgöngu
í Keflavík og Njarðvík á sum-
ardaginn fyrsta. Skrúðgöngu
skátafélagsins Heiðbúa í Keflavík
lauk við kirkjuna þar sem ungir
skátar voru vígðir.
Að sögn Bjarna Páls Tryggva-
sonar aðstoðarfélagsforingja
heppnuðust hátíðahöldin vel.
Veðrið var gott og allir skemmtu
sér vel.
Á sumardaginn fyrsta var und-
irritaður samstarfssamningur
skátafélagsins, Reykjanesbæjar
og lionessuklúbbsins í Keflavík
um lagfæringu á skátaheimilinu á
Hringbraut 101 í Keflavík. Bær-
inn og lionessuklúbburinn leggja
fram 500 þúsund kr., hvor aðili,
til endurbótanna. Unnið hefur
verið að lagfæringunum og eru
þær raunar komnar vel á veg, að
sögn Bjarna Páls.
Gott að hvíla sig í göngunni.
Morgunblaðið/Árni SæbergSkrúðganga skátanna liðaðist um götur Keflavíkur.
Börnin fylgdust með skátunum.
Styrkja endurbæt-
ur skátaheimilis
Reykjanesbær
FJÖLMENNI var við hátíða-
höldin á sumardaginn fyrsta í
Garði en þau fóru fram með
hefðbundnu sniði. Árlegt víða-
vangshlaup var um morguninn
þar sem keppt er í nokkrum
aldursflokkum stúlkna og
drengja.
Eftir hádegi var safnast sam-
an í miðbænum og gengið fylktu
liði til kirkju undir traustri
stjórn skáta og lögreglu. Fjöl-
menni var í kirkjunni en það var
sóknarprestur Hvalsness- og
Útskálakirkju, Björn Sveinn
Björnsson, sem messaði.
Um kl. 15 var komið saman á
ný í samkomuhúsinu en þar var
fjölskylduskemmtun og margt
um manninn. Þar tóku yngstu
borgararnir á móti gestum og
sungu nokkur sumarlög. Þá var
vetur kvaddur og sumri fagnað
en það voru nemendur Gerða-
skóla sem sáu um þá athöfn.
Unglingar úr Holtaskóla í
Keflavík sýndu stuttan söngleik
undir stjórn Gísla Gunnarssonar
og furðuveran Áslaug furða
(Ólöf Sverrisdóttir) söng og
sagði börnunum sögu. Í lok
skemmtunarinnar fór svo fram
verðlaunaafhending fyrir víða-
vangshlaupið frá því fyrr um
daginn.
Fjölmenni
fagnaði sumri
Garður